မြင်းခြံမြို့တွင် နိုင်ငံရေးအကျဉ်းသားများကူညီစောင့်ရှောက်ရေးအသင်းက စီစဉ်ပြုလုပ်သော လူ့အခွင့်အရေး သင်တန်းကို ဩဂုတ်လ ၁ ရက်နေ့ ၂၀၁၄ ခုနှစ်က ဖွင့်လှစ်ခဲ့ပါသည်။ သင်တန်းကာလမှာ ၁ဝ ရက်ကြာမြင့်မည်ဖြစ်ပြီး အဆိုပါသင်တန်းသို့ မြောင်းမြ၊ ကျုံပျော်၊ တောင်ငူ၊ ကျောက်ပန်းတောင်း၊ တောင်သာ၊ ညောင်ဦး၊ နွားထိုးကြီးနှင့် မြင်းခြံမြို့မှ နိုင်ငံရေးအကျဉ်းသားဟောင်းများနှင့် စိတ်ပါဝင်စားသော ဒေသခံများစုစုပေါင်း ၂၃ ဦးတက်ရောက်ခဲ့ကြပါသည်။

အရိုးနဲ့ အဆုတ်ကင်ဆာခံစားနေရပြီး Green Cross ဆေးရုံတွင် ကုသမှုခံယူနေရသော နိုင်ငံရေးအကျဉ်းသား ဟောင်းတဦးဖြစ်သည့် ကိုမောင်မောင်အား ဇူလိုင်လ ၂၁ ရက်နေ့တွင် နိုင်ငံရေးအကျဉ်းသားများကူညီစောင့်ရှောက်ရေးအသင်း (အေအေပီပီ) မှ သွားရောက်အားပေးစကားပြောကြား၍ ဆေးကုသရာတွင် အထောက်အကူပြုနိုင်ရန် ငွေကြေး ထောက်ပံ့မှုပေးခဲ့သည်။

ခြေတောက်တွင် အနာရောဂါနှင့် ဆီးချိုရောဂါခံစားနေရပြီး Green Cross ဆေးရုံတွင် ကုသမှုခံယူနေရသော နိုင်ငံရေးအကျဉ်းသားဟောင်း တဦးဖြစ်သည့် ကိုမြင့်ဟန်အား ဇူလိုင်လ ၂၁ ရက်နေ့တွင်နိုင်ငံရေးအကျဉ်းသားများ ကူညီစောင့်ရေးအသင်း (အေအေပီပီ)မှ သွားရောက်အားပေးစကားပြောကြား၍ ဆေးကုသရာတွင် အထောက်အကူပြုနိုင်ရန် ငွေကြေး ထောက်ပံ့မှုပေးခဲ့သည်။

၁၉၉ရ ခုနှစ်တွင် ရေတာရှည်မြို့နယ် အဖွဲ့ချုပ်အဖွဲ့ဝင် ၃၆ ဦးအား ပေါ်တာဆွဲခဲ့ပြီး ရှေ့တန်းသို့ ပို့ခံခဲ့ရသည့် ကာယကံရှင်များမှ ၎င်းတို့တွေ့ကြုံ ခံစားရမှုများကို ပြန်လည်ဖေါ်ထုတ်သော အခမ်းအနားကို ရေတာရှည်မြို့နယ် အမျိုးသားဒီမိုကရေစီရုံး၌ ဇူလိုင်လ ၁၅ ရက်နေ့တွင် ပြုလုပ်ခဲ့သည်။