နှစ်သိမ့်ဆွေးနွေးခြင်းဆိုတာ အခက်အခဲ ကြုံတွေ့နေရတဲ့သူတွေကို ကူညီပေးတဲ့ နည်းလမ်းတစ်ခုဖြစ်ပါတယ်။ ဒီထဲမှာ စကားပြောဆိုဆွေးနွေးတာ၊ အပြုအမူပိုင်းဆိုင်ရာ ပြုပြင်ကူညီပေးတာ၊ လူမှုပတ်ဝန်းကျင်နဲ့ ဆက်ဆံနေထိုင်နိုင်နည်းတွေကို ကူညီပေးတာတွေပါဝင်ပါတယ်။ ဒါ့အပြင် လူတွေရဲ့ စိတ်ခံစားချက်ကို ပိုမိုသက်သာကောင်းမွန်လာစေဖို့၊ မှန်ကန်စွာ တွေးတော တတ်လာစေဖို့နဲ့ အပြုအမူတွေ ပြောင်းလဲလာစေဖို့အတွက် ကူညီပေးနိုင်ပါတယ်။ ကျွန်ုပ်တို့အနေဖြင့် စိတ်ဒဏ်ရာ၊ စိတ်ဓါတ်ကျခြင်း၊ စိုးရိမ်ပူပန်မှုလွန်ကဲခြင်းနဲ့ အရက်/မူးယစ်‌ဆေး စွဲလမ်းမှုပြဿနာများအတွက် လူကိုယ်တိုင်ဖြစ်စေ၊ အွန်လိုင်းမှတစ်ဆင့်ဖြစ်စေ နှစ်သိမ့်ဆွေးနွေးမှုများကို ကူညီပံ့ပိုးပေးနေပါတယ်။