ကလေးသူငယ်နှင့် လူ့အခွင့်အရေးဟောပြောပွဲ

ဆိပ်ကြီးခနောင်တို မဲဆန္ဒနယ်(၁)တိုင်းဒေသကြီးလွှတ်တော်ကိုယ်စားလှယ် ဒေါ်စန္ဒာမင်း၏ ပံ့ပိုးကူညီ မှုဖြင့် AAPP မှ ဦးဆောင်ကျင်းပသည့် ကလေးသူငယ်နှင့် လူ့အခွင့်အရေးဟောပြောပွဲကို နိုဝင်ဘာလ ၁ရ ရက်၊ ကြာသပတေးနေ့တွင် ဆိပ်ကြီးခနောင်တိုမြို့နယ် အ.ထ.က ကျောင်းခန်းမ၌ ကျင်းပခဲ့ပါ သည်။

။ အခမ်းအနားသို့ မြို့နယ်အုပ်ချုပ်ရေးမှုး၊ မြို့နယ်ဒုရဲအုပ်၊ ရပ်ကွက်ကျေးရွာအုပ်ချုပ်ရေးမှုးများ၊ လွှတ်တော်ကိုယ်စားလှယ်များ နှင့် သက်ဆိုင်ရာတာဝန်ရှိပုဂ္ဂိုလ်များ၊ ကျောင်းအုပ်ဆရာမကြီးနှင့် ဆရာ ၊ဆရာမများ၊ ကျောင်းသား၊ ကျောင်းသူများ စုစုပေါင်းလူဦးရေ ၂၀၀ဝ နီးပါးခန့် တက်ရောက် ခဲ့ကြ ပါသည်။
ဟောပြောပွဲတွင် ပထမဦးစွာ ဦးမင်းကိုနိုင်မှ “ တတိယအတွေး” ခေါင်းစဉ်ဖြင့် ကလေးသူငယ်များနှင့် သက်ဆိုင်သောအခွင့်အရေးများနှင့် ကမ္ဘာ့နိုင်ငံများတွင် ကလေးများအား တန်ဖိုးထားမှု၊ကလေးသူငယ် များ၏ အနာဂါတ်တန်ဖိုးတို့ကို ကလေးများနားလည်လွယ်မည့် စကားများဖြင့် ဟောပြောပို့ချခဲ့ပါသည်။ ထို့နောက် ကိုဝဏ္ဏနွယ်မှ အပြည်ပြည်ဆိုင်ရာ လူ့အခွင့်အရေးကြေညာစာတမ်း ဖြစ်ပေါ်လာပုံနှင့်ကလေး သူငယ်အခွင့်အရေး၊ အင်တာနက်နှင့် ကလေးသူငယ်အန္တရယ်တို့ကို ဗွီဒီယိုပြသချက်များဖြင့်ဟောပြောခဲ့သည်။

 အစီအစဉ်အရ ဆိပ်ကြီးခနောင်တို မဲဆန္ဒနယ်(၁) တိုင်းဒေသကြီး လွှတ်တော်ကိုယ် စားလှယ် ဒေါ်စန္ဒာမင်းမှ သက်ငယ်မုဒိမ်းအန္တရာယ်နှင့် မိမိကိုယ်ကိုယ် ကာကွယ်စောင့်ရှောက် ရမည့် အချက်များကို ဟောပြောဆွေးနွေးပို့ချခဲ့ပါသည်။ အခမ်းအနားတွင် AAPP မှ လူ့အခွင့်အရေး ကြေညာ စာတမ်း လက်ကမ်းစာစောင်များ၊ ပိုစတာများ၊ အိတ်ဆောင်စာအုပ်ငယ်များ ဖြန့်ဝေခဲ့ကြပါသည်။ အခမ်းအနားကို ညနေ ၃ နာရီတွင်အောင်မြင်စွာပြီးဆုံးခဲ့ပါသည်။