ပြခန်းသို့လာရောက်လေ့လာ လည်ပတ်ခြင်း

မိမိတို့အေအေပီပီအနေဖြင့် ထောင်တွင်း၌ ခက်ခဲကြမ်းတမ်းမှုများစွာကို ခံစားခဲ့ရပြီး ရင်ဆိုင်ကျော်လွှားကာ မြန်မာနိုင်ငံ ဒီမိုကရေစီရရှိရေးအတွက် ကြိုးပမ်းခဲ့ကြသော နိုင်ငံရေးအကျဉ်းသားများကို ဂုဏ်ပြုသောအားဖြင့် ပြခန်းငယ်လေးတစ်ခုကို ဖန်တီးထားပါသည်။gggg

နိုင်ငံရေးအကျဉ်းသားများစွာသည် အဟာရ ချို့တဲ့ခြင်း၊ နှိပ်စက်ညှင်းပန်းခံရခြင်းနှင့် ဖျားနာခြင်းတို့ကြောင့် ထောင်တွင်း၌ သေဆုံးခဲ့ရပါသည်။ ထိုပြခန်းငယ်လေးသည် ဒီမိုကရေစီရရှိရေးနှင့် နိုင်ငံပြန်လည်ထူထောင်နိုင်ရေးတို့အတွက် ၎င်းတို့ ပါဝင်လုပ်ဆောင် ခဲ့သော လုပ်ဆောင်ချက်များကို အမှတ်ရနေစေရန် ရည်ရွယ်ပါသည်။ သင်တို့အနေဖြင့် မြန်မာပြည်ရှိ နိုင်ငံရေး အကျဉ်းသားများ၏ ကိုယ်ရေးရာဇဝင်အကျဉ်းချုပ်များ၊ ထိုသူတို့၏ ထောင်တွင်းအတွေ့အကြုံများကို လေ့လာမှတ်သားနိုင်သလို နိုင်ငံရေးအကျဉ်းသားဟောင်း တစ်ချို့၏ ထောင်တွင်းအတွေ့အကြုံများနှင့် အေအေပီပီ၏ အလုပ်များအကြောင်းကိုလည်း တိုက်ရိုက် မေးမြန်းပြောဆိုနို်င်ပါသည်။  အေအေပီပီရုံးနှင့် ပြခန်းငယ်လေးသို့ လာရောက်လေ့ လာရန်အတွက် သင်တို့မှ ငွေကြေးလုံးဝပေးရန်မလိုပဲ ကမာ္ဘတဝှမ်းမှ မိမိတို့အား ထောက်ခံ အားပေးသူများ၊ မိမိတို့၏အလုပ်များကို စိတ်ဝင်စားသူများအားလုံးကို မိမိတို့မှ နွေးထွေးစွာ ကြိုဆိုလျက်ရှိပါသည်။

အေအေပီပီ ရုံးဖွင့်ချိန်-

တနင်္လာနေ့မှ သောကြာနေ့အထိ (နံနက် ၉း၃ဝ မှ ညနေ ၅း၃ဝ အထိ) ( ကြိုတင်ချိန်းဆိုထားခြင်း ရှိ/မရှိ)

စနေ၊ တနင်္ဂနွေနေ့များ (ကြိုတင်ချိန်းဆိုထားခြင်းများကိုသာ)

မိမိတို့၏ ပြခန်းငယ်အား လာရောက်လေ့လာလိုသော ဧည့်သည်များနှင့် အဖွဲ့များအနေဖြင့် ရုံးဖွင့်ရက်များတွင် လာရောက်လေ့လာရန် အကြောင်းကြောင်းကြောင့် အဆင်မပြေပါက မိမိတို့၏ အီးမေးလ် info@aappb.org မှတစ်ဆင့် ကြိုတင်အကြောင်းကြားကာ ချိန်းဆိုချက် ရယူရန်လိုအပ်ပြီး လာရောက်လေ့လာမည့် ရက်၊ အချိန်နှင့် လူဦးရေများကိုပါ ကျေးဇူးပြုပြီး ထည့်သွင်းအကြောင်းကြားစေချင်ပါသည်။