အေအေပီပီဆိုတာ ဘာလဲ

အေအေပီပီ ဟု သိရှိကြသည့် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) သည် ထိုင်းနိုင်ငံ၊ မဲဆောက်မြို့တွင်အခြေပြုသည့် လူ့အခွင့်အရေး အဖွဲ့အစည်း တစ်ခုဖြစ်ပြီး ရန်ကုန်နှင့် မန္တလေးမြို့များတွင်လည်း ရုံးခွဲများ မကြာသေးမှီကပင် ဖွင့်လှစ်ထားပါသည်။ အေအေပီပီသည် နိုင်ငံရေးအကျဉ်းသားအားလုံး လွတ်မြောက်လာစေရေးအတွက်နှင့် ၎င်းတို့ထောင်တွင်းနေထိုင်စဉ် လူမှုဘဝတိုးတက်ရေးများအတွက် ထောက်ခံအားပေးမှုများ နှင့် တိုက်တွန်းလှုံ့ဆော်မှုများ ပြုလုပ်ပေးလျက်ရှိသည်။ ပြန်လည်လွတ်မြောက်လာသော နိုင်ငံရေးတက်ကြွလှုပ်ရှားသူများအတွက် အေအေပီပီမှ စိတ်ပိုင်း ရုပ်ပိုင်းဆိုင်ရာ ပြည်လည်ထူထောင်ရေး အစီအစဉ်ပြုလုပ်ခဲ့ပြီး နိုင်ငံရေးအကျဉ်းသားများ ထောင်တွင်း၌ ကျန်ရှိနေသရွေ့ မြန်မာနိုင်ငံသည် မလွတ်လပ်ဟု မိမိတို့ယူဆပါသည်။ ၎င်းနိုင်ငံရေးအကျဉ်းသားများသည် မြန်မာပြည်သူလူထု၏ ဒီမိုကရေစီအရေး၊ လူ့အခွင့်အရေး၊ တန်းတူညီမျှမှု နဲ့ လွတ်လပ်ခြင်းများအတွက် ရုန်းကန်လှုပ်ရှားမှုများအား ကိုယ်စားပြုနေပါသည်။ သို့ဖြစ်ပါ၍ အမျိုးသားပြန်လည်သင့်မြတ်ရေးအတွက် လိုအပ်ချက်အစိတ်အပိုင်း တစ်ခုအနေဖြင့် ယခုချက်ချင်းနှင့် ချွင်းချက်မရှိ နိုင်ငံရေး အကျဉ်းသားအားလုံးကို လွတ်ပေးရမည်။

အေအေပီပီသည်မြန်မာနိုင်ငံရှိ နိုင်ငံရေးအကျဉ်းသားများအရေးကိစ္စအတွက် ယုံကြည်စိတ်ချ အားကိုးရသော သတင်းများ၏ပင်ရင်းအဖွဲ့အစည်း တစ်ခုအဖြစ် ကမ္ဘာ့ကုလသမဂ္ဂအဖွဲ့ကြီး၊ နိုင်ငံတကာမှ အစိုးရများ၊ အပြည်ပြည်ဆိုင်ရာလွတ်ငြိမ်းချမ်းသာခွင့် အဖွဲ့ကြီး၊ လူ့အခွင့်အရေးစောင့်ကြည့်ရေးအဖွဲ့နှင့် ကမ္ဘာတွင် လေးစားရသည့် သတင်းဌာနများမှ အပြည့်အဝ အသိအမှတ်ပြုထားပါသည်။

Vision(မျှော်မှန်းချက်)

နိုင်ငံရေးအကျဉ်းသား မရှိသော၊ နိုင်ငံသားနှင့် နိုင်ငံရေးအခွင့်အရေးများကို ကာကွယ်၊ ထိန်းသိမ်း၊ ဖြည့်ဆည်း ပေးသော လွတ်လပ်သည့် ဒီမိုကရက်တစ်လူ့အဖွဲ့အစည်းဖြစ်လာစေရေးနှင့် အမျိုးသားပြန်လည်သင့်မြတ်ရေးကို ကူညီပေးရန်။

Mission (ဦးတည်ချက်)

– နိုင်ငံရေးအကျဉ်းသားများ ခြွင်းချက်မရှိလွတ်မြောက်ရေး၊ နိုင်ငံရေးအကျဉ်းသားဟောင်းများ လူ့အဖွဲ့အစည်းအတွင်း ပြန်လည်ဝင်ဆံ့နိုင်ရေးအတွက် လိုအပ်သောရုပ်ပိုင်း၊ စိတ်ပိုင်းဆိုင်ရာ ကိစ္စရပ်များကို ကူညီပေးရေးနှင့် ဒီမိုကရေစီပြုပြင်ပြောင်းလဲရေးဖြစ်စဉ်တွင် ဘေးကင်းလုံခြုံစွာ ပါဝင်ခွင့် ရရှိစေရန်။

– နိုင်ငံရေးလှုပ်ရှားသူများ၊ လူ့အခွင့်အရေး ကာကွယ်မြှင့်တင်သူများအပါအဝင် မြန်မာနိုင်ငံသားများအား လူ့အခွင့်အရေးချိုးဖောက်မှုများမှ ကာကွယ်တားဆီးရန်။

– နိုင်ငံရေးအကျဉ်းသားများ ရင်ဆိုင်ကြုံတွေ့နေရသောကိစ္စရပ်များ၊ ယင်းနှင့်ဆက်စပ်ပတ်သက် နေသော ပိုမိုကျယ်ပြန့်သည့်အကြောင်းအရာများကို မှတ်တမ်းတင်ခြင်းနှင့် ဖြေရှင်းနိုင်သည့် နည်းလမ်းများအား ရှာဖွေကူညီခြင်းဖြင့် နိုင်ငံရေးအကျဉ်းသားကိစ္စရပ်နှင့် ပတ်သက်ပြီး ယုံကြည်စိတ်ချရသော အဖွဲ့အစည်းအဖြစ်ဆက်လက်တည်ရှိရန်။

– လူ့အခွင့်အရေးချိုးဖောက်မှုများကို နိုင်ငံတွင်းနှင့် နိုင်ငံတကာမှ သိရှိစေရေးဆောင်ရွက်ရန်နှင့် စည်းရုံးလှုံ့ဆော်ရေးလုပ်ငန်းစဉ်များမှတဆင့် တရားဥပဒေစိုးမိုးရေး၊ နိုင်ငံသားနှင့် နိုင်ငံရေးအခွင့်အရေးများ ပိုမိုသိရှိခံစားလာစေရန်

– အမျိုးသားပြန်လည်သင့်မြတ်ရေးအတွက် အထောက်အကူဖြစ်စေသည့် အသွင်ကူးပြောင်း ရေးကာလ တရားမျှတမှုလုပ်ငန်းစဉ်ကို စိတ်ဝင်စားသည့် ပြည်တွင်း၊ ပြည်ပ အဖွဲ့အစည်းများ၊ လူပုဂ္ဂိုလ်များနှင့် ပူးပေါင်းဆောင်ရွက်ရန်။

လုပ်ငန်းစဉ်များ

– နိုင်ငံရေးအကျဉ်းသားများ၊ နိုင်ငံရေးအကျဉ်းသားဟောင်းများနှင့် မိသားစုများအား လူသားချင်းစာနာမှုအကူအညီများနှင့် ပညာရေး၊ ကျန်းမာရေး၊ အသက်မွေးဝမ်းကြောင်း ပညာများ ကူညီထောက်ပံ့ခြင်း။

– နိုင်ငံရေးအကျဉ်းသားဟောင်းများ၊ မိသားစုဝင်များနှင့် အခြားစိတ်ပိုင်းဆိုင်ရာ ခံစားနေရသူများအား စိတ်ပိုင်းဆိုင်ရာပြန်လည်မြှင့်တင်ရေးအစီအစဉ်မှ (ကောင်ဆယ်လင်း)စိတ်ဓါတ်ပိုင်းဆိုင်ရာ ပြန်လည်မြှင့်တင်ရေး နှစ်သိမ့်ဆွေးနွေးပေးခြင်း၊ အရပ်ဘက် လူထုအခြေပြု အဖွဲ့အစည်းဝင်များအား (ကောင်ဆယ်လင်း) စိတ်ဓါတ်ပိုင်းဆိုင်ရာ ပြန်လည်မြှင့်တင်ရေး နှစ်သိမ့်ဆွေးနွေးပေးသည့် သင်တန်းပေးခြင်း။

– လူ့အခွင့်အရေး ကာကွယ်မြှင့်တင်ရေးအတွက် လူ့အခွင့်အရေးဆိုင်ရာ အသိပညာပေး ဆွေးနွေးခြင်းနှင့် လူ့အခွင့်အရေး၊ လူ့အခွင့်အရေးမှတ်တမ်းတင်ခြင်းနှင့် အသွင်ကူးပြောင်းရေး ကာလတရားမျှတမှုသင်တန်းပေးခြင်း။

– နိုင်ငံရေးအကျဉ်းသားများအခြေအနေ၊ အကျဉ်းထောင်အခြေအနေနှင့် လူ့အခွင့်အရေး ချိုးဖောက်မှုများကို စောင့်ကြည့်ခြင်းနှင့် မှတ်တမ်းတင်ခြင်း။

– စောင့်ကြည့်ခြင်းနှင့် မှတ်တမ်းတင်ခြင်းတို့မှ ရရှိလာသော အချက်အလက်များအပေါ်မူတည်၍ အစီရင်ခံစာများထုတ်ပြန်ခြင်း၊ နိုင်ငံတကာလူ့အခွင့်အရေး စာချုပ်စာတမ်းများကို မြန်မာဘာသာသို့ ပြန်ဆိုထုတ်ဝေခြင်း။

– နိုင်ငံသားနှင့်နိုင်ငံရေးအခွင့်အရေးနှင့်စပ်လျဉ်းသည့် အကျဉ်းထောင်ပြုပြင်ပြောင်းလဲရေး၊ အင်စတီကျူးရှင်းများပြောင်းလဲရေး၊ ဥပဒေရေးရာပြုပြင်ပြောင်းလဲရေးနှင့် မူဝါဒပြုပြင်ပြောင်းလဲ ရေးတို့ကို အရပ်ဖက်လူထုအခြေပြုအဖွဲ့အစည်းများ၊ အစိုးရ၊ နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက်ခြင်း။

– ဖိနှိပ်သော ဥပဒေပုဒ်မများကို ဖျက်သိမ်းရန် သို့မဟုတ် ပြောင်းလဲပြင်ဆင်ရန် အစိုးရ၊ လွှတ်တော်နှင့် သက်ဆိုင်ရာအဖွဲ့အစည်းများကို စည်းရုံးလှုံ့ဆော်ခြင်းနှင့် နိုင်ငံတကာ လူ့အခွင့်အရေး စာချုပ်စာတမ်းများကို အစိုးရအနေဖြင့် လက်မှတ်ရေးထိုးလာနိုင်ရန် တိုက်တွန်းခြင်း။

 

နိုင်ငံရေးအကျဉ်းသားဆိုတာ ဘာလဲ

အေအေပီပီ၏ တရားဝင်နိုင်ငံရေးအကျဉ်းသား အဓိပ္ပါယ်ဖွင့်ဆိုချက်နှင့် စံသတ်မှတ်ချက်များကို ဖတ်ရှုရန်

ဤနေရာတွင် ကလစ်လုပ်ပါ။

Criteria-for-AAPP’s-definition-of-a-political-prisoner

Former Myanmar Gov of Political Prisoners Definiation Definition of Political Prisoners in Burmese (Council of Europe)