မတ်လအတွက် နိုင်ငံရေးအကျဉ်းသားအခြေအနေပြ လစဉ်အစီရင်ခံစာ

လက်ရှိအခြေအနေ အကျဉ်းချုပ်

၂၀၁၆ ခုနှစ်၊ မတ်လကုန်တွင် မြန်မာနိုင်ငံ အကျဉ်းထောင်များ အတွင်း နိုင်ငံရေးအကျဉ်းသား စုစုပေါင်း ၁၁ဝဦး အကျဉ်းကျခံ နေရပြီး နိုင်ငံရေး တက်ကြွလှုပ်ရှားသူ ၄၂၈ ဦးတို့သည် နိုင်ငံရေး လှုပ်ရှားမှု များကြောင့် လက်ရှိအချိန်တွင် တရားရင်ဆိုင် နေရပါသည်။ တရား ရင်ဆိုင်နေရသော တက်ကြွလှုပ်ရှားသူ ၄၂၈ ဦးထဲမှ ၁၃ဝ ဦး သည် အကျဉ်းထောင်တွင်းမှနေ၍ တရားရင်ဆိုင်နေရသည်။

တလအတွင်းသုံးသပ်ချက်

၂၀၁၆ ခုနှစ်၊ မတ်လတွင် နိုင်ငံရေးတက်ကြွလှုပ်ရှားသူ စုစုပေါင်း ၉ ဦး ဖမ်းဆီးခံခဲ့ရသည်။ တက်ကြွလှုပ်ရှားသူ ၃ဝ ဦး ပြစ်ဒဏ်ချမှတ်ခံခဲ့ရပြီး နိုင်ငံရေးအကျဉ်းသား ၁၁ ဦး ပြန်လည် လွတ်မြောက်လာခဲ့ပါ သည်။ နိုင်ငံရေး အကျဉ်းသား ၁ဝ ဦးမှာ ကျန်းမာရေး ဆိုးရွားလျက် ရှိကြောင်း သိရှိရပါသည်။ ယခုလတွင် တက်ကြွလှုပ်ရှားသူ ၈ ဦးသည် တရားစွဲ ဆိုခံခဲ့ရသည်။

အင်းစိန်ထောင်၌် အကျဉ်းကျခံခဲ့ရသော နိုင်ငံရေး အကျဉ်းသားဟောင်း တစ်ဦးဖြစ်သူ ဦးထင်ကျော်သည် NLD ဦးဆောင်သည့် လာမည့် အစိုးရ သစ် လက်ထက်တွင် ပထမဆုံးသော အရပ်သားသမ္မတအဖြစ် မတ်လ ၉ ရက်နေ့တွင် ရွေးကောက်တင်မြှောက်ခြင်းခံခဲ့ရသည်။ နိုင်ငံရေး အသွင်ကူးပြောင်း လျက်ရှိနေပြီး ဦးသိန်းစိန်အစိုးရ၏ နောက်ဆုံးကျန် ရှိသောရက်များအတွင်း သမ္မတလွတ်ငြိမ်းချမ်းသာခွင့်အတွက် မျှော် လင့်ခဲ့သော်လည်း နိုင်ငံရေး လှုပ်ရှားသူများကို ဖမ်းဆီးရန် ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် ပုဒ်မ ၁၈၊ ဆက်သွယ်ရေးဥပဒေ၊ မတရားအသင်းအက်ဥပဒေနှင့် လူဝင်မှုကြီးကြပ်ရေးဥပဒေများကို ဆက် လက်အသုံးပြုနေခဲ့သည်။

မတ်လ ၁ဝ ရက်နေ့သည် လက်ပံတန်း၌ ကျောင်းသားများနှင့် ဝန်းရံသူ များကို လူမဆန်စွာ အကြမ်းဖက်ဖြိုခွင်းခဲ့သော တစ်နှစ်ပြည့်အထိမ်း အမှတ်နေ့ဖြစ်သည်။ အမျိုးသားပညာရေး ဥပဒေ ဆန့်ကျင်ဆန္ဒပြမှု တွင် ပူးပေါင်းပါဝင်ခဲ့ခြင်းအတွက် ဆန္ဒပြကျောင်းသားနှင့် ဝန်းရံသူ ၄၄ ဦးသည် ထိန်းသိမ်း ခံထားရဆဲဖြစ်သည်။ ဆန္ဒပြပွဲများတွင် ပူးပေါင်း ပါဝင်ခဲ့ခြင်းအတွက် ထိန်းသိမ်းခံထားရသော ကျောင်းသားလေးဦးသည် ၎င်းတို့၏ ပိုမိုဆိုးရွားလာသော ကျန်းမာရေးအခြေအနေများကြောင့် အာမခံရရှိခဲ့သည်။ သို့သော်လည်း ဆန္ဒပြပွဲများတွင် ပူးပေါင်းပါဝင် ခဲ့ခြင်းအတွက် မဖြိုးဖြိုးအောင်နှင့် ကိုနန္ဒစစ်အောင်တို့သည် ငြိမ်း၊စု၊စီ ပုဒ်မ ၁၈ ဖြင့် မတ်လ ၄ ရက်နေ့တွင် ထပ်တိုး တရားစွဲဆိုခံခဲ့ရသည်။ ၂၀၁၄ ခုနှစ်၊ နိုဝင်ဘာလ ၁၄ ရက်နေ့ မှ ၁ရ ရက်နေ့ထိ အမျိုုးသား ပညာရေးဥပဒေ ဆန့်ကျင် ဆန္ဒပြပွဲတွင် ပါဝင်ခဲ့ခြင်းအတွက် ကိုကျော်ကိုကို၊ ကိုနေမျိုးဇင်နှင့် မမီးမီးတို့သည် ငြိမ်း၊စု၊စီပုဒ်မ ၁၈ ဖြင့် ထပ်တိုး တရားစွဲဆိုခံခဲ့ရသည်။ တက်ကြွလှုပ်ရှားသူများသည် လွန်ခဲ့ သော တစ်နှစ်ကျော်က မြို့နယ်အသီးသီးတွင် ဆန္ဒပြခဲ့ရာ၌ ပါဝင်ခဲ့ခြင်း အတွက် ဆက်လက် တရားစွဲဆိုခံရဆဲဖြစ်သည်။

လူမှုကွန်ရက်စာမျက်နှာတွင် ဦးသိန်းစိန်အစိုးရအား ဝေဖန်သော တက်ကြွလှုပ် ရှားသူများကို ထိန်းသိမ်းရန် ဆက်သွယ်ရေးဥပဒေကို ဆက်လက်အသုံးပြုလျက်ရှိခြင်းသည် ယခုလတွင် စိုးရိမ်ဖွယ်ရာဖြစ် သည်။ ကြက်ဖကြီး လူမှုကွန်ရက်စာမျက်နှာပိုင်ရှင်ဟု စွပ်စွဲခံထားရ သော ကိုလှဘုန်းသည် သမ္မတ ဦးသိန်းစိန်နှင့် ဗိုလ်ချုပ်မှူးကြီး မင်းအောင်လှိုင်တို့အား အသေရေဖျက်ခြင်းအတွက် မတ်လ ၉ ရက်နေ့ နှင့် မတ်လ ၃၁ ရက်နေ့တို့တွင် ရာဇသတ်ကြီးပုဒ်မ ၅၀၅/ခ၊ ဆက် သွယ်ရေး ဥပဒေ ၆၆/ဃ တို့ဖြင့် ထပ်တိုးတရားစွဲဆိုခံခဲ့ရသည်။ ယခုလတွင် ချင်းအမျိုးသားလေးဦးသည် ချင်းပြည်နယ်ဝန်ကြီး ချုပ်အား အသရေဖျက်ခြင်းအတွက် ဆက်သွယ်ရေး ဥပဒေ ၆၆/ဃ ဖြင့် အမှုဖွင့်ခြင်း ခံခဲ့ရသည်။ လူမှုကွန်ရက်စာမျက်နှာတွင် ကာကွယ်ရေးဦး စီးချုပ် ဗိုလ်ချုပ်မှူးကြီး မင်းအောင်လှိုင်အား အသရေဖျက်ခြင်းအတွက်ဆက်သွယ်ရေးဥပဒေဖြင့် ထောင်ဒဏ် ခြောက်လ ချမှတ်ခံထားရ သော မချောစန္ဒီထွန်းသည် လွတ်ရက်စေ့သဖြင့် ထောင်မှ လွတ်မြောက်ခဲ့ သည်။

ယခုလတွင် ရှမ်းပြည်နယ်မြောက်ပိုင်း၌ စစ်တပ်မှ အပြင်းအထန် ထိုးစစ် ဆင်လျက်ရှိပြီး ရွာသားတစ်ရာကျော်အား တအောင်းလွတ်မြောက်ရေး တပ်မတော်ကို ပံ့ပိုးကူညီသည်ဟု စွပ်စွဲကာ မတရား ဖမ်းဆီးခဲ့သည်။ ထိုမျှသာမက ရခိုင်အမျိုးသား ၂၉ ဦးကိုလည်း ရက္ခိုင့်တပ်မတော်တွင် ပါဝင် သည်ဟု စွပ်စွဲကာ မတရားအသင်း အက်ဥပဒေဖြင့် ထောင်ဒဏ် သုံးနှစ်နှင့် ငါးနှစ် အသီးသီးချမှတ်ခဲ့သည်။ စစ်တပ်မှ ဖိအားပေးခြင်း ကြောင့် ရှမ်းညီညွတ်ရေးကောင်စီ အစည်းအဝေး ရပ်တန့်ခဲ့ရခြင်းသည် ယခုလအတွက် စိုးရိမ်ဖွယ်ရာလည်းဖြစ်သည်။

၂၀၀ရ ရွှေဝါရောင် တော်လှန်ရေး၏ ဦးဆောင်သူတစ်ဦးဖြစ်ခဲ့သူ ဦးဂမ္ဘီရ သည် နှစ်လနီးပါးကြာ ဖမ်းဆီးခံခဲ့ရပြီးနောက် သူ့အား ဆက်လက် ထိန်းသိမ်းထားရန် မတ်လ ၁ဝ ရက်နေ့တွင် လူဝင်မှုကြီးကြပ်ရေးဥပဒေ ဖြင့် တရားစွဲဆိုခဲ့သည်။ ဧပြီလတွင် သူ့အား ပြစ်ဒဏ်ချမှတ်မည်ဟု ခန့်မှန်းထားသည်။ အငြင်းပွားဖွယ် လက်ပံတောင်းတောင် ကြေးနီစီမံ ကိန်းအား ဆန့်ကျင်ဆန္ဒပြရင်း သေနတ် ထိမှန်သေဆုံးသွားခဲ့သော ဒေါ်ခင်ဝင်သေဆုံးခြင်းအတွက် ၂၀၁၄ ခုနှစ်၊ ဒီဇင်ဘာလတွင် ငြိမ်းချမ်းစွာ ဆန္ဒပြရာ၌ ပူးပေါင်းပါဝင်ခဲ့၍ မတ်လ ၃၁ ရက်နေ့တွင် တစ်သီးပုဂ္ဂလ ကိုယ်စားလှယ် လောင်းဖြစ်ခဲ့သူ ဒေါက်တာမြတ်နုခိုင်အား ပုဒ်မ ၁၄ရ ဖြင့် အလုပ်ကြမ်းနှင့် ထောင်ဒဏ်တစ်နှစ်ချမှတ်ခဲ့သည်မှာလည်း ယခုလတွင် ဂရုပြုဖွယ်ရာဖြစ်သည်။

လစဉ်အစီရင်ခံစာဒေါင်းလော့ရယူရန် March Chronology 2016(Template)