၂၀၁၆ ဖေဖော်ဝါရီလ နိုင်ငံရေးအကျဉ်းသား အခြေအနေပြ လစဉ်အစီရင်ခံစာနှင့် နိုင်ကျဉ်းစာရင်း ထုတ်ပြန်

လက်ရှိအခြေအနေ အကျဉ်းချုပ်

၂၀၁၆ ခုနှစ်၊ ဖေဖော်ဝါရီလကုန်တွင် မြန်မာနိုင်ငံ အကျဉ်းထောင်များ အတွင်း နိုင်ငံရေးအကျဉ်းသား စုစုပေါင်း ၉ဝ ဦး အကျဉ်းကျခံနေရပြီး နိုင်ငံရေး တက်ကြွလှုပ်ရှားသူ ၄၁၈ ဦးတို့ို့ို့သည် နိုင်ငံရေး လှုပ်ရှားမှု များကြောင့် လက်ရှိအချိန်တွင် တရားရင်ဆိုင်နေရပါသည်။ တရား ရင်ဆိုင်နေရသော တက်ကြွလှုပ်ရှားသူ  ၄၁၈ ဦးထဲတွင် ၁၃၂ ဦး သည် အကျဉ်းထောင်တွင်းမှနေ၍ တရားရင်ဆိုင်နေရသည်။

တစ်လအတွင်း သုံးသပ်ချက်

၂၀၁၆ ခုနှစ်၊ ဖေဖော်ဝါရီလတွင် နိုင်ငံရေးတက်ကြွလှုပ်ရှားသူ စုစုပေါင်း ၁၉  ဦး ဖမ်းဆီးခံခဲ့ရသည်။ တက်ကြွလှုပ်ရှားသူ  ၉ ဦး ပြစ်ဒဏ်ချမှတ် ခံခဲ့ရပြီး နိုင်ငံရေးအကျဉ်းသား ၁ ဦး ပြန်လည် လွတ်မြောက်လာခဲ့ပါ သည်။ နိုင်ငံရေး အကျဉ်းသား ၁၁ ဦးမှာ ကျန်းမာရေး ဆိုးရွားလျက် ရှိကြောင်း သိရှိရပါသည်။ ယခုလတွင် တက်ကြွလှုပ်ရှားသူ ၄၅ ဦးသည် တရားစွဲဆိုခံခဲ့ရသည်။

ဖေဖော်ဝါရီလ ၁ ရက်နေ့တွင် ကဗျာဆရာများ၊ အဆိုတော်များ၊ ရှေ့နေများ၊ ကျောင်းဆရာများ၊ ဆရာဝန်များအပါအဝင် နိုင်ငံရေးအ ကျဉ်းသား ၁၂၂ ဦး ပါဝင်သော လွှတ်တော်သစ်တွင် လွှတ်တော်ကိုယ်စားလှယ်အသစ်များ အဖြစ်စတင် တာဝန်ထမ်း ဆောင်နေ ပြီဖြစ်သည်။

အသွင်ကူးပြောင်းသောကာလတွင်းတွင် ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ပုဒ်မ ၁၈ ကို အသုံးပြု၍ နိုင်ငံရေး လှုပ်ရှားသူများကို ၎င်းတို့၏ နိုင်ငံရေးလှုပ်များမှုများအတွက် ဆက်လက် ဖမ်းဆီး၊အကျဉ်းချထားဆဲဖြစ်သည်။ ယခုလတွင် လွန်ခဲ့သော တစ် နှစ်ကျော်က ဖြစ်ပွားခဲ့သော ဆန္ဒပြပွဲများအတွက် တက်ကြွလှုပ်ရှားသူ ၄၅ ဦးသည် စွဲချက်အသစ်များဖြင့် တရားစွဲဆိုခံခဲ့ရပြီး ၎င်းတို့ထဲမှ ၁၂ ဦးသည် ပုဒ်မ ၁၈ ဖြင့် ထပ်တိုးတရားစွဲ ဆိုခံခဲ့ရသည်။  နိုင်ငံရေး အကျဉ်းသားဟောင်း၊ ထင်ရှားသော တက်ကြွလှုပ်ရှားသူတစ်ဦးဖြစ်သူ မနီလာသိန်းသည် ၂၀၁၅ ခုနှစ်၊ ဖေဖော်ဝါရီ လ ၁၅ ရက် နေ့တွင် ပြုလုပ်ခဲ့သော ဆန္ဒပြပွဲတွင် ပါဝင်ခဲ့သောကြောင့် ငြိမ်း၊စု၊စီ ပုဒ်မ ၁၈ ဖြင့် ယခုလတွင် ဖမ်းဆီး၊ ထိန်းသိမ်းခံခဲ့ရသည်။  ပုဒ်မ ၁၈ ဖြင့် တရားစွဲ ဆိုမှုများစွာကို ရင်ဆိုင်ခဲ့ရပြီးသော်လည်း ကိုနန္ဒစစ်အောင်နှင့် မဖြိုးဖြိုးအောင်တို့သည် လွန်ခဲ့သော နှစ်ဆန်းပိုင်းက အမျိုးသား ပညာရေး ဥပဒေကို ဆန့်ကျင် ဆန္ဒပြခဲ့ခြင်းအတွက် မြို့နယ်နှစ်ခုမှ တရားမဝင် စုဝေးမှု စွဲချက်ဖြင့် တရားစွဲဆိုခြင်းကိုခံခဲ့ ရသည်။ လက်ပံတောင်းတောင် ကြေးနီစီမံကိန်းကို ဆန့်ကျင် ဆန္ဒပြမှုတွင် ပူးပေါင်းပါဝင်ခဲ့ခြင်းအတွက် ထောင်ဒဏ်ချမှတ်ခံထားရသော တက်ကြွ လှုပ်ရှားသူ လေးဦးသည် ၂၀၁၄ ခုနှစ်၊ ဒီဇင်ဘာလတွင်ပြုလုပ်ခဲ့သော ထိုဆန္ဒပြပွဲအတွက် ယခုလတွင် ပုဒ်မ ၁၈ ဖြင့် တရားစွဲဆိုခံခဲ့ရသည်။

ယခုလတွင် မူစလင်နှင့် ဟိန္ဒူ ဘာသာပေါင်းစုံ ငြိမ်းချမ်းရေးလှုပ်ရှား သူသုံးဦးသည် ၂၀၁၄ ခုနှစ်တွင် တရားမဝင် နယ်စပ်ဖြတ် ကျော်၍ အိန္ဒိယနယ်စပ်သို့ သွားရောက်ခဲ့ခြင်းအတွက် ၁၉၄ရ ခုနှစ်၊ လူဝင်မှုကြီး ကြပ်ရေးဥပဒေဖြင့် အလုပ်ကြမ်းနှင့် ထောင်ဒဏ် နှစ်နှစ်ချမှတ်ခံခဲ့ရ သည်။

ကျန်းမာရေး အခြေအနေပိုမို ဆိုးရွားလျက်ရှိသော်လည်း ယခုလတွင် ထိန်းသိမ်းခံထားရသူ သုံးဦး၏ အာမခံ လျှောက်ထားမှုသည် ပယ်ချ ခံခဲ့ရသည်။ ၎င်းတို့ သုံးဦးထဲမှ တစ်ဦးဖြစ်သူ ဦးညီညီလွင် ခေါ် ဦးဂမ္ဘီရ သည် ယခုလတွင် သုံးကြိမ်တိုင် အာမခံလျှောက် ထားမှု ပယ်ချခံခဲ့ရ သည်။

ရက္ခိုင့်တပ်မတော်နှင့် ဆက်သွယ်သည်ဟူသော သံသယဖြင့် ရခိုင် အမျိုးသားများကို ဖမ်းဆီး၊ ထိန်းသိမ်းထားမှုများ ယခုလတွင် ဆက် လက်ရှိနေဆဲ ဖြစ်ပြီး အနည်းဆုံး ရခိုင်အမျိုးသား ငါးဦးသည် ယခုလ တွင် ထိုအတွက် ဖမ်းဆီးခံခဲ့ရသည်။ ထိုမျှသာမက ယခုလတွင် ရခို်င်အမျိုးသား ၁၅ ဦးသည် ရက္ခိုင့်တပ်မတော်နှင့် ဆက်သွယ်သည်ဟု စွပ်စွဲခံရပြီး မတရားအသင်းအက်ဥပဒေ ၁၇/၁ ဖြင့် တရားစွဲဆိုခံခဲ့ရသည်။

လူမှုကွန်ရက်စာမျက်နှာတွင် ဖော်ပြခဲ့သော အကြောင်းအရာများနှင့် ဆက် နွယ်ပြီး တက်ကြွလှုပ်ရှားသူများသည် ဆက်လက်၍ တရားစွဲဆိုခံနေရသည်။ သမ္မတ ဦးသိန်းစိန်နှင့် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ကို အသရေဖျက်သည်ဟု စွပ်စွဲခံရခြင်းအတွက် ကိုလှဘုန်းအား ရန်ကုန် တိုင်း စစ်ဌာနချုပ် ဒုတိယဗိုလ်မှူးကြီး စိုးဝင်းမော်က တရားလိုလုပ်ပြီး မရမ်း ကုန်းမြို့နယ်တရားရုံးတွင် ဆက်သွယ်ရေး ဥပဒေပုဒ်မ ၆၆ (ဃ)နဲ့ တရားစွဲဆို ခဲ့ပြီး ကိုဇော်ရဲထက်သည်လည်း တရားမဝင် နယ်စပ်ကုန်သွယ်ရေးအကြောင်း ကို သူ၏လူမှုစာမျက်နှာတွင် ဖော်ထုတ်ရေးသားခဲ့ခြင်းအတွက် အီလက်ထရော နစ်အက်ဥပဒေဖြင့် တရားစွဲဆိုခံခဲ့ရသည်။

ဆက်သွယ်မေးမြန်းရန်

 နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)

 တိတ်နိုင်      အတွင်းရေးမှူး      +၆၆(၀) ၈၁ ၂၈၇၈ ၇၅၁

 ဘိုကြည်      တွဲဘက်အတွင်းရေးမှူး      +၉၅ (၀) ၉၄၂၅၃ ဝ၈၈၄၀

Chronology(FEB) ၂၀၁၆ နိုင်ငံရေးအကျဉ်းသားများ  အခြေအနေပြ လစဉ်အစီရင်ခံစာ

90 remaining political prisoners (bur) 29 Feb 2016 ဖေဖော်ဝါရီလ လက်ကျန်နိုင်ငံရေးအကျဉ်းသားစာရင်း

418 burmese version facing trial list Updated on 29 Feb 2016 အမှုရင်ဆိုင်နေရဆဲ နိုင်ငံရေးအကျဉ်းသားစာရင်း

LPT Eng version(29 Feb 16) လက်ပံတန်းအကြမ်းဖက်ဖြိုခံရပြီး ဖမ်းဆီးထိန်းသိမ်းခံထားရသူများ စာရင်း

Release list updated on 18 Feb 2016 အကျဉ်းထောင်အသီးသီးမှ လွတ်မြောက်ပြီးသူများစာရင်း