ရှမ်းပြည်နယ်တောင်ကြီးမြို့မှာ နိုင်ငံရေးအကျဉ်းသားဟောင်းများ အချက်အလက်ကောက်ယူ
နိုင်ငံရေးအကျဉ်းသားများကူညီစောင့်ရှောက်ရေးအသင်း(အေအေပီပီ) နှင့် နိုင်ငံရေးအကျဉ်းသားဟောင်းများအဖွဲ့တို့ ပူးပေါင်းပြီး နိုင်ငံရေးအကျဉ်းသားဟောင်းများ အချက်အလက်ကောက်ယူရေးလုပ်ငန်းများကို စက်တင်ဘာလ ၁ဝ ရက်၊ ၂၀၁၄ တွင် ရှမ်းပြည်နယ်တောင်ကြီးမြို့၌ သွားရောက်ကောက်ယူခဲ့ပါသည်။ တောင်ကြီးမြို့ရှိ အမျိုးသားဒီမိုကရေစီအဖွဲ့ချုပ်၏ ပြည်နယ်ရုံးတွင် တောင်ကြီး၊ လွိုင်လင်း၊ နမ့်စန်မြို့မှ နိုင်ကျဉ်းများနှင့်တွေဆုံခဲ့ပါသည်။ ဆက်လက်ပြီးရှမ်းပြည်နယ်(တောင်ပိုင်း)နိုင်ကျဉ်းယာယီအဖွဲ့ကို ဖွဲ့စည်းခဲ့ပါသည်။ ထို့နောက် တောင်ကြီးမြို့မှ သက်ကြီးနိုင်ငံရေးအကျဉ်းသားဟောင်း ဦးခန်းအိမ်သို့ သွားရောက်ဂါရဝပြုခဲ့ပါသည်။ ဦးခန်းဟာအသက်(၁၀၀)ပြည့်ရန် (၆)လသာလိုပါတော့သည်။ တချိန်က တောင်ကြီးမြို့တော်ဝန်ဖြစ်ခဲ့ပြီး ပင်လုံစာချုပ် ချုပ်ဆိုရေးမှာ ပါဝင်ခဲ့သူဖြစ်ပါသည်၊