နိုင်ငံရေးအကျဉ်းသားများ ကူညီစောင့်ရှောက်ရေးအသင်းနှင့် နိုင်ငံရေးအကျဉ်းသားဟောင်းများအဖွဲ့တို့သည် ၂၀၁၄ခုနှစ်၊  သြဂုတ်လ ၁၇ ရက်နှင့် ၁၈ ရက်နေ့တွင် အလုပ်ရုံဆွေးနွေးပွဲတစ်ခုကို ကမကထပြုခဲ့ပြီး နိုင်ငံရေးအကျဉ်းသား၏ လက်တွေ့အဓိပ္ပာယ်ဖွင့်ဆိုချက်ကို ချမှတ်ရန် ရည်ရွယ်ခဲ့သည်။ ဆွေးနွေးပွဲတွင် နိုင်ငံရေးပါတီများ၊ အရပ်ဘက်အဖွဲ့အစည်းများ၊ ဥပဒေပညာရှင်များ၊ နိုင်ငံရေးအကျဉ်းသားဟောင်းများအပါအဝင် စုစုပေါင်း ၅၀ ဦး တက်ရောက်ခဲ့သည်။ ဆွေးနွေးပွဲမှ အောက်ပါအဓိပ္ပာယ်ဖွင့်ဆိုချက်ကို ထုတ်ပြန်နိုင်ခဲ့ပါသည်။