အမေရိကန်သံအမတ်ကြီးနှင့်အဖွဲ့အေအေပီပီ(ဘီ)ပြခန်းသို့ လာရောက်လေ့လာကြည့်ရှု

27.4.2018 ရက်နေ့၊ နေ့လည် ၂ နာရီတွင် US Embassy မှ Scott Marciel (US Ambassador), Sean R.Smith (Political Officer), Khine Mwan Lurnn (Political Specialist) နှင့် သံရုံးမှဝန်ထမ်း ၂ ဦး တို့သည် ရန်ကုန်ရှိ AAPP ပြခန်းသို့ လာရောက်လေ့လာခဲ့ပြီး ကိုဘိုကြည်၊ ကိုကျော်စိုးဝင်း ကိုဇော်မိုးတို့နှင့် AAPP ၏ လက်ရှိလုပ်နေသောလုပ်ငန်းစဉ်များ၊ ရှေ့ဆက်လုပ်ဆောင်မည့်လုပ်ငန်းစဉ်များ၊ လက်ရှိနိုင်ငံရေးအခြေအနေများနှင့် လူ့အခွင့်အရေးအခြေအနေများကို ဆွေးနွေးခဲ့ကြပါသည်။

အမေရိကန်သံရုံးဖေ့ဘုတ်စာမျက်နှာမှဖော်ပြချက်

သံအမတ်ကြီး မာစီရယ်လ်သည် ကိုဘိုကြည် နှင့် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) တို့ကို သောကြာနေ့က တွေ့ဆုံ၍ ဧပြီလ ၁ရ ရက်က သမ္မတကြီး ဦးဝင်းမြင့်၏ အမိန့်ဖြင့်ထုတ်ပြန်လိုက်သော ပြစ်ဒဏ်လွတ်ငြိမ်း သက်သာခွင့်တွင် နိုင်ငံရေးအကျဉ်းသား (၃၆) ပါဝင်မှု အပါအဝင် နိုင်ငံရေးအကျဉ်းသားများအတွက် ဦးဆောင်လှုပ်ရှားနေမှုများ အတွက် ကျေးဇူးတင် ဂုဏ်ပြုစကား ပြောကြားခဲ့ပါသည်။ သံအမတ်ကြီးနှင့်အဖွဲ့သည် နုိင်ငံရေးအကျဉ်းသားများနှင့် သက်ဆိုင်သည့် ပြခန်းကို သွားရောက်လေ့လာကာ အေအေပီပီ (ဘီ) ၏ ဆက်လက်ဆောင်ရွက်နေသည့် ဦးဆောင်လှုပ်ရှားမှုများနှင့် နိုင်ငံရေးအကျဉ်းသားဟောင်းများအား အကူအညီပေးရေးနှင့်ဆိုင်သည့် ငွေရေးကြေးရေးကဏ္ဍ၊ စိတ်ဓာတ်ရေးရာ၊ သက်မွေးဝမ်းကျောင်းအလုပ်များနှင့်ပတ်သက်သည်များကိုလည်း ဆွေးနွေးခဲ့ပါသည်။

ဓါတ်ပုံစာသားခရက်တစ် (အမေရိကန်သံရုံးဖေ့ဘုတ်စာမျက်နှာ)