နိုင်ငံရေးအကျဉ်းသားများဟောင်းများနှင့် မိသားစုအသိုင်းအဝိုင်းများလက်စွဲ
စကားလက်ဆောင်
ကျနော်တို့ ၈၈ နောက်ပိုင်း စစ်အုပ်စုက ဒီမိုကရေစီရေးလှုပ်ရှားသူတွေကို ိရက်ရက်စက်စက်ဖြိုခွဲပြီးနောက်
နယ်စပ်ဒေသကို ရောက်ကြတဲ့သူတွေ၊ ပြည်ပနိုင်ငံတွေကို ရောက်ခဲ့တဲ့ လူတွေ၊ အသက်ပေးသွားရတဲ့လူတွေ ထောင်ချီရှိခဲ့သလို
စစ်အကျဉ်းထောင်ထဲ ရောက်ခဲ့ရတဲ့ သူတွေလည်း ထောင်ပေါင်းများစွာ ရှိခဲ့ပါတယ်။ စစ်ကြောရေးစခန်ရဲ့ ညှဉ်းပန်းနှိပ်စက်မှုတွေ၊
အကျဉ်းထောင်ရဲ့ ခါးသီးလှတဲ့ ဖြတ်သန်းမှုတွေကြောင့် နိုင်ငံရေးအကျဉ်းသားတွေ ပြန်လွတ်လာတဲ့ အခါမှာ ဘဝ တွေ
ကျိုးကြေခဲ့ကြရတယ်။ မိသားစုနဲ့ အဆင်မပြေမှုတွေ၊ ပတ်ဝန်းကျင်နဲ့ အဆင်မပြေမှုတွေ ဖြစ်ခဲ့ရကြရတယ်။ ဒီအခါ ကျနော်တို့
တတွေဟာ အထီးကျန်စွာ ခံစားလာရတယ်။ ဘဝတွေကို ပြန်လည်ထူထောင်ဖို့ အတတ်နိုင်ဆုံး ကြိုးစားကြပေမယ့် စနစ်တကျ
ညှဉ်းပန်းနှိပ်စက်မှုတွေ ခံခဲ့တဲ့ ကျနော်တို့တတွေအတွက် ပြန်လည်ကုစားဖို့ဟာ အတော် မလွယ်ကူတဲ့ အလုပ်ဖြစ်ပါတယ်။
ဒီလို ပြန်လည် ထူထောင်နိုင်ဖို့ရန်အတွက်လည်း အခြေအနေအရပ်ရပ်က မဖန်တီးပေးနိုင်ခဲ့ပါဘူး၊ ဒါကြောင့် အခြေခံအကျဆုံး
ပြန်လည်ကုစားနိုင်မယ့်၊ လူတိုင်း လိုက်လုပ်နိုင်မယ့် တောင်အာဖရိက က ရေးသားရိုက်နှိပ်ထားတဲ့ “Counselling
Torture Survivors” ဆိုတဲ့ စာအုပ်လေးကို ဘာသာပြန် ထုတ်ဝေလိုက်ရပါတယ်။ အားလုံး တိုက်ရိုက်
အသုံးပြုလို့ရမှာ မဟုတ်ပေမယ့် အနည်းငယ်မျှ အထောက်အကူပြု နိုင်မယ်လို့ ယုံကြည်တဲ့အတွက် ဒီစာအုပ်ကို
ထုတ်ဝေရတာ ဖြစ်ပါတယ်။ ဘဝများ ပြန်လည်ထူထောင်နိုင်ပြီး နိုင်ငံအတွက် ဆထက်တပိုး သယ်ပိုးနိုင်ကြပါစေလို့လည်း
ဆုတောင်းလိုက်ပါတယ်။
အပြည့်အစုံဖတ်ရန် ဒေါင်းလော့လင့် PP_hand_book (နိုင်ငံရေးအကျဉ်းသားဟောင်းများနှင့် မိသားစုအသိုင်းအဝိုင်းများလက်စွဲ)
