MHAP အစီအစဉ်အကြောင်းကို ရှင်းလင်းပြောကြားခြင်း

ဇွန်လ ၁၉ ရက်နေ့တွင် နိုင်ငံရေးအကျဉ်းသားများ ကူညီ စောင့်ရှောက်ရေးအသင်း(AAPP)၏ စိတ်ဓာတ်ပြန်လည် မြှင့်တင်ရေးအစီအစဉ်(MHAP) တာဝန်ခံ ဦးကျော်စိုးဝင်း၊ စူပါဗိုက်ဆာ မသန်းသန်းဌေးနှင့် ကောင်ဆယ်လာ သုံးဦးတို့ သည် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထား ရေး ဦးစီးဌာနလက်အောက်ရှိ လူမှုဝန်ထမ်းဦးစီးဌာနမှ ကြီးကြပ် အုပ်ချုပ်သော ကျိုက်ဝိုင်း မသန်စွမ်းသက်ကြီး သင်တန်း ကျောင်းသို့ သွားရောက်လည်ပတ်ခဲ့သည်။ ထို့နောက် MHAP တာဝန်ခံ ဦးကျော်စိုးဝင်းသည် သင်တန်းသူ/သားများအား စိတ်ဓာတ်ပြန်လည် မြှင့်တင်ရေးအစီအစဉ် (MHAP) အကြောင်းကို ရှင်းလင်း ပြောကြားခဲ့သည်။ ၎င်းနောက် စူပါဗိုက်ဆာနှင့် ကောင်ဆယ်လာများမှ စိတ်ပိုင်းဆိုင်ရာ ကောင်ဆယ်လင်း ဝန်ဆောင်မှုရယူရန် စိတ်ဝင်စားသူများအား စာရင်းကောက်ယူခဲ့သည်။