ပဲခူးတိုင်းကျောက်ကြီးမြို့နယ်အခြေခံလူ့အခွင့်အရေးနှင့် ကောင်းမွန်သောစီမံအုပ်ချုပ်မှု အသိပညာပေးဆွေးနွေးပွဲ

ပဲခူးတိုင်းဒေသကြီး ကျောက်ကြီးမြို့နယ်ရှိ ရပ်ကွက်ကျေးရွာအုပ်ချုပ်ရေးမှူးများအား အခြေခံလူ့အခွင့်အရေး နှင့် ကောင်းမွန်သောစီမံအုပ်ချုပ်မှု အသိပညာပေး ဆွေးနွေးပွဲ (တရက်တာ) ကို AAPP မှကြီးမှူးကျင်းပခဲ့ပါသည်။

ဆွေးနွေးပွဲကို ကျောက်ကြီးမြို့နယ် အုပ်ချုပ်ရေးမှူး ဦးတင်မျိုးအောင် မှ အဖွင့်အမှာစကားပြောကြားပေးခဲ့ပြီး ဆွေးနွေးပွဲဖွင့်ပွဲကို မြို့နယ်ရဲတပ်ဖွဲ့မှူး၊မြို့နယ်စည်ပင်သာယာအမှုဆောင်အရာရှိ၊မြို့နယ်ကျေးလက်ဖွံ့ဖြိုးရေးဦးစီးဌာန ဦးစီးမှုး၊မြို့နယ်လဝက ဦးစီးမှူးတို့မှတက်ရောက်ခဲ့ပါသည်။AAPP မှ ကိုအောင်မျိုးကျော်မှ ဆွေးနွေးပွဲ ပြုလုပ်ရခြင်း ရည်ရွယ်ချက် များကိုရှင်းလင်းပြောကြားပေးခဲ့ပါသည်။ ကိုဝဏ္ဏနွယ် လူ့အခွင့်အရေးအကြောင်းများ၊ UDHR အချက် ၃ဝ နှင့် ပတ်သက်၍ ဟောပြောရှင်းလင်းဆွေးနွေးပေးခဲ့ပါသည်။ ဆရာရဲအောင်မှ ကောင်းမွန်သော စီမံအုပ်ချုပ်မှု နှင့် ပတ်သက်၍ ရှင်းလင်းပြောကြားပေးခဲ့ပါသည်။ ဆွေးနွေးပွဲကို ရပ်ကွက်အုပ်ချုပ်ရေးမှူးများနှင့် မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများအပါအဝင် စုစုပေါင်း (၈၀) ဦး တက်ရောက်ခဲ့ပါသည်။ AAPP မှ ကိုဘိုဘိုလင်း၊ကိုဆန်နီ၊ ပဲခူးအရှေ့နိုင်ငံရေးအကျ ဉ်းသားဟောင်းများအဖွဲ့မှ ဦးဘိုတောက် တို့မှပါဝင်အားဖြည့်ကူညီပေးခဲ့ကြပါသည်။
ဆွေးနွေးပွဲကို ၅.၂.၂၀၁၈ နံနက် – (၁၀:၀၀) မှ ညနေ – (၄:၀၀) ထိကျင်းပပြုလုပ်ခဲ့ပါသည်။ဆွေးနွေးပွဲ
တွင် AAPP မှ UDHR အိတ်ဆောင်စာအုပ်များ၊ ကောင်းမွန်တဲ့အုပ်ချုပ်မှုစံနစ်၏အရေးကြီးတဲ့အချက်များ နှင့် ရပ်ကျေးနည်းဥပဒေ အခန်း (၄) ပါအချက်များ၊ ပိုစတာများ ဝေငှခဲ့ပါသည်။