ပဲခူးတိုင်းသနပ္ပင်မြို့နယ် လူ့အခွင့်အရေးအသိပညာပေးဆွေးနွေးပွဲနှင့်ကောင်းမွန်သောစီမံအုပ်ချုပ်မှုအသိပညာပေးဆွေးနွေးပွဲ

27496276_1265798046887485_2144581752_n

ပဲခူးတိုင်းဒေသကြီး သနပ္ပင်မြို့နယ်ရှိ ရပ်ကွက်ကျေးရွာအုပ်ချုပ်ရေးမှူးများအား အခြေခံလူ့အခွင့်အရေး နှင့် ကောင်းမွန်သောစီမံအုပ်ချုပ်မှု အသိပညာပေး ဆွေးနွေးပွဲ (တရက်တာ) ကို AAPP မှကြီးမှူးကျင်းပခဲ့ပါသည်။ ဆွေးနွေးပွဲကို သနပ္ပင်မြို့နယ် အုပ်ချုပ်ရေးမှူး ဦးသန်းနိုင် မှ အဖွင့်အမှာစကားပြောကြားပေးခဲ့ပြီး AAPP မှ တွဲဖက်အတွင်းရေးမှူး ဦးဘိုကြည်မှ ဆွေးနွေးပွဲ ပြုလုပ်ရခြင်း ရည်ရွယ်ချက် များကိုရှင်းလင်းပြောကြားပေးခဲ့ပါသည်။ ဆရာစောသန်းလှိုင်မှ လူ့အခွင့်အရေးအကြောင်းများ၊ UDHR အချက် ၃ဝ နှင့် ပတ်သက်၍ ဟောပြောရှင်းလင်းဆွေးနွေးပေးခဲ့ပါသည်။

27591365_1265814946885795_1309666055_nဆရာဦးရဲအောင်မှ ကောင်းမွန်သော စီမံအုပ်ချုပ်မှု နှင့် ပတ်သက်၍ ရှင်းလင်းပြောကြားပေးခဲ့ပါသည်။ ဆွေးနွေးပွဲကို ရပ်ကွက်အုပ်ချုပ်ရေးမှူးများနှင့် မြို့နယ်အထွေထွေအုပ်ချုပ်ရေးဦးစီးဌာနမှ ဝန်ထမ်းများအပါအဝင် စုစုပေါင်း (၁၂၀) ဦး တက်ရောက်ခဲ့ပါသည်။ AAPP မှ ကိုအောင်မျိုးကျော်၊ ကိုဝဏ္ဏနွယ်၊ ကိုကျော်ဦး၊ ကိုမျိုးထွန်း၊ ကိုဇော်မိုး၊ ကိုခင်မောင်ဝင်း၊ ကိုတင့်ထူးလွင်၊ ပဲခူးအရှေ့နိုင်ငံရေးအကျ ဉ်းသားဟောင်းများအဖွဲ့မှ ဦးဘိုတောက် တို့မှပါဝင်အားဖြည့်ကူညီပေးခဲ့ကြပါသည်။
ဆွေးနွေးပွဲကို ၃၁.၁.၂၀၁၈ နံနက် – (၁၀:၀၀) မှ ညနေ – (၄:၀၀) ထိကျင်းပပြုလုပ်ခဲ့ပါသည်။ဆွေးနွေးပွဲ
တွင် AAPP မှ UDHR အိတ်ဆောင်စာအုပ်များ၊ ကောင်းမွန်တဲ့အုပ်ချုပ်မှုစံနစ်၏အရေးကြီးတဲ့အချက်များ နှင့် ရပ်ကျေးနည်းဥပဒေ အခန်း (၄) ပါအချက်များ၊ ပိုစတာများ ဝေငှခဲ့ပါသည်။