ဖေဖော်ဝါရီ နိုင်ငံရေးအကျဉ်းသားများအခြေအနေပြ လစဉ်အစီရင်ခံစာနှင့် လက်ကျန်နိုင်ငံရေးအကျဉ်းသားစာရင်း ထုတ်ပြန်ချက်

တစ်လအတွင်းသုံးသပ်ချက်
ဖေဖော်ဝါရီလတွင်းတွင် ၉၂ ဦး ဖမ်းဆီးခံခဲ့ရသည်။ ၎င်းတို့ထဲမှ ၉ဝ ဦးသည် တိုင်းရင်းသားများဖြစ်ပြီး တစ်ဦးသည် ဆယ်သွယ်ရေးဥပဒေ၊ ပုဒ်မ ၆၆(ဃ)ဖြင့် ဖမ်းဆီးခံခဲ့ရကာ ကျန်တစ်ဦးသည် ငြိမ်း၊စု၊စီအက်ဥပဒေပုဒ်မ ၁၉ ဖြင့် ဖမ်းဆီးခံခဲ့ရသည်။ ဖေဖော်ဝါရီလတွင်း ၄၂ ဦး တရားစွဲဆိုခံခဲ့ရပြီး ထို ၄၂ ဦးထဲမှ ၃၆ ဦးသည် လယ်သမားများဖြစ်ဖြစ်ကြသည်။ ယခုလတွင် လယ်သမား ၁၅ ဦး၊ တက်ကြွလှုပ်ရှားသူ နှစ်ဦးအပါအဝင် စုစုပေါင်း ၁ရ ဦး လွတ်မြောက်ခဲ့သည်။ နိုင်ငံရေးအကျဉ်းသားနှစ်ဦးမှာမှု ကျန်းမာရေးဆိုးရွားလျက်ရှိကြောင်းသိရှိရသည်။
တိုင်းရင်းသားဒေသများတွင်နေထိုင်ကြသူများသည် တိုင်းရင်းသား လက်နက်ကိုင်တပ်ဖွဲ့များနှင့် ဆက်နွယ်သည်ဟု စွပ်စွဲခံရကာ ဖမ်းဆီး၊ ထိန်းသိမ်းခံရလျက်ရှိသည်။ ဖေဖော်ဝါရီလ ရ ရက်နေ့တွင် မှုဆယ်မြို့နယ်တရားရုံးမှ ကချင်ပြည်နယ်၊ မုံးကိုးမြို့နယ်မှ သင်းအုပ်ဆရာနှစ်ဦးဖြစ်သည့် ဦးဒွယ်ဒေါ့နောင်လတ်နှင့် ဦးဂျော်ဂမ်ဆိုင်းတို့အား မတရားအင်းအက်ဥပဒေ၊ ပုဒ်မ၁၇/၁ဖြင့် တရားစွဲ ဆိုခဲ့သည်။ ၂၀၁၆ခုနှစ်၊ ဒီဇင်ဘာလ ၂၄ ရက်နေ့တွင် ၎င်းတို့နှစ်ဦးသည် ပျောက်ဆုံးသွားခဲ့ပြီး ၂၀၁ရ ခုနှစ်၊ ဇန်နဝါရီလ ၁၉ ရက်နေ့ထိတိုင် လျှို့ဝှက်စွာ ထိန်းသိမ်းထားခြင်းခံခဲ့ရသည်။ ထို့ပြင် ၎င်းတို့သည် ပို့ကုန်၊သွင်းကုန်အက်ဥပဒေ၊ ပုဒ်မ ၈ ဖြင့်လည်း ထပ်တိုးတရားစွဲဆိုခံခဲ့ရသည်။ ပုဒ်မ ၈ ၌ တားမြစ်၊ကန့်သတ်ထားသောပစ္စည်းများ၊ ခွင့်ပြုချက်လိုအပ်သောပစ္စည်းများကို ခွင့်ပြုချက် မရှိပဲ ပြည်ပသို့တင်ပို့ခြင်း သို့မဟုတ် ပြည်တွင်းသို့ တင်သွင်းခြင်းပြုလုပ်ခဲ့လျှင် အများဆုံး ထောင်ဒဏ်သုံးနှစ်အထိ ချမှတ်နိုင်သည်ဟု ဖော်ပြထားသည်။ ထိုတရားစွဲဆိုမှုများသည် အစိုးရနှင့်တိုင်းရင်းသားလက်နက်ကိုင်တပ်ဖွဲ့များကြားရှိ အမျိုးသား ပြန်လည် သင့်မြတ်ရေးလုပ်ငန်းစဉ်ကို ဆန့်ကျင်လျက်ရှိသည်။ ထို့ကြောင့် AAPP မှ အစိုးရအား တိုင်းရင်းသား လက်နက်ကိုင် တပ်ဖွဲ့များ အားလုံးပါဝင်နိုင်သော ဒုတိယအကြိမ် ၂၁ရာစု ပင်လုံညီလာခံအတွက် ဆောင်ရွက်ခြင်းအားဖြင့် ပြည်တွင်း ငြိမ်းချမ်းရေးနှင့် အမျိုးသားပြန်လည်သင့်မြတ်ရေးကို ဆက်လက် ဆောင်ရွက်ပါရန် တိုက်တွန်းပါသည်။ တိုင်းရင်းသားဒေသများတွင် နေထိုင်ကြသော တိုင်းရင်းသားများသည် တိုင်းရင်းသားလက်နက်ကိုင်တပ်ဖွဲ့များ၏ အဓမ္မလူသစ်စုဆောင်းမှုကို ခံနေကြရဆဲဖြစ် သည်။ ဖေဖော်ဝါရီလတွင် ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်တွင်းရှိ ဒေသခံ၉ဝကျော်ကို ကောင်းခါးဌာနေပြည်သူ့စစ် (ကချင်အမျိုးသားကာကွယ်ရေးနှင့်လုံခြုံရေး) အဖွဲ့မှ စစ်သားစုဆောင်းရန်အတွက် ဖမ်းဆီးခေါ်ဆောင်သွားခြင်းကို ကြည့်ခြင်းဖြင့် တွေ့မြင်နိုင်ပါသည်။

ဖေဖော်ဝါရီလတွင်းတွင် လယ်သမားအရေးသည် မဖြေရှင်းနိုင်သော ကိစ္စရပ်တစ်ခုအဖြစ် ဆက်လက်ရှိနေသည်။ ဖေဖော်ဝါရီလ ၂၃ ရက်နေ့တွင် စစ်ကိုင်းတိုင်းဒေသကြီး၊ ဆားလင်းကြီးမြို့နယ်မှ လက်ပံတောင်းတောင်ဒေသခံ ၂၅ ဦးသည် ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့် အက်ဥပဒေ၊ ပုဒ်မ ၁၉၊ အများပြည်သူပိုင် လမ်းပိတ်ဆို့မှု၊ ရာဇသတ်ကြီးပုဒ်မ ၁၄၃၊ ပုဒ်မ ၁၄၃/ ၄၃၁ တို့ဖြင့် အမှုဖွင့်ခြင်းခံခဲ့ရသည်။ ဖေဖော်ဝါရီလ ၂၁ ရက်နေ့တွင် ဆန္ဒပြသူများသည် ကြေးနီစီမံကိန်းသို့သွားသောလမ်းကို ပိတ်ဆို့ခဲ့ပြီး ၂၀၁၃ ခုနှစ် လက်ပံတောင်းတောင်ကြေးနီစီမံကိန်း လေ့လာစုံစမ်းရေးကော်မရှင် အစီရင်ခံစာအရ အစားထိုးမြေ ဧက ၁၉၀ဝ ကို ဖော်ထုတ်ပေးရန် တောင်းဆိုခဲ့ကြသည်။ ကြေးနီစီမံကိန်းကြောင့်ဖြစ်ပေါ်လာသော လူမှုစီးပွားဘဝ ထိခိုက်ခြင်း၊ ရွာသားများ၏ သီးနှံများ ပျက်စီး၊ ဆုံးရှုံးခြင်းတို့အတွက် လျော်ကြေးအဖြစ် လယ်ယာမြေများကို မူလပိုင်တောင်သူများကို ပေးအပ်ရမည်ဖြစ်သည်။ ထိုကြေးနီစီမံကိန်းသည် တရုတ်ဝမ်ပေါင်ကုမ္ပဏီနှင့် စစ်တပ် နောက်ခံပြုထားသော မြန်မာစီးပွားရေးဦးပိုင် ကုမ္ပဏီလီမိတက် တို့၏ ဖက်စပ်လုပ်ငန်းတစ်ခုဖြစ်သည်။ ၂၀၁၂ ခုနှစ်၊ နိုဝင်ဘာလ ၂၉ ရက်နေ့တွင် သံဃာတော်အပါး ၇ဝ ကျော်နှင့် ဆန္ဒပြသူ ၁ဝ ဦးတို့သည် လုံခြုံရေးအင်အားစုများ၏ အကြမ်းဖက်ဖြိုခွင်းမှုကြောင့် ဒဏ်ရာများရရှိခဲ့သည်။ ကိုကိစ္စအား ဖြေရှင်းရန် ဒေါ်အောင်ဆန်းစုကြည်ဦးဆောင်သော စုံစမ်းစစ် ဆေးရေးကော်မရှင်အား ဦးသိန်းစိန်အစိုးရမှ ဖွဲ့စည်းခဲ့သည်။ ကော်မရှင်မှ ဆောင်ရွက်ပေးခဲ့သဖြင့် ၂၀၁၃ ခုနှစ်တွင် ကုမ္ပဏီမှ လက်မှတ်ရေးထိုးခဲ့သော စာချုပ်ကို ကုမ္ပဏီမှ ချိုးဖောက်ကာ ပြန်ပေးမည်ဟု ကတိပြုထားခဲ့သော လယ်ယာ မြေများကို ဒေသခံများထံသို့ ပြန်လည်ပေးအပ်ခြင်း မရှိပါဟု ရွာသားများမှ ပြောကြားခဲ့သည်။

မြန်မာနိုင်ငံတွင်းရှိ လယ်သမားများသည် လယ်ယာမြေများကို ဆက်လက်ဆုံးရှုံးလျက်ရှိကြောင်းကို ထိုအခြင်းအရာမှ ပြသ လျက်ရှိသည်။ ထို့ကြောင့် မတရားသိမ်းဆည်းခံရသော၊ တရားမဝင် သိမ်းဆည်းခံရသော လယ်ယာမြေများ ပြန်လည်ရရှိရန် ကြိုး စားသော လယ်သမားများကို ပြစ်ဒဏ်ချမှတ်ခြင်းမပြုနိုင်ရန် AAPP မှ အစိုးရအား သိမ်းဆည်းခံ လယ်ယာမြေ အမှုများ ကို ပြန်လည်ဆန်းစစ်ရန်၊ လယ်ယာမြေသိမ်းဆည်းခြင်းနှင့် ဆက်စပ်လျက်ရှိသော ဥပဒေများကို ပြင်ဆင်၊ ဖြည့်စွက်ရန် သို့မဟုတ် ဖျက်သိမ်းရန်၊ မတရားသိမ်းဆည်းခံရသော လယ်ယာမြေများအတွက် မူလတောင်သူများကို လျော်ကြေးများပေးအပ်ရန် တိုက်တွန်း ပါသည်။

နိုင်ငံသားများကို လွတ်လပ်စွာ ထုတ်ဖော်ပြောဆိုခွင့်မှ ရပ်တန့်သွားစေရန် ဆက်သွယ်ရေး ဥပဒေ၊ အီလက်ထရောနစ်အက်ဥပဒေ တို့အား ဆက်လက်အသုံးပြုလျက်ရှိသည်။ ရဲများတင်သွင်းခဲ့သော သက်သေအထောက်အထားများကို စစ်ဆေး၊ သုံးသပ်ခဲ့ပြီး နောက် ဖေဖော်ဝါရီလ ၁ ရက်နေ့တွင် ရန်ကုန်တိုင်း၊ ကမာရွတ်မြို့နယ်တရားရုံးမှ အမျိုးသားဒီမိုကရေစီအဖွဲ့ချုပ်၏ ဗဟို သုတေသနလမ်းညွှန်အဖွဲ့ အတွင်းရေးမှူးဖြစ်သူ ဦးမျိုးရန်နောင်သိမ်းအား စွဲချက်တင် အမိန့်ချခဲ့သည်။ ဦးမျိုးရန်နောင်သိမ်းသည် ဆက်သွယ်ရေးဥပဒေ၊ ပုဒ်မ ၆၆(ဃ)ဖြင့် ၂၀၁၆ ခုနှစ်၊ နိုဝင်ဘာလ ၃ ရက်နေ့ကတည်းက ဖမ်းဆီး၊ထိန်းသိမ်းခံခဲ့ရပြီး လေးကြိမ်တိုင် အာမခံငြင်းပယ်ခြင်းခံခဲ့ရသည်။ သူသည် ၂၀၁၆ ခုနှစ်၊ အောက်တိုဘာလတွင်း ဖြစ်ပွားခဲ့သော မောင်တော နယ်စပ် တိုက်ခိုက်မှုများနှင့် ဆက်နွယ်ကာ ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်အား ဝေဖန်ခဲ့သည်ဟု စွပ်စွဲခံထားရ သည်။ လူ့အခွင့်အရေး လှုပ်ရှားသူများအဖွဲ့၏ ဧရာဝတီတိုင်း ဥက္ကဌ ဦးထွန်းထွန်းဦးကို တပ်မတော်မှ အီလက်ထရောနစ် အက်ဥပဒေ၊ ပုဒ်မ ၃၄ (ဃ) ဖြင့် ပုသိမ်မြို့မ ရဲစခန်း၌ တရားစွဲဆိုခဲ့သည်။ သူသည် ဧရာဝတီတိုင်း၊ ပုသိမ်မြို့နယ်၊ ပုသိမ်ဟိုတယ်တွင် ကျင်းပခဲ့သော ငြိမ်းချမ်းရေး ဆွေးနွေးပွဲ၌ ကျောင်းသားကိုးဦး ကပြခဲ့သော စစ်ပွဲအလိုမရှိ ပြဇာတ်ဗွီဒီယိုဖိုင်ကို လူမှုကွန်ရက် စာမျက်နှာတွင် တင်ခဲ့ခြင်းအတွက် တရားစွဲဆိုခံခဲ့ရခြင်းဖြစ်သည်။ အီလက်ထရောနစ်အက်ဥပဒေ၊ ပုဒ်၃၄(ဃ)သည် မည်သူမဆို အောက်ပါပြုလုပ်မှုတစ်ရပ်ရပ်ကို ကျူးလွန်ကြောင်း ပြစ်မှုထင်ရှားလျှင် ထိုသူအား ထောင်ဒဏ် (၅)နှစ်အထိ ဖြစ်စေ၊ ငွေဒဏ်ဖြစ်စေ၊ဒဏ်နှစ်ရပ်လုံးဖြစ်စေ ချမှတ်ရမည်ဖြစ်သည်။
‘အဖွဲ့အစည်း တစ်ခုခု သို့မဟုတ် ပုဂ္ဂိုလ်တစ်ဦးဦးကို ထိခိုက်နစ်နာစေရန် ဖြစ်စေ၊ ဂုဏ်သိက္ခာ ကျဆင်းစေရန် ဖြစ်စေ၊ သတင်းအချက်အလက်ကို အီလက်ထရောနစ် နည်းပညာဖြင့် ပြုလုပ်ခြင်း၊ ပြုပြင်ခြင်း သို့မဟုတ် ပြောင်းလဲခြင်း၊ သို့မဟုတ် ပြောင်းလဲခြင်း ပြုလုပ်ထားသည့် အချက်အလက်ကို ဖြန့်ချီခြင်း’

ဦးထွန်းထွန်းဦးသည် အသရေဖျက်မှု၊ ပုဒ်မ ၅၀ဝ ဖြင့် တရားရင်ဆိုင်နေရသော ကျောင်းသားကိုးဦးအနက်မှ တစ်ဦး၏ ဖခင်ဖြစ်ပြီး ထိုပြဇာတ်ကပြခဲ့သည့် ငြိမ်းချမ်းရေးအလုပ်ရုံဆွေးနွေးပွဲ၌ အရပ်ဘက် လူမှု့အဖွဲ့အစည်းများကိုယ်စား အဖွင့်အမှာ စကား ပြောကြားခဲ့သူဖြစ်သည်။ အမျိုးသားဒီမိုကရေစီအဖွဲ့ချုပ် (NLD) ပါတီဥက္ကဌနှင့် NLD ပါတီတို့အား လူမှုကွန်ရက် စာမျက်နှာတွင် အသရေဖျက်သော စာသားများရေးသားခဲ့ခြင်းအတွက် NLD ချောင်းသာ ကျေးရွာတာဝန်ခံ ဒေါ်အေးအေးအောင်မှ ကျောင်းဆရာမတစ်ဦးနှင့် ၎င်း၏ခင်ပွန်းတို့အား အမှုဖွင့်ခဲ့သည်။ ဖေဖော်ဝါရီလ ၂၆ ရက်နေ့တွင် ပုသိမ်သူ လူမှုကွန်ရက်စာမျက်နှာ ကို သုံးစွဲသူဆရာမ ဒေါ်စန္ဒာမြင့်နှင့် ၎င်း၏ ခင်ပွန်းဖြစ်သူ ဦးနွေဦးတို့အား ချောင်းသာမြို့နယ်ရဲစခန်းတွင် အမှုဖွင့်ခဲ့ခြင်းဖြစ်သည်။ အမှုဖွင့်ခဲ့ပြီးနောက် ရဲများမှ ၎င်းတို့နှစ်ဦး အား ဖမ်းဆီးစစ်ဆေးခဲ့ပြီး ဒေါ်စန္ဒာမြင့်အား အာမခံပေးခဲ့သည်။ သို့သော်လည်း ဦးနွေဦးသည် ထိန်းသိမ်းခံထားရဆဲဖြစ်သည်။ တက်ကြွလှုပ်ရှားသူတစ်ဦးဖြစ်သူ ဒေါ်အမာနီသည် မန္တလေးခရိုင်၊ NLD ဒုဥက္ကဌ ဦးကိုကိုလေးအား လူမှုကွန်ရက် စာမျက်နှာတွင် ဂုဏ်သိက္ခာကျဆင်းစေရန် စာများရေးသားခဲ့သည်ဟု စွပ်စွဲခံရကာ ဆက်သွယ်ရေး ဥပဒေ၊ ပုဒ်မ ၆၆(ဃ)ဖြင့် အမှုဖွင့်ခြင်းခံခဲ့ရသည်။ ဖေဖော်ဝါရီလ ၂၂ ရက်နေ့တွင် ဦးကိုကိုလေးမှ ဒေါ်အမာနီအား မန္တလေးခရိုင် အတွင်းရှိ မဟာအောင်မြေရဲစခန်း၌ အမှုဖွင့်ခဲ့ခြင်းဖြစ်သည်။ ဖေဖော်ဝါရီလ ၂၈ ရက်နေ့တွင် မြောက်ဒဂုံမြို့နယ်တရားရုံးမှ ငဖာ လူမှုကွန်ရက်စာမျက်နှာအား သုံးစွဲသူ ကိုဇော်ဇော်ကို ဆက်သွယ်ရေး ဥပဒေ၊ ပုဒ်မ ၆၆(ဃ) ဖြင့် အလုပ်ကြမ်း နှင့် ထောင်ဒဏ် ခြောက်လ ပြစ်ဒဏ်ချမှတ်ခဲ့သည်။ ကိုဇော်ဇော်သည် အင်းစိန်ထောင်တွင် ပြစ်ဒဏ်ကျခံရမည်ဖြစ်သည်။ သူသည် သမ္မတ ဦးထင်ကျော်၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့အား အသရေဖျက်သည့် စာသားများကို လူမှု ကွန်ရက်စာမျက်နှာတွင် ရေးသားခဲ့ခြင်းအတွက် အောက်တိုဘာလ ၁ဝ ရက်နေ့ကတည်းက ဖမ်းဆီး၊ ထိန်းသိမ်းခံခဲ့ရပြီး ဒီဇင်ဘာလ ၁၄ ရက်နေ့တွင် မြောက်ဥက္ကလာပမြို့နယ် တရားရုံး၌ တရားစွဲဆိုခံခဲ့ရသည်။
ဆက်သွယ်မေးမြန်းရန်
နိုင်ငံရေးအကျဉ်းသားများကူညီစောင့်ရှောက်ရေးအသင်း
တိတ်နိုင် အတွင်းရေးမှူး +၉၅(၀) ၉ ၄၂၈၀၂ ၃၈၂၈
ဘိုကြည် တွဲဘက်အတွင်းရေးမှူး +၆၆(၀) ၈၁၉၆၂ ၈၇၁၃
ဦးအောင်မျိုးကျော် ရန်ကုန်ရုံးတာဝန်ခံ +၉၅(၀) ၄၂၈၁၁၇၃၄၈

လစဉ်အစီရင်ခံစာသုံးသပ်ချက်အပြည့်အစုံကိုဒေါင်းလော့ရယူရန် February Month in review (Final-Burmese)

လစဉ်သတင်းဖော်ပြချက်အား ဒေါင်းလော့ရယူရန်         February Chronology (Final-Burmese)

အေအေပီပီ သတင်းလွှာကို ဒေါင်းလော့ရယူရန်       February Newsletter (Final-Burmese)

လက်ကျန်နိုင်ငံရေးအကျဉ်းသားစာရင်းကိုဒေါင်းလော့ရယူရန်    86 remainging PP list burmese version Updated on Feb 28, 17

အမှုရင်ဆိုင်ဆဲ တက်ကြွလှုပ်ရှားသူများစာရင်း ဒေါင်းလော့ရယူရန်  206 facing trial list updated on 28 Feb 17 (burmese version)

၆၆ (ဃ)ဖြင့် အမှုရင်ဆိုင်နေသူများမှတ်တမ်းပြုစုထားသည့်စာရင်း ဒေါင်းလော့ရယူရန် 66 (D) total list(new) Updated