နိုဝင်ဘာလ နိုင်ငံရေးအကျဉ်းသားအခြေအနေပြ လစဉ်အစီရင်ခံစာနှင့် လက်ကျန်နိုင်ငံရေးအကျဉ်းသားစာရင်း

19-section

လက်ရှိအခြေအနေ အကျဉ်းချုပ်
၂၀၁၆ ခုနှစ်၊ နိုဝင်ဘာလကုန်တွင် မြန်မာနိုင်ငံ အကျဉ်းထောင်များ အတွင်း နိုင်ငံရေးအကျဉ်းသား စုစုပေါင်း ၈ရ ဦး အကျဉ်းကျခံ နေရသည်။ တက်ကြွလှုပ်ရှားသူ ၁၀၈ ဦးသည် နိုင်ငံရေး လှုပ်ရှား မှုများကြောင့် လက်ရှိအချိန်တွင် တရားရင်ဆိုင်နေ ရပြီး ထိုထဲမှ ၂၄ ဦးသည် ထောင်တွင်းမှနေ၍ တရားရင်ဆိုင်နေရ သည်။
တစ်လအတွင်း သုံးသပ်ချက်
ယခုလတွင် တက်ကြွလှုပ်ရှားသူ တစ်ဦး အပါအဝင် ၈၅ ဦးဖမ်းဆီးခံခဲ့ရ သည်။ ထို ၈၅ ဦး ထဲမှ ၈၄ ဦးသည် တိုင်းရင်းသားဒေသများမှ တိုင်းရင်းသားများ ဖြစ်ကြသည်။ ယခုလတွင် ဆက်သွယ်ရေးဥပဒေဖြင့် ကိုးဦးဖမ်းဆီးခံခဲ့ရသည်။ တက်ကြွလှုပ်ရှားသူ နှစ်ဦး ပြစ်ဒဏ်ချမှတ်ခံခဲ့ ရပြီး တက်ကြွလှုပ်ရှားသူ ၁၃ ဦးသည် လွတ်ရက်စေ့သဖြင့် ထောင်မှ ပြန်လည် လွတ်မြောက်လာခဲ့သည်။ ယခုလတွင် ဆက်သွယ်ရေး ဥပဒေဖြင့် ၁ဝဦး တရားစွဲဆိုခံရခြင်းအပါအဝင် ၁၈ ဦးတရားစွဲဆိုခံခဲ့ရ သည်။ နိုင်ငံရေး အကျဉ်းသားနှစ်ဦး မှာကျန်းမာရေးမကောင်းကြောင်း သိရှိရသည်။

အစိုးရသစ်လက်ထက်တွင်လည်း ငြိမ်းချမ်းစွာစုဝေးခွင့်နှင့် စီတန်း လှည့်လည်ခွင့် ဥပဒေကိုဆက်လက် အသုံးပြုဆဲဖြစ်သည်။ တကိုယ် တော် ဆန္ဒပြသူဦးခင်ဝင်းသည် စပါးဈေး မတရား ကျဆင်းနေသော ကြောင့် အခက်အခဲများနှင့် ရင်ဆိုင်နေကြရသည့် လယ်သမားများနှင့် နိုင်ငံတော် သမ္မတ၊ နိုင်ငံတော် အတိုင်ပင်ခံ ပုဂ္ဂိုလ်တို့မှ တွေ့ဆုံပေးရန် ရေးသားထားသည့် ဆိုင်းဘုတ်ကိုကိုင်ကာ ခွင့်ပြုချက် တောင်းခံခဲ့ခြင်း မရှိပဲ ဆန္ဒထုတ် ဖော်ခဲ့သည့်အတွက် ငြိမ်း၊စု၊စီပုဒ်မ ၁၉ ဖြင့် ဖမ်းဆီးခံခဲ့ရ သည်။

လူမှုကွန်ရက် စာမျက်နှာတွင် ရေးသားဖော်ပြခဲ့ခြင်းအတွက် လူပုဂ္ဂိုလ် များအား ဖြိုခွင်းရန် ဆက်သွယ်ရေးဥပဒေအား ဆက်လက် အသုံးပြု ဆဲဖြစ်သည်။ ယခုလတွင် အစိုးရပိုင် ကြေးမုံသတင်းစာ၏ အလွတ်တန်း သတင်းထောက်တစ်ဦးဖြစ်သူ ဦးဇော်မင်းအောင်အား ဝေဖန်ခဲ့ခြင်း အတွက် နိုဝင်ဘာလ ၂၉ ရက်နေ့တွင် နေပြည်တော် အခြေစိုက် သတင်းထောက်တစ်ဦးဖြစ်သူ ဦးမောင်မောင်ထွန်းသည် ဖမ်းဆီးခံ ခဲ့ရသည်။ ပဲခူးတိုင်း၊ ပြည်မြို့၊ အမျိုးသား ဒီမိုကရေစီအဖွဲ့ချုပ် (NLD)၏ သတင်းနှင့် ပြန်ကြားရေး တာဝန်ခံ ဦးကျော်ကျော်ဉာဏ်ဝင်းသည် ဆက်သွယ်ရေး ဥပဒေ ၆၆/ဃ ဖြင့် တရားစွဲဆိုခံခဲ့ရပြီး နိုဝင်ဘာလ ၂၁ ရက်နေ့တွင် ပြည်မြို့နယ် တရားရုံး၌ ထိန်းသိမ်းခံခဲ့ရသည်။ ပြည်မြို့ နယ် တရားရုံးသူကြီးမှ သူ့အား ငွေကျပ်သိန်းနှစ်ဆယ်ဖြင့် အာမခံပေးခဲ့ သည်။ ၎င်းပြင် အဆိုပါ အကြောင်းအရာအား ကူးယူဖော်ပြခဲ့သူ ကိုရှိန်းမင်းပိုင်သည် နိုဝင်ဘာလ ၂၁ ရက်နေ့တွင် ပြည်မြို့နယ် တရား ရုံး၌ ထိန်းသိမ်းခံခဲ့ရပြီး ပြည်မြို့နယ် တရားသူကြီးမှ သိန်းနှစ်ဆယ်ဖြင့် အာမခံပေးခဲ့သည်။ နိုဝင်ဘာလ ၁၁ ရက်နေ့တွင် အီလဲဗင်း မီဒီယာ ဂရု၏ အမှု ဆောင် အရာရှိချုပ် ဦးသန်းထွဋ်အောင်နှင့် အယ်ဒီတာချုပ် ကိုဝေဖြိုးတို့သည် ဆက်သွယ်ရေး ဥပဒေ ၆၆(ဃ) ဖြင့် ဖမ်းဆီးခံခဲ့ရပြီး အင်းစိန်ထောင်သို့ ပို့ဆောင်ခြင်း ခံခဲ့ရသည်။ ဦးသန်းထွဋ်အောင်မှ ၎င်း၏ လူမှုကွန်ရက်စာမျက်နှာ (Facebook) တွင် ရန်ကုန်တိုင်း ဝန်ကြီးချုပ် ဦးဖြိုးမင်းသိန်းက စီးပွားရေး လုပ်ငန်းရှင်တစ်ဦးဖြစ်သူ ဦးမောင်ဝိတ်ထံမှ လက်ဆောင်လက်ခံခဲ့သည်ဟု ဖော်ပြခဲ့သည်။ နိုဝင်ဘာလ ၂၅ ရက်နေ့တွင် ၎င်းတို့သည် အာမခံ ငြင်းပယ်ခြင်း ခံခဲ့ရသည်။ နိုဝင်ဘာလ ၃ဝ ရက်နေ့တွင်လည်း ၎င်းတို့ ရုံးချိန်း တက်ရောက်ခဲ့ပြီး ထပ်မံ၍ အာမခံ ငြင်းပယ်ခံခဲ့ရသည်။ အမျိုးသား ဒီမိုကရေစီအဖွဲ့ချုပ်၏ အဖွဲ့ဝင်နှင့် ဗေဒါ အင်စတီကျု့အား တည် ထောင်သူ တစ်ဦးဖြစ်သူ ကိုမျိူးရန်နောင်သိမ်းသည် ဆက်သွယ်ရေး ဥပဒေ ပုဒ်မ ၆၆/ဃ အား ချိုးဖောက်ခြင်းအတွက် နိုဝင်ဘာလ ၃ ရက်နေ့တွင် ဖမ်းဆီးခြင်း ခံခဲ့ရသည်။ နိုဝင်ဘာလ ၉ ရက်နေ့တွင် လှိုင်မြို့နယ်တရားရုံးမှ ကိုမျိူးရန်နောင်သိမ်း ၏ အာမခံ လျှောက်ထားမှုအား ပယ်ချခြင်းခဲ့ပြီး ထိုနေ့တွင်ပင် သူ့အား အင်းစိန်ထောင်သို့ ပို့ဆောင်ခဲ့သည်။ နိုဝင်ဘာလ ၁ရ ရက်နေ့တွင် ရုံးချိန်းတွင် သူ၏ အာမခံ လျှောက်ထားမှုသည် ထပ်မံ၍ ငြင်းပယ်ခြင်း ခဲ့ရသည်။ ပဲခူးမြို့တွင်နေထိုင်သူ မစန္ဒီမြင့်အောင်သည် အောက်တိုဘာလတွင်းတွင် ဆက်သွယ်ရေး ဥပဒေဖြင့် အမှုဖွင့်ခံခဲ့ရပြီးနောက် နိုဝင်ဘာလ ၂၉ ရက်နေ့တွင် ဖမ်းဆီးခံခဲ့ရသည်။ ပဲခူးမြို့၊ အမျိုးသား ဒီမိုကရေစီအဖွဲ့ချုပ်၏ ပြန်ကြားရေး ကော်မတီဝင်တစ်ဦးဖြစ်သူ မလင်းလဲ့လဲ့လှိုင်မှ သူမအား အမှုဖွင့်ခဲ့ခြင်း ဖြစ်သည်။ မစန္ဒီမြင့်အောင်သည် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား လူမှုကွန်ရက် စာမျက်နှာ (Facebook) မှတစ်ဆင့် ရိုင်းစိုင်းစွာ ပုတ်ခတ်သည့် စာသားများ ဖော်ပြခဲ့သည်ဟု စွပ်စွဲခံခဲ့ရသည်။ နိုဝင်ဘာလ ၃ဝ ရက်နေ့တွင် သူမအား ရုံးထုတ် ရမန်ယူခဲ့ပြီး ဒီဇင်ဘာလ ရ ရက်နေ့တွင် သူမသည် ထပ်မံ၍ ရုံးချိန်း တက်ရောက်ရမည် ဖြစ်သည်။ စစ်ကိုင်းတိုင်းဒေသကြီး၊ ကသာမြို့၊ အမျိုးသား ဒီမိုကရေစီ အဖွဲ့ချုပ် (NLD) ၏ မြို့နယ် လူငယ် လုပ်ငန်းအဖွဲ့၊ လုံခြုံရေးနှင့် စည်းကမ်း ထိန်းသိမ်းရေးမှူး ကိုဝေယံကောင်းသည် အောက်တိုဘာလ ၃၁ ရက်နေ့တွင် ဖမ်းဆီးခံခဲ့ရပြီးနောက် နိုဝင်ဘာလတွင်းတွင် ရုံးချိန်းနှစ်ကြိမ် တက်ရောက်ခဲ့သည်။ သူသည် လွှတ်တော် ကိုယ်စားလှယ်များနှင့် စစ်တိုင်း တိုင်း ဝန်ကြီးချုပ်တို့အား စော်ကားခဲ့ခြင်းအတွက် မတ်လတွင်းတွင် ဆက် သွယ်ရေး ဥပဒေ ပုဒ်မ ၆၆/ဃ ဖြင့် အမှုဖွင့် တိုင်ကြားခံခဲ့ရသည်။ ပန်ဂစီရွာသားတစ်ဦးဖြစ်သူ ကိုတင်ပိုသည် စစ်ကိုင်းတိုင်း၊ ပန်ဂစီရွာသူကြီး ဦးနေဝင်းစိုးအား လူမှုကွန်ရက်စာမျက်နှာ (Facebook)တွင် အသရေဖျက် သည်ဟု စွပ်စွဲခံခဲ့ရပြီးနောက် နိုဝင်ဘာလ ၂ ရက်နေ့တွင် ဆက်သွယ်ရေး ဥပဒေ ပုဒ်မ ၆၆(ဃ)ဖြင့် တရားစွဲဆိုခံခဲ့ရသည်။ အောက်တို ဘာလ ၂ရ ရက် နေ့တွင် သူသည် ဖမ်းဆီးခံခဲ့ရပြီး အာမခံ မရရှိခဲ့ပါ။

လွတ်လပ်စွာ ထုတ်ဖော်ပြောဆိုခွင့်ကို ကန့်သတ်ထားမှုများ နိုဝင်ဘာလတွင်း တွင်လည်း ဆက်လက်ရှိနေဆဲဖြစ်သည်။ နိုဝင်ဘာလ ၃ ရက်နေ့တွင် ဆက်သွယ်ရေး ဥပဒေ ပြင်ဆင်ရေးအတွက် လက်ကမ်းစာစောင်များ ဝေငှနေ သော တက်ကြွလှုပ်ရှားသူများအား ဇမ္ဗူသီရိမြို့နယ် အာဏာပိုင်များမှ တားဆီး ခဲ့ပြီး ထိုလှုပ်ရှားမှုများ ဆက်လက်ပြုလုပ်ခွင့်မပြုခဲ့ပါ။

ဖိနှိပ်ထားသော ဥပဒေများဖြင့် တက်ကြွလှုပ်ရှားသူများအား တရားစွဲဆို၊ ပြစ်ဒဏ်ချမှတ်မှုများ ယခုလတွင်လည်း ဆက်လက်ရှိနေဆဲဖြစ်သည်။ စစ်တပ် အား အသရေဖျက်ခြင်းအတွက် နိုဝင်ဘာလ ၁၁ ရက်နေ့တွင် ရန်ကုန်တိုင်း၊ မရမ်းကုန်းမြို့နယ်တရားရုံး မှ ကိုလှဖုန်းအား ဆက်သွယ်ရေး ဥပဒေ ၆၆/ဃ၊ ရာဇသတ်ကြီးပုဒ်မ ၅၀၅/ခ၊ နိုင်ငံတော် အလံအက်ဥပဒေ ပုဒ်မ ၁၆ တို့ဖြင့် ထောင်ဒဏ် နှစ်နှစ် ချမှတ်ခဲ့သည်။ နိုဝင်ဘာလ ၁၈ ရက်နေ့တွင် လူမှုရေးနှင့် နိုင်ငံရေး တက်ကြွလှုပ်ရှားသူ ကိုရာပြည့် ခေါ် ကိုမျိုးသူဝင်းသည် ဆက်သွယ် ရေး ဥပဒေ ၆၆/ဃ ဖြင့် ထောင်ဒဏ် ခြောက်လ ချမှတ်ခြင်းခံခဲ့ရသော်လည်း ထိုနေ့တွင်ပင် လွတ်ရက်စေ့သဖြင့် ထောင်မှ ပြန်လည် လွတ်မြောက်လာခဲ့ သည်။
ယခုလတွင် မြန်မာတိုင်း သတင်းစာ၏ အထူးသတင်း စုံစမ်းရေးသားသည့် သတင်းထောက်တစ်ဦးဖြစ်သူ ဖိုင်အိုနာ မက်ဂရက်ဂါအား မြန်မာတိုင်းမှ ထုတ်ပယ်ခဲ့ပြီးနောက် စာနယ်ဇင်းလွတ်လပ်နှင့် လွတ်လပ်စွာ ထုတ်ဖော်ပြော ဆိုခွင့်တို့သည် ခြိမ်းခြောက်မှုအောက်တွင် ဆက်လက်ရှိနေဆဲဖြစ်သည်။
အောက်တိုဘာလ ၂ရ ရက်နေ့တွင် သူမရေးသားခဲ့သော ရခိုင်ပြည် နယ်၊ မောင်တောမြို့နယ်ရှိ၊ ရွှေကြာရွာ၌ လုံခြုံရေးတပ်ဖွဲ့များမှ ဒါဇင် နှင့်ချီသော အမျိုးသမီးများကို မုဒိမ်းကျင့်ခဲ့သည်ဟူသော စွပ်စွဲရေးသား ခဲ့သည့် သတင်းကို အစိုးရမှ ဝေဖန်ခဲ့ပြီးနောက် သူမ ထုတ်ပယ်ခံ ခဲ့ရခြင်း ဖြစ်သည်။

စစ်ကိုင်း အလုပ်သမား အခွင့်အရေးအတွက် ဆန္ဒပြခဲ့သောကြောင့် အောက်တိုဘာလ ၂၄ ရက်နေ့တွင် နေပြည်တော်၊ တပ်ကုန်းမြို့နယ် တရားရုံးမှ တရားမဝင်စုဝေးခြင်းအတွက် ရာဇသတ်ကြီးပုဒ်မ ၁၄၃၊ ၁၄၅၊ နိုင်ငံတော် အကြည်အညိုပျက်စေမှု၊ ရာဇသတ်ကြီး ပုဒ်မ ၅၀၅/ခ တို့ဖြင့် ထောင်ဒဏ် ငါးလစီ ပြစ်ဒဏ်ချမှတ်ခံထားရသော အမျိုးသား ၁၂ ဦးသည် နိုဝင်ဘာလ ၁၂ ရက်နေ့တွင် ထောင်မှ ပြန် လည် လွတ်မြောက်လာခဲ့သည်။ ၎င်းတို့သည် ယခင်က အလုပ်လုပ်ခဲ့ သော Myanmar Venner သစ်အချောထည်စက်ရုံတွင် အလုပ်လုပ်ခွင့် ပြန်လည်ရရှိရန် ယခုလက်ရှိတွင် ဆန္ဒပြ တောင်းဆိုလျက်ရှိသည်။

မတရားအသင်းအက်ဥပဒေအား လက်နက်သဖွယ် ဆက်လက် အသုံးပြု၍ နိုင်ငံသားများကို တိုင်းရင်းသား လက်နက်ကိုင် အဖွဲ့များနှင့် အသိအမှတ်ပြုထားခြင်းမရှိသော အဖွဲ့အစည်းများနှင့် ဆက်နွယ်နေ သည်ဟု စွပ်စွဲကာ ဖမ်းဆီး၊ ထိန်းသိမ်း၊ တရားစွဲဆိုလျက်ရှိသည်။ နိုဝင်ဘာလ ၄ ရက်နေ့တွင် စစ်တပ်မှ ရှမ်းပြည် တိုးတက်ရေး ပါတီ၊ ရှမ်းပြည် တပ်မတော် မြောက်ပိုင်း (SSPP/SSA-North) ၏ တပ်သား လေးဦးကို ဖမ်းဆီးခဲ့သည်။ အရပ်ဝတ် ဝတ်ဆင်ထားပြီး လက်နက် ကိုင်ဆောင်ထားခြင်း မရှိသော်လည်း ထိုတပ်ဖွဲ့ဝင် လေးဦးအား မိုင်းနောင်းရှိ စစ်ဆေးရေးဂိတ်တွင် ဖမ်းဆီးခဲ့သည်။ ထို့နောက် စစ်တပ်မှ ၎င်းတို့အား မတရားအသင်း အက် ဥပဒေ ၁၇/၁ ဖြင့် တရားစွဲဆိုခဲ့ပြီး ရဲလက်သို့ လွှဲပြောင်းခဲ့သည်။
နိုဝင်ဘာလ ၂ဝ ရက်နေ့တွင် နမ္မတူမြို့နယ်ရှိ ရွာသား ၁၁ ဦးအား တအာင်းလွတ်မြောက်ရေး တပ်မတော် (TNLA) မှ ဖမ်းဆီးခဲ့သည်။ ထိုရွာသား ၁၁ ဦး သည် ရှမ်းပြည် ပြန်လည် ထူထောင်ရေး ကောင်စီ/ ရှမ်းပြည်တပ်မတော် (RCSS/SSA) ၏ သတင်းပေးသူများဟု စွပ်စွဲခံ ခဲ့ရကာ ဖမ်းဆီးခံခဲ့ရခြင်းဖြစ်သည်။ နိုဝင်ဘာလ ၂ ရက်နေ့တွင် ရှမ်းပြည် တိုးတက်ရေးပါတီ/ရှမ်းပြည် တပ်မတော် (SSPP/SSA)မှ ရွာသား ဆယ့်ကိုးဦးအား ဖမ်းဆီး သွားခဲ့သည်။ SSA မှ ၎င်းတို့အား လူသစ်ဖြည့်ဆည်းရန်အတွက် ဖမ်းဆီးခဲ့ခြင်းဖြစ်သည်။
နိုဝင်ဘာလတွင်း တိုးတက်မှုတစ်ခုသည် နိုဝင်ဘာလ ၂၁ ရက်နေ့တွင် ညအိပ်ဧည့်သည်များလာရောက်လျှင် အာဏာပိုင်များအား အသိပေး ရန် လိုအပ်သည့် ရပ်ကွက် (သို့မဟုတ်) ကျေးရွာ အုပ်ချုပ်ရေး ဥပဒေကြမ်း ပုဒ်မ ၁၃/ဆ အားပြန်လည် ပြင်ဆင်ခြင်းဖြစ်သည်။
ဆက်သွယ်မေးမြန်းရန်
နိုင်ငံရေးအကျဉ်းသားများကူညီစောင့်ရှောက်ရေးအသင်း (မြန်မာနိုင်ငံ)
တိတ်နိုင် အတွင်းရေးမှူး +၆၆(၀)၈၁ ၂၈၇၈ ၇၅၁
ဘိုကြည် တွဲဘက်အတွင်းရေးမှူး +၉၅(၀) ၉၄၂၅၃ ဝ၈၈၄၀

နိုဝင်ဘာလ လစဉ်အစီရင်ခံစာဒေါင်းလော့ရယူရန် ..November Chronology Final (Burmese)

လက်ကျန်နိုင်ငံရေးအကျဉ်းသားစာရင်း ဒေါင်းလော့ရယူရန် …. 87-remainging-pp-list-burmese-version-updated-on-dec-1-2016

အမှုရင်ဆိုင်နေရသူများစာရင်း ဒေါင်းလော့ရယူရန် … 108-facing-trial-burmese-version-updated-on-dec-1-2016

ဆက်သွယ်ရေးဥပဒေပုဒ်မဖြင့် ဖမ်းဆီးထောင်ချတရားစွဲခံရသူများစာရင်းစုစုပေါင်း ဒေါင်းလော့ရယူရန်… 66-d-total-list