အောက်တိုဘာလအတွက် နိုင်ငံရေးအကျဉ်းသားများအခြေအနေပြ လစဉ်အစီရင်ခံစာနှင့် လက်ကျန်နိုင်ငံရေးအကျဉ်းသားစာရင်း

လက်ရှိအခြေအနေ အကျဉ်းချုပ်

၂၀၁၆ ခုနှစ်၊ အောက်တိုဘာလကုန်တွင် မြန်မာနိုင်ငံ အကျဉ်း ထောင်များအတွင်း နိုင်ငံရေးအကျဉ်းသား စုစုပေါင်း ၉၈ ဦး အကျဉ်းကျခံ နေရသည်။ တက်ကြွလှုပ်ရှားသူ ၁၀၈ ဦးသည် နိုင်ငံရေး လှုပ်ရှားမှုများကြောင့် လက်ရှိအချိန်တွင် တရားရင်ဆိုင်နေ ရပြီး ထိုထဲမှ ၂၄ ဦးသည် ထောင်တွင်းမှနေ၍ တရားရင်ဆိုင်နေရ သည်။
တစ်လအတွင်း သုံးသပ်ချက်
၂၀၁၆ ခုနှစ်၊ အောက်တိုဘာလတွင် တိုင်းရင်းသား ဒေသများမှ တိုင်းရင်းသား ၅၁ ဦးအပါအဝင် ၆၃ ဦး ဖမ်းဆီးခံခဲ့ရသည်။ တက်ကြွလှုပ်ရှားသူ ၁၈ ဦး ပြစ်ဒဏ်ချမှတ်ခံခဲ့ရပြီး ထိုထဲမှ သုံးဦးသည် ဒဏ်ငွေပေးဆောင်ပြီးနောက် ချက်ချင်း ပြန်လည် လွှတ်မြောက်လာခဲ့ သည်၊ နောက်ထပ်သုံးဦးသည် ထောင်မှ လွတ်ရက်စေ့သဖြင့် ပြန်လည် လွတ်မြောက်လာခဲ့သည်။ နိုင်ငံရေးအကျဉ်းသား နှစ်ဦးမှာမှု ကျန်းမာရေး ဆိုးရွားလျက်ရှိ ကြောင်းသိရှိရသည်။

နိုင်ငံရေး လှုပ်ရှားသူများနှင့် အလုပ်သမား အခွင့်အရေး လှုပ်ရှားသူများ အား ထိန်းသိမ်းရန်၊ ပြစ်ဒဏ်ချမှတ်ရန်နှင့် တရားစွဲဆိုရန်အတွက် ဆက် သွယ်ရေးဥပဒေနှင့် ရာဇသတ်ကြီးဥပဒေတို့အား အဓိက လက်နက် သဖွယ် ဆက်လက်အသုံးပြုလျက်ရှိသည်။ စစ်ကိုင်းတိုင်း၊ မုံရွာမြို့နယ်မှ NLD ပါတီ အဖွဲ့ဝင်တစ်ဦးဖြစ်သူ ကိုအောင်မြင့်ထွန်းသည် NLD ပါတီ ဗဟိုအလုပ် အမှုဆောင်ကော်မတီဝင် ဦးဝင်းထိန်အား ပါတီမှ နှုတ်ထွက် ခွင့်ပြုသည်ဟူသည့် စာအတုကို လူမှုကွန်ရက်စာ မျက်နှာတွင် ဖော်ပြခဲ့ ခြင်း အတွက် အောက်တိုဘာလ ၁၃ ရက်နေ့တွင် ဆက်သွယ်ရေး ဥပဒေ ၆၆/ဃ ဖြင့် ဖမ်းဆီးခံခဲ့ရသည်။ ထိုမျှသာမက အောက်တိုဘာလ ၂၆ ရက်နေ့တွင် ဒီမိုကရေစီအရေး စဉ်ဆက်မပြတ် လှုပ်ရှားသူများအဖွဲ့ (MDCF) ခေါင်းဆောင်ဖြစ်သူ ကိုထင်ကျော်သည် ရာဇသတ်ကြီးပုဒ်မ ၅၀၅/က ဖြင့် ဖမ်းဆီးခံခဲ့ရသည်။ သူသည် မြောက်ဥက္ကလာပမြို့နယ် တရားရုံးရှေ့၌ တရားရေးစနစ်၏ မညီမျှမှုများ၊ လူ့အခွင့်အရေး ချိုး ဖောက်မှုများနှင့် စစ်ဗိုလ်ချုပ်များ ၎င်းတို့ ကျူးလွန်ခဲ့သော ပြစ်မှုများ အတွက် အရေးယူမှုမရှိသည်များ ကို ထုတ်ဖော်ပြောဆိုခဲ့ခြင်းအတွက် အောက်တိုဘာလ ၂၁ ရက်နေ့တွင် ဖမ်းဆီးခံခဲ့ရခြင်းဖြစ်သည်။ အောက်တိုဘာလ ၂၄ ရက်နေ့တွင် စစ်ကိုင်း အလုပ်သမားအခွင့်အရေး ဆန္ဒပြသူ အမျိုးသား ၁၂ ဦး၊ အမျိုးသမီး သုံးဦး၊ စုစုပေါင်း အလုပ်သမား ၁၅ ဦး တို့သည် တရားမဝင် စုဝေးမှု၊ ရာဇသတ်ကြီးပုဒ်မ ၁၄၃၊ ၁၄၅ နိုင်ငံတော် အကြည်အညိုပျက်စေမှု၊ ရာဇသတ်ကြီးပုဒ်မ ၅၀၅/ခ တို့ဖြင့် ပြစ်ဒဏ် ချမှတ်ခြင်းခံခဲ့ရသည်။ နောက်ပိုင်းတွင် တရားရုံးမှ အမျိုးသမီး သုံးဦးအားစွဲဆိုထားသည့် နိုင်ငံတော် အကြည် အညိုပျက် စေမှု စွဲချက်အား ရုပ်သိမ်း ပေးခဲ့သည်။ ထို့ကြောင့် အမျိုးသား ၁၂ ဦးသည် ထောင်ဒဏ် ငါးလ ကျခံရမည်ဖြစ်ပြီး အမျိုးသမီး သုံးဦးသည် ထောင်ဒဏ်နှစ်လ ကျခံရမည်ဖြစ်သည်။

အစိုးရသစ်လက်ထက်တွင်လည်း ငြိမ်းချမ်းစွာ စုဝေးခွင့်နှင့် စီတန်းလှည့် လည်ခွင့်အက်ဥပဒေအား ဆက်လက် အသုံးပြုလျက်ရှိသည်။ ကချင် နှစ်ခြင်း ခရစ်ယာန်အသင်းတော်၏  အတိုင်ပင်ခံတစ်ဦးဖြစ်သူ ဦးလုံဂျုံတူးရော်သည် ငြိမ်းချမ်းစွာ မြို့နယ် တရားရုံးမှ ငြိမ်း၊စု၊စီဥပဒေ ပုဒ်မ ပုဒ်မ ၁၉ ဖြင့် တရားစွဲဆိုခဲ့သည်။

မီဒီယာများကို ကန့်သတ်ထားမှုများ၊ ပြစ်ဒဏ်ချမှတ်မှုများ အောက်တိုဘာလ တစ်လျှောက်လုံးတွင်လည်း ဆက်လက်ရှိနေခဲ့သည်။ လွတ်လပ်သော သတင်း မီဒီယာများသည် ရှမ်းပြည်နယ် လွှတ်တော်တွင်းတွင် သတင်းယူရန် ကန့် သတ်ခံထားရသော်လည်း အစိုးရ မီဒီယာများနှင့် တီဗွီလိုင်းများသည် ထိုလွှတ် တော်တွင်း သတင်းယူခွင့် ရရှိခဲ့ ကြသည်။ ထိုမျှသာမက အောက်တိုဘာလ ၉ ရက်နေ့တွင် ရခိုင်ပြည်နယ်၊ မောင်တောမြို့ရှိ နယ်ခြားစောင့် ရဲတပ်ဖွဲ့၏ စခန်းများ တိုက်ခိုက်ခံခဲ့ရပြီးနောက် ရခိုင်ပြည်နယ်တွင်း စစ်တပ်မှ ၎င်းတို့၏ စစ်ဆင်ရေးများကို သတင်းယူရန် ကြိုးပမ်းနေသည့် လွတ်လပ်သော သတင်း ထောက်များ၏ လှုပ်ရှားမှုကို ကန့်သတ်ထားလျက်ရှိသည်။ အောက်တိုဘာလ ၁၁ ရက်နေ့တွင် ပအိုဝ်း ကိုယ်ပိုင် အုပ်ချုပ်ခွင့်ရ ဒေသ၊ ပင်လောင်းမြို့နယ် တရားရုံးမှ ပအိုဝ်း ဂျာနယ်တစ်စောင်ဖြစ်သော ခမ်းစား ငေါင်းဂျာနယ်မှ အယ်ဒီ တာနှစ်ဦးအား ဒဏ်ငွေ သုံးသောင်းကျပ်စီ ပေးဆောင်စေရန် အမိန့်ချမှတ်ခဲ့ သည်။ ၂၀၁၅ ခုနှစ်၊ ဇူလိုင်လ ၃ဝ ရက်နေ့တွင် ၎င်းတို့သည် ပအိုဝ်း အမျိုးသားအစည်းအရုံး (PNO)အား အသရေဖျက်ခြင်း အတွက် ရာဇသတ်ကြီး ပုဒ်မ ၅၀ဝ ဖြင့် တရား စွဲဆိုခံခဲ့ရသည်။

အောက်တိုဘာတစ်လလုံးတွင်လည်း လယ်သမားများသည် ဆက်လက် ဖမ်း ဆီး၊ တရားစွဲဆိုခံခဲ့ရသည်။ သိမ်း ဆည်းခံ လယ်ယာမြေများ ပြန်လည် ရရှိရန် ထွန်တုံးတိုက်ပွဲဝင်ခဲ့ကြသော ပြင်ဦးလွင်မြို့နယ်မှ လယ်သမားများကို ကူညီ ခဲ့ခြင်းအတွက် အောက်တိုဘာလ ၂၃ ရက်နေ့တွင် လယ်သမားအရေး လှုပ်ရှားသူ နှစ်ဦးသည် မန္တလေးမြို့၌ ဖမ်းဆီးခံခဲ့ရသည်။ အောက်တိုဘာလ ၂၄ ရက်နေ့တွင် ၎င်းတို့ တရားစွဲဆိုခံခဲ့ရသည်။ ထိုမျှသာမက အောက်တိုဘာ လ ၂၆ ရက်နေ့တွင် ထွန်တုံးတိုက်ပွဲဝင်ခဲ့ကြသော ဒေသခံ လယ်သမားတစ်ဦး သည် ပိုက်နက်ကျူးလွန်ခြင်း၊ ဆန္ဒပြခြင်းတို့အတွက် ဖမ်းဆီးခံခဲ့ရပြီး တရားစွဲ ဆိုခံခဲ့ရသည်။ ထို့ပြင် ထိုထွန်တုံးတိုက်ပွဲတွင် ပါဝင်ခဲ့ကြသော ညောင်လှိုင် ကျေးရွာအုပ်စု၊ သပြေရေ ကျေးရွာမှ လယ်သမား ခုနှစ်ဦးသည်လည်း ရာဇ သတ်ကြီးပုဒ်မ ၁၁၄၊ ၄၂၇၊ ၄၄၇၊ ၅၀၆ တို့ဖြင့် ဖမ်းဆီးခံခဲ့ရသည်။ ထိုမျှ သာမက ဆီးအုန်းစိုက်ပျိုးရန် အတွက် အေးရှားဝေါ ကုမ္ပဏီ နှင့် ရွှေပဒုမ္မာ ကုမ္ပဏီများသို့ ချထားပေးသော လယ်ယာမြေများပေါ်ကို ကျူးကျော်ခြင်း အတွက် တနသာင်္ရီတိုင်း၊ ရေဖြူမြို့ နယ်နှင့် မြိတ်မြို့နယ် များတွင် နေထိုင်သူ လေးဦးကို ထိုကုမ္ပဏီများမှ တရားစွဲဆိုခဲ့သည်။

မတရားအသင်း အက်ဥပဒေအား လက်နက်သဖွယ် ဆက်လက် အသုံးပြု၍ တွင် စစ်သင်တန်း တက်ရောက်ခဲ့သည်ဟု စွပ်စွဲကာ ဖမ်းဆီးခဲ့ပြီး မတရားအသင်း အက်ဥပဒေဖြင့်ပင် တရားစွဲဆိုခဲ့သည်။ မတရား အသင်း အက်ဥပဒေကို ချိုးဖောက်၍ ကချင် လွတ်မြောက်ရေး တပ် မတော် (KIA) အား အကူအညီပေးနေသည်ဟူသော သံသယဖြင့် အောက်တိုဘာလ ၁ရ ရက်နေ့တွင် စစ်တပ်မှ ရှမ်းပြည်နယ်၊ ကွတ်ခိုင် မြို့နယ်၊ မုန်းစီရွာမှ ရွာသားနှစ်ဦးအား ဖမ်းဆီးခဲ့ သည်။
ဆက်သွယ်မေးမြန်းရန်
နိုင်ငံရေးအကျဉ်းသားများကူညီစောင့်ရှောက်ရေးအသင်း
တိတ်နိုင်              အတွင်းရေးမှူး         +၆၆(၀) ၈၁ ၂၈၇၈ ၇၅၁
+၉၅(၀) ၉၄၂၈ဝ ၂၃၈၂၈
ဘိုကြည်         တွဲဘက်အတွင်းရေးမှူး     +၆၆(၀) ၈၁ ၉၆၂၈ ၇၁၃

အောက်တိုဘာလအတွက် လစဉ်အစီရင်ခံစာ ဒေါင်းလော့ရယူရန် October Chronology (PDF)

လက်ကျန်နို်င်ငံရေးအကျဉ်းသားစာရင်း 98-remainging-pp-list-burmese-version-updated-on-oct-31-2016

အမှုရင်ဆိုင်ဆဲ စာရင်း    108-facing-trial-burmese-version-updated-on-oct-31-2016