အေအေပီပီဘီ မှ ဇူလိုင်လအတွက် နိုင်ငံရေးအကျဉ်းသားအခြေအနေပြ လစဉ်အစီရင်ခံစာနှင့် လက်ကျန်နိုင်ငံရေးအကျဉ်းသားစာရင်းထုတ်ပြန်ချက်

For chronology 31 July

လက်ရှိအခြေအနေ အကျဉ်းချုပ်

၂၀၁၆ ခုနှစ်၊ ဇူလိုင်လကုန်တွင် မြန်မာနိုင်ငံ အကျဉ်းထောင်များ အတွင်း နိုင်ငံရေးအကျဉ်းသား စုစုပေါင်း ၈၃ ဦး အကျဉ်းကျခံနေရ သည်။ တက်ကြွလှုပ်ရှားသူ ၂၀၂ ဦးသည် နိုင်ငံရေး လှုပ်ရှားမှုများ ကြောင့် လက်ရှိအချိန်တွင် တရားရင်ဆိုင်နေရပြီး ထိုထဲမှ ၃၅ ဦးသည် ထောင်တွင်းမှနေ၍ တရားရင်ဆိုင်နေရသည်။
၂၀၁၆ ခုနှစ်၊ ဇူလိုင်လကုန်တွင် မြန်မာနိုင်ငံ၌ နိုင်ငံရေး အကျဉ်းသား စုစုပေါင်း ၂၈၅ ဦးရှိသည်။ ထိုထဲမှ ၈၃ ဦးသည် အကျဉ်းကျခံနေ ရပြီး ၃၅ ဦးသည် ထောင်တွင်းမှနေ၍ တရားရင်ဆိုင်နေရကာ ၁၆ရ ဦးသည် ထောင်ပြင်ပမှ တရားရင်ဆိုင်နေရသည်။
တစ်လအတွင်း သုံးသပ်ချက်
ယခုလတွင် ထွန်တုံးတိုက်ပွဲဝင်ခဲ့ခြင်းအတွက် လယ်သမား ၁၀၅ ဦး ပြစ် ဒဏ်ချမှတ်ခံခဲ့ရခြင်းအပါအဝင် တက်ကြွလှုပ်ရှားသူ ၁၂၉ ဦး ပြစ်ဒဏ်ချ မှတ်ခံခဲ့ရသည်။ နိုင်ငံရေးအကျဉ်းသား လေးဦး ထောင်မှ လွတ်မြောက် လာခဲ့ပြီး အထက်တွင် ဖော်ပြခဲ့သော လယ်သမားများအပါအဝင် ၁၁ဝ ဦးသည် ဒဏ်ငွေပေးဆောင်ခြင်း သို့မဟုတ် အမှုရုပ်သိမ်းခြင်းတို့ ကြောင့် ၎င်းတို့၏ အမှုများ ပြီးဆုံးခဲ့သည်။ ယခုလတွင် နိုင်ငံရေး တက်ကြွလှုပ်ရှားသူ တစ်ဦး ဖမ်းဆီးခံခဲ့ရပြီး နိုင်ငံရေးအကျဉ်းသား နှစ်ဦး မှာ ကျန်းမာရေး ဆိုးရွားလျက်ရှိကြောင်း သိရှိရသည်။ လယ်သမား ၁၃၁ ဦးသည် ပိုင်နက်ကျူးလွန်ခြင်းအတွက် တရားစွဲဆိုခံခဲ့ရသည်။

ယခုလတွင် ဖိနှိပ်ထားသော ဥပဒေများဖြင့် တက်ကြွလှုပ်ရှားသူများ၊ လယ်သမားများနှင့် တိုင်းရင်းသားများကို ဆက်လက် ပြစ်ဒဏ်ချမှတ် လျက်ရှိသည်။ လယ်သမားအရေးလှုပ်ရှားသူများနှင့် လယ်သမားများ သည် အငြင်းပွားဖွယ် လယ်ယာမြေအရေးနှင့် ပတ်သက်ပြီး အာဏာ ပိုင်များကို ဆက်လက် ဆန့်ကျင် တိုက်ပွဲဝင်လျက်ရှိသည်။ ထိုအကျိုး ဆက်အနေဖြင့် ၎င်းတို့သည် ပိုင်နက်ကျူးလွန်မှု၊ ရာဇသတ်ကြီးပုဒ်မ ၄၄ရ ဖြင့် တရားစွဲဆိုခံခဲ့ရသည်။ စစ်ကိုင်း အလုပ်သမားသပိတ်တွင် ပါဝင်ခဲ့သောကြောင့် ယခုလက်ရှိတွင် ထောင်တွင်းမှနေ၍ တရားရင်ဆိုင် နေရသော အလုပ်သမားနှင့် ကျောင်းသား ၁၅ ဦးတို့သည် တရားရုံး အားမထီမဲ့မြင်ပြုခြင်းအတွက် ဇူလိုင်လ ၁၃ ရက်နေ့တွင် ပြစ်ဒဏ်ချ မှတ်ခံခဲ့ရသည်။ ၎င်းတို့သည် လုံလောက်သော တရားဥပဒေစောင့် ရှောက်မှု မရရှိဟု ခံစားခဲ့ရသောကြောင့် ဇူလိုင်လ ၂ရ ရက်နေ့ ၎င်းတို့၏ ငါးကြိမ်မြောက် ရုံးချိန်းကိုလည်း သပိတ်မှောက်ခဲ့သည်။

မတရားအသင်း အက်ဥပဒေကို လက်နက်သဖွယ် ဆက်လက် အသုံးပြု ၍ အသိအမှတ်ပြုထားခြင်းမရှိသော အဖွဲ့အစည်းများ၊ တိုင်းရင်းသား လက်နက်ကိုင်အဖွဲ့များတွင် ပါဝင်သည်ဟု စွဲစွပ်ကာ အရပ်သားများကို ဖမ်းဆီး၊ ထိန်းသိမ်း၊ ပြစ်ဒဏ်ချမှတ်ခဲ့သည်။ ယခုလတွင် အမျိုးသားသုံး ဦးသည် ရက္ခိုင့်တပ်မတော်(AA)နှင့် ဆက်သွယ်ခြင်းအတွက် မတရား အသင်းအက်ဥပဒေ ၁၇(၁)ဖြင့် ပြစ်ဒဏ်ချမှတ်ခံခဲ့ရသည်။ ထိုအမျိုးသား သုံးဦးထဲမှ နှစ်ဦးသည် အလုပ်ကြမ်းနှင့် ထောင်ဒဏ် သုံးနှစ်ချမှတ်ခံခဲ့ ရပြီး ကျန်အမျိုးသားတစ်ဦးသည် အလုပ်ကြမ်းနှင့် ထောင်ဒဏ် နှစ်နှစ် ချမှတ်ခံခဲ့ရသည်။ ထိုမျှသာမက တိုင်းရင်းသား ဒေသများတွင်လည်း စစ်တပ်နှင့် တိုင်းရင်းသား လက်နက်ကိုင်အဖွဲ့အစည်းများမှ အရပ်သား များကို မတရားဖမ်းဆီးမှုများ ဆက် လက်ရှိနေသည်။ ဇူလိုင်လ ၂၆ ရက်နေ့တွင် တအောင်းလူမျိုး တစ်ရာကျော်သည် ဖမ်းဆီးခံခဲ့ရသည်ဟု ပလောင်ပြည်နယ် လွတ်မြောက်ရေးတပ်ဦး/တအာင်း အမျိုးသား လွတ် မြောက်ရေး တပ်မတော် (PSLF/TNLA) မှ သတင်းထုတ်ပြန်ခဲ့သည်။

မီဒီယာ၊ လူ့အဖွဲ့အစည်း လွပ်လပ်မှုနှင့် နိုင်ငံရေးဆိုင်ရာ လွတ်လပ် ခွင့်တို့ကို ကန့်သတ်ထားမှုများ ယခုလတွင်လည်း ဆက်လက်ရှိနေ သည်။ ဇူလိုင်လ ၂၅ ရက်နေ့တွင် ရခိုင် လွတ်မြောက်ရေးပါတီ၏ ဒုတိယ ပြန်ကြားရေး တာဝန်ခံဟောင်း ကိုခိုင်မျိုးထွန်းသည် ဖမ်းဆီးခံခဲ့ရ သည်။ သူသည် ရခိုင်ပြည်နယ်တွင်း စစ်တပ်မှ လူ့အခွင့်အရေး ချိုး ဖောက်မှုများအကြောင်းကို အစီရင်ခံစာထုတ်ပြန်ခဲ့ခြင်းအတွက် နိုင်ငံ တော် အကြည်အညိုပျက်စေမှု၊ သွေးထိုးလှုံ့ဆော်မှု ရာဇသတ်ကြီး ပုဒ်မ ၅၀၅/ခ၊ ၅၀၅/ဂ တို့ဖြင့် တရားစွဲဆိုခံခဲ့ရသည်။
ဒုဗိုလ်မှူးကြီးတစ်ဦးမှ လယ်ယာမြေသိမ်းဆည်းခဲ့သည်ဟု ၂၀၁၃ ခုနှစ်၊ စက်တင်ဘာလတွင် သတင်းအမှား ရေးသားဖော်ပြခဲ့ခြင်းအတွက် သတင်း ထောက်နှစ်ဦးနှင့် လယ်သမားတစ်ဦးတို့သည် ပြစ်ဒဏ် ချမှတ်ခံခဲ့ရသည်။ ထိုမျှသာမက အာဏာပိုင်များမှ နိုင်ငံရေးဆိုင်ရာ ညီလာခံများနှင့် အလုပ်ရုံ ဆွေးနွေးပွဲများကို ကျင်းပခွင့် တားမြစ်ခဲ့သည်။ ဒေသခံများအား ဒေသဆိုင်ရာ မြေယာမူဝါဒ ရှင်းလင်းရန်နှင့် လယ်ယာမြေအခွင့်အရေးဆိုင်ရာ စည်းရုံး လှုံ့ဆော်မှုပြုလုပ်နိုင်ရန်အတွက် အသိပညာပေးမှု မြှင့်တင်ရန် ရည်ရွယ်ခဲ့သည့် ကရင်အမျိုးသားအစည်းအရုံး (KNU)၏ အလုပ်ရုုံ ဆွေးနွေးပွဲအား ပြည်နယ် အစိုးရမှ ပိတ်ပင်ခဲ့သည်။ ထို့ပြင် မည်သည့် အကြောင်းပြချက်မျှ မရှိပဲ အစိုးရမှ ချင်းပြည်နယ်တောင်ပိုင်းညီလာခံအား ပိတ်ပင်ခဲ့သည်။ ထိုညီလာခံ သည် ချင်းပြည်နယ်တောင်ပိုင်းရှိ မြို့နယ်လေးမြို့နယ်ကြား ချင်းတိုင်းရင်းသား ရေး ရာ ကိစ္စရပ်များကို ပူးပေါင်း ဆောင်ရွက်နိုင် ရန် ရည်ရွယ်ခဲ့သည်။

ဇူလိုင်လတွင် လူ့အခွင့်အရေးအခြေအနေများထဲမှ တစ်ချို့ တိုးတက်မှုအချို့ရှိ လာသည်ကို မြင်တွေ့နိုင်သည်။ ယခုလအစောပိုင်းတွင် ရွှေဝါရောင် တော်လှန် ရေး၏ ဦးဆောင်သူတစ်ဦးဖြစ်ခဲ့သူ ဦးဂမ္ဘီရ ခေါ် ဦးညီညီလွင်သည် ထောင်မှ ပြန်လည် လွတ်မြောက်လာခဲ့သည်။ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ဝန်ကြီးဌာန၏ ရက်တစ်ရာ စီမံကိန်း တစ်စိတ်တစ်ပိုင်းအဖြစ် အမည်ပျက်စာရင်းသွင်းထားသူ လူဦးရေ ခြောက်ရာ (မြန်မာလူမျိုး နှစ်ရာ ကျော်နှင့် နိုင်ငံခြားသား သုံးရာကျော်) တို့အား အမည်ပျက်စာရင်းမှ ဖယ်ရှား ပေးခဲ့သည်။ ဇွန်လ ၂၅ ရက်နေ့တွင် ရှမ်း ပြည်နယ်၊ မုန်းယောကျေးရွာ အနီး တွင် ဖြစ်ပွားခဲ့သော ရွာသား ခုနှစ်ဦး အသတ်ခံရခြင်းနှင့် ပတ်သက်၍ ငါးဦး အတွက် တာဝန်ရှိကြောင်း စစ်တပ်မှ ပြောကြားခဲ့သည်။ ထို့ပြင် ထိန်းသိန်းခံ ထားရသော တရားခံများကို စစ်ခုံရုံးတင်၍ စစ်ဆေးရန် ရည်ရွယ်ကြောင်းလည်း ထုတ်ပြန်ကြေငြာခဲ့သည်။

ဆက်သွယ်မေးမြန်းရန်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)

ဦးတိတ်နိုင် အတွင်းရေးမှူး +၆၆ (၀) ၈၁ ၂၈၇၈ ၇၅၁
ဦးဘိုကြည် တွဲဘက်အတွင်းရေးမှူး +၆၆ (၀) ၈၁ ၉၆၂၈ ၇၁၃

ဇူလိုင်လအတွက်ခနော်လော်ဂျီဒေါင်းလော့ရယူရန် July Chronology Burmese

လက်ကျန်နိုင်ငံရေးအကျဉ်းသားစာရင်း ဒေါင်းလော့ရယူရန် 83 remainging PP list Updated on Aug 1, 2016

အမှုရင်ဆိုင်နေရဆဲနိုင်ငံရေးအကျဉ်းသားများစာရင်း ဒေါင်းလော့ရယူရန် 142 Facing trial Updated on 1 Aug 2016