အေအေပီပီမှ ဇွန်လအတွင်းနိုင်ငံရေးအကျဉ်းသားများ အခြေအနေပြလစဉ်အစီရင်ခံစာနှင့်လက်ကျန်နိုင်ငံရေးအကျဉ်းသားစာရင်း

လက်ရှိအခြေအနေ အကျဉ်းချုပ်
၂၀၁၆ ခုနှစ်၊ ဇွန်လကုန်တွင် မြန်မာနိုင်ငံ၌ နိုင်ငံရေးအကျဉ်းသား စုစုပေါင်း ၂၈၅ ဦးရှိသည်။ ထိုထဲမှ ၈၂ ဦးသည် ထောင်ဒဏ်ချ မှတ်ခံထားရပြီး ၃၄ ဦးသည် ထောင်တွင်းမှနေ၍ တရားရင်ဆိုင် နေရကာ ၁၆၉ ဦးသည် ထောင်ပြင်ပမှနေ၍ တရားရင်ဆိုင်နေရ သည်။

တစ်လအတွင်း သုံးသပ်ချက်

၂၀၁၆ ခုနှစ်၊ ဇွန်လတွင်  အရပ်သား စုစုပေါင်း ၁၁၂  ဦးသည် စစ်တပ် နှင့် တိုင်းရင်းသား လက်နက်ကိုင် တပ်ဖွဲ့များ၏ ဖမ်းဆီးခြင်းကို ခံခဲ့ရပြီး ထိုထဲမှ ၄၈ ဦးသည် နောက်ပို်င်းတွင် ပြန်လည်လွတ်မြောက်လာခဲ့သည်။ တက်ကြွလှုပ်ရှားသူ ၁၈  ဦး ပြစ်ဒဏ်ချမှတ် ခံခဲ့ရပြီး နိုင်ငံရေးအကျဉ်း သား ၅ ဦး ပြန်လည် လွတ်မြောက်လာခဲ့သည်။ ယခုလတွင် နိုင်ငံရေး အကျဉ်းသား သုံးဦးမှာ ကျန်းမာရေး ဆိုးရွားလျက် ရှိကြောင်း သိရှိရပြီး တက်ကြွလှုပ်ရှားသူ စုစုပေါင်း ၃၄ ဦးသည် တရားစွဲ ဆိုခံခဲ့ရသည်။

အာဏာပိုင်များမှ ခေတ်နောက်ကျ လျက်ရှိသော ဥပဒေများကို အသုံးပြု ၍ တက်ကြွလှုပ်ရှားသူများအား ဆက်လက် ဖမ်းဆီး၊ ထိန်းသိမ်းလျက် ရှိပြီး ငြိမ်းချမ်းစွာ စုဝေးခွင့်နှင့် ထုတ်ဖော်ပြောဆိုခွင့်တို့ကိုပါ ဆက်လက် ခြိမ်းခြောက်လျက်ရှိသည်။ ပိုမို ကောင်းမွန်သော အလုပ်သမားအခွင့် အရေးရရှိရန် ချီတက်ဆန္ဒ ပြခဲ့ကြ သောကြောင့် ဖမ်းဆီးခံထားရသော စစ်ကိုင်း အလုပ်သမားနှင့် ၎င်းတို့ အား ဝန်းရံသူ စုစုပေါင်း ၁၅ ဦးသည် ထိန်းသိမ်းခံထားရဆဲဖြစ်ပြီး ရာဇသတ်ကြီးပုဒ်မ ၁၄၃၊ ၁၄၅၊ ၁၄၇၊ ၅၀၅(ခ)တို့ဖြင့် အမှုရင်ဆိုင် နေရသည်။ ယခုလတွင် ၎င်းတို့သည် တရားစီရင်ရေးအား သပိတ် မှောက်ခဲ့ကြသောကြောင့် ၎င်းတို့ ထောင်တွင်းတွင်ရှိစဉ်တွင်း ကြာရှည်စွာ တရားရင်ဆိုင်ရဖွယ်ရှိသည်။ ထို့ပြင် ရိုဟင်ဂျာပြက္ခဒိန်ရိုက်နှိပ် ထုတ်ဝေခြင်းအတွက် အမျိုးသား လေးဦး ပြစ်ဒဏ်ချမှတ်ခံခဲ့ရသည်။ ရွှေဝါရောင်တော်လှန်ရေး၏ ဦး ဆောင်သူတစ်ဦးဖြစ်ခဲ့သူ ဦးဂမ္ဘီရ ခေါ် ဦးညီညီလွင်သည် ၂၀၁၂ ခုနှစ်က အမှုဟောင်းများအတွက် ထပ်တိုး စွဲချက်များကိုရင်ဆိုင်ရန် အင်းစိန် ထောင်သို့ပြောင်းရွှေ့ခြင်းခံခဲ့ရသည်။ အငြင်းပွားဖွယ် လယ်ယာမြေ အရေးနှင့် ပတ်သက်ပြီး အကျိုးဖျက်ဆီးမှုနှင့် ပိုင်နက်ကျူးလွန်မှု စွဲချက် များဖြင့်အမှုရင်ဆိုင်နေရသော်လည်း လယ် ယာအရေးလှုပ်ရှားသူများနှင့် လယ်သမားများသည် အာဏာပိုင်များကို ဆက်လက် ဆန့်ကျင် ဆန္ဒပြလျက်ရှိသည်။

မီဒီယာနှင့် လူမှုအဖွဲ့အစည်း လွတ်လပ်ခွင့်များအပေါ် တားမြစ်ထား မှုများနှင့် ပတ်သက်ပြီး စိုးရိမ်စရာ အသစ်အဖြစ် ဇွန်လတွင် တွေ့မြင် နိုင် သည်။ အာဏာပိုင်များမှ စစ်တပ်၏ မကောင်းကြောင်းကို ညွှန်းဆိုထား သော ရုပ်ရှင်ဇာတ်ကားအား ရုပ်ရှင်ပွဲတွင် ပြသရန် လျှင်မြန်စွာ တားဆီး ခဲ့ပြီး စစ်တပ်မှ ညှဉ်းပန်းနှိပ်စက်မှုများ ကျူးလွန်သည့် အကြောင်း ရေး သားဖော်ပြထားသော အစီရင်ခံစာနှင့် ပတ်သက်ပြီး အရပ်ဖက် လူမှု့ အဖွဲ့အစည်း၏ သတင်းစာရှင်းလင်းပွဲအခမ်းအနားကို တားဆီးပိတ်ပင် ခဲ့သည်။ ထို့ပြင် သတင်းစာဆရာများသည် ယခင်က သတင်းယူခွင့် ရရှိခဲ့သော လွှတ်တော်ကိုယ်စားလှယ်များထံမှ သတင်းယူခွင့် ပိတ်ပင် တားမြစ်ခြင်း ခံခဲ့ရပြီး ဒေါ်အောင်ဆန်း စုကြည်၏ ၇၁ နှစ်မြောက် မွေးနေ့အခမ်းအနားကျင်းပရာသို့ ဝင်ရောက်ရန် ငြင်းပယ်ခြင်း ခံခဲ့ရ သည်။

တိုင်းရင်းသားလက်နက်ကိုင် အဖွဲ့များနှင့် တရားဝင် အသိအမှတ်ပြု ထားခြင်းမခံရသော အဖွဲ့အစည်းများတွင် ပါဝင်သည်ဟု စွပ်စွဲခံရသော အရပ်သားများကို ဖမ်းဆီးရန်၊ ထိန်းသိမ်းရန်နှင့် ပြစ်ဒဏ်ချမှတ်ရန်အ တွက် မတရားအသင်းအက်ဥပဒေကို လက်နက်သဖွယ် ဆက်လက် အသုံးပြုလျက်ရှိသည်။ ရက္ခိုင့်တပ်မတော် နှင့် ဆက်သွယ်သည်ဟု စွပ်စွဲခံရခြင်းအတွက် မေလတွင်းတွင် တရားစွဲ ဆိုခံခဲ့ရသော ရခိုင်လူငယ် ၁၃ ဦးသည် မတရားအသင်းအက်ဥပဒေ၁၇(၁)ဖြင့် အလုပ်ကြမ်းနှင့် ထောင်ဒဏ် သုံးနှစ် ချမှတ်ခံခဲ့ရသည်။ ယခုလတွင် ထိုဥပဒေဖြင့် နောက်ထပ် အရပ်သား ၁၃ ဦး တရားစွဲဆိုခံခဲ့ရပြီး ရက္ခိုင့်တပ်မ တော်(AA)၊ တအာင်းအမျိုးသား လွတ်မြောက်ရေး တပ်မတော်(TNLA)၊ ရှမ်း ပြည်နယ်တပ်မတော်(SSA)တို့နှင့် ဆက်သွယ်သည်ဟု စွပ်စွဲခံထားရသော အရပ်သားတစ်ရာကျော် ဖမ်းဆီးခံခဲ့ရသည်။ နယ်ခြားစောင့်ရဲတပ်ဖွဲ့(BGP) နှင့် ရက္ခိုင့်တပ်မတော် (AA) တို့ကြား တိုက်ပွဲများ ဖြစ်ပွားပြီးနောက် ရခိုင်ပြည် နယ်၊ ဘူးသီးတောင်မြို့နယ်၌ အမည်မသိ လက်နက်ကိုင်အဖွဲ့မှ အမျိုးသား နှစ်ဦးအား ဖမ်းဆီးခဲ့သည်။ ယခုလနှောင်းပိုင်းတွင် နယ်ခြားစောင့်ရဲတပ်ဖွဲ့ (BGP) ၏ ကင်းလှည့်အဖွဲ့မှ မည်သည့်အကြောင်းပြချက်မျှမရှိပဲ ငါးဖမ်းသမားသုံးဦး အား ပြင်းထန်စွာရိုက်နှက်ခဲ့၍ ငါးဖမ်းသမားတစ်ဦးသည် ရရှိသော ဒဏ်ရာ များကြောင့် သေဆုံးသွားခဲ့သည်။ ရှမ်းပြည်နယ်တွင် အမျိုးမျိုးသော လက်နက် ကိုင်အဖွဲ့များကြားတွင် နေထိုင်လျှက်ရှိသော ဒေသခံရွာသားများအား ပြင်းထန်စွာ လူ့အခွင့်အရေးချိုးဖောက်မှုများ ကျူးလွန်နေသည်ဟု စစ်တပ်အား စွပ်စွဲထားသည်။ ထိုထဲတွင် ရှမ်းပြည်နယ်တိုးတက်ရေး ပါတီ/ရှမ်းပြည်နယ် တပ်မတော် (မြောက်ပိုင်း) (SSPP/SSA-North) အတွက် သတင်းအချက် အလက်များ ကောက်ယူပေးနေသည်ဟု စွပ်စွဲခံရကာ ဖမ်းဆီးခြင်းခံခဲ့ရသော သိန္နီမြို့နယ် မှ ရွာသား ရှစ်ဦး၊ လားရှိုးမြို့နယ်တွင် ရွာသားခုနှစ်ဦး အသတ်ခံရခြင်းနှင့် ဒေသခံရွာသားသုံးဦးထက်ပို၍ ထိခိုက်ဒဏ်ရာရရှိခဲ့ခြင်းတို့ ပါဝင်သည်။

ရှမ်းပြည်နယ်တွင် ပြိုင်ဘက် လက်နက်ကိုင်တပ်ဖွဲ့များ၏ လှုပ်ရှားမှုများကြောင့် အပြစ်မဲ့အရပ်သားများသည် ဓားစာခံများအဖြစ် ဆက်လက်ရှိနေသည်။ ရှမ်း ပြည်နယ်ပြန်လည်ထူထောင်ရေးကောင်စီ/ရှမ်းပြည်နယ်တပ်မတော် (တောင် ပိုင်း) (RCSS/SSA-South) နှင့် TNLA တို့ကြား တိုက်ပွဲများ ပြန်လည်ဖြစ် ပွားနေခြင်းကြောင့် အရပ်သားများ မတရားဖမ်းဆီး၊ ထိန်းသိမ်းခံ နေရသည်။ မိုင်းတုံမြို့နယ်မှ အရပ်သား ၄ဝ ဦးအား ရှမ်းပြည်နယ်တပ်မတော် (တောင်ပိုင်း) SSA-South မှ ဖမ်းဆီးခဲ့ပြီး နမ့်ခမ်းမှလားရှိုးသို့ သွားသော ကားလမ်းမတွင် ရှမ်းအရပ်သား ခုနှစ်ဦးသည် ပျောက်ဆုံးသွားခဲ့သည်။ ကွတ်ခိုင်မြို့နယ်၌ အငြင်းပွားဖွယ်လယ်ယာမြေကိစ္စနှင့် ပတ်သက်ပြီး ပလောင် (တအာင်း) တောင်သူ ၄၈ ဦးအား ကချင်လွတ်မြောက်ရေးတပ်မတော် (KIA) မှ ဖမ်းဆီး ခဲ့ပြီး နောက်တစ်နေ့တွင် ပြန်လည်လွှတ်ပေးခဲ့သည်။ သို့သော် လည်း ၎င်းတို့ ထိုမြေများတွင် ပြန်လည်ထွန်ယက်ပါက ပစ်သတ်ခံရမည်ဟု ခြိမ်းခြောက်ခြင်း ခံခဲ့ရသည်။
ဆက်သွယ်မေးမြန်းရန်
နိုင်ငံရေးအကျဉ်းသားများကူညီစောင့်ရှောက်ရေးအသင်း
တိတ်နိုင် အတွင်းရေးမှူး +၆၆(၀)၈၁၂၈၇၈ ၇၅၁
ဘိုကြည် တွဲဘက်အတွင်းရေးမှူး +၉၅(၀)၉၄၂၅၃ဝ ၈၈၄၀

June Chronology (Burmese))ဇွန်လအတွက် နိုင်ငံရေးအကျဉ်းသားအခြေအနေပြလစဉ်အစီရင်ခံစာ ဒေါင်းလော့ရယူရန်

86 remainging PP list Updated on 13 July 16(1) လက်ကျန်နိုင်ငံရေးအကျဉ်းသားစာရင်း

143 Facing trail updated on13 July 16 အမှုရင်ဆိုင်ဆဲ နိုင်ငံရေးအကျဉ်းသားများစာရင်း

55 (farmers Unknown name) Facing trail updated on 13 Jul 16 အမှုရင်ဆိုင်ရဆဲ (အမည်စုံစမ်းဆဲ) စာရင်း