အေအေပီပီမှ မေလအတွက် နိုင်ငံရေးအကျဉ်းသားအခြေအနေပြ လစဉ်အစီရင်ခံစာနှင့် လက်ကျန်နိုင်ငံရေးအကျဉ်းသားများစာရင်း

cover of burmese

လက်ရှိအခြေအနေ အကျဉ်းချုပ်
၂၀၁၆ ခုနှစ်၊ မေလကုန်တွင် မြန်မာနိုင်ငံ အကျဉ်းထောင်များအတွင်း နိုင်ငံရေးအကျဉ်းသား စုစုပေါင်း ၆ရ ဦး အကျဉ်းကျခံနေရသည်။ တက်ကြွလှုပ်ရှားသူ ၁၈၉ ဦးသည် နိုင်ငံရေး လှုပ်ရှားမှုများကြောင့် လက်ရှိအချိန်တွင် တရားရင်ဆိုင်နေရပြီး ထိုထဲမှ ၄ရ ဦးသည် ထောင်တွင်းမှနေ၍ တရားရင်ဆိုင်နေရသည်။
တစ်လအတွင်း သုံးသပ်ချက်
၂၀၁၆ ခုနှစ်၊ မေလတွင် အလုပ်သမားအခွင့်အရေးလှုပ်ရှားသူ ၇၁ ဦး အပါအဝင် နိုင်ငံရေး တက်ကြွလှုပ်ရှားသူစုစုပေါင်း ၉ဝ ဦး ဖမ်းဆီးခံခဲ့ရ သည်။ တက်ကြွလှုပ်ရှားသူ ၉ ဦး ပြစ်ဒဏ်ချမှတ် ခံခဲ့ရပြီး နိုင်ငံရေးအ ကျဉ်းသား ၇ရ ဦး ပြန်လည် လွတ်မြောက် လာခဲ့သည်။ ထို ၇ရ ဦးထဲ မှ ၅၆ ဦးသည် အလုပ်သမားအခွင့်အရေး လှုပ်ရှားသူများဖြစ်သည်။ ယခုလတွင် နိုင်ငံရေးအကျဉ်းသား သုံးဦးမှာ ကျန်းမာရေး ဆိုးရွားလျက် ရှိကြောင်း သိရှိရပြီး တက်ကြွလှုပ်ရှားသူ စုစုပေါင်း ၅၁ ဦးသည် တရားစွဲ ဆိုခံခဲ့ရသည်။ တရားရင်ဆိုင်နေရသူများထဲမှ လယ်သမား ၃ရ ဦး၏ အသေးစိပ် အချက်အလက်များ အား AAPP မှဆက်လက် စုံစမ်းနေ ဆဲဖြစ်သည်။
ယခုလတွင် အာဏာပိုင်များသည် တက်ကြွလှုပ်ရှားသူများကို ဥပဒေ ကြောင်းအရ အရေးယူခြင်းဖြင့် ဆက်လက် ခြိမ်းခြောက်လျက်ရှိပြီး ငြိမ်းချမ်းစွာ စုဝေးခွင့်ကို ကျင့်သုံးခြင်းမှ ဟန့်တားရန် ဖိနှိပ်ထားသော ဥပဒေများဖြင့် တက်ကြွလှုပ်ရှားသူများကို ဆက်လက် ထိန်းသိမ်း ထားလျက်ရှိသည်။ နေပြည်တော်သို့ ချီတက်မည့် အလုပ်သမားသပိတ် အား အဆုံးသတ်ရန် အာဏာပိုင်များ၏ ညွှန်ကြားချက်အား ငြင်းဆန်ပြီး နောက် မေလ ၁၈ ရက်နေ့တွင် အလုပ်သမား အခွင့်အရေးများ ရရှိရန် တောင်းဆိုနေသော စစ်ကိုင်းတိုင်း ဒေသကြီးမှ အလုပ်သမား ၇၁ ဦး ဖမ်းဆီးခံခဲ့ရပြီး ၅၁ ဦး ထိန်းသိမ်းခံခဲ့ရသည်။ အလုပ်သမား ၃၆ ဦးပြန်လည် လွတ်မြောက်လာခဲ့သော်လည်း ၁၅ ဦးသည် ဆက်လက် ထိန်းသိမ်းခံထားရဆဲဖြစ်ပြီး ရာဇသတ်ကြီးပုဒ်မ ၁၄၃၊ ၁၄၅၊ ၁၄၇၊ ၅၀၅/ခ တို့ဖြင့် တရားစွဲဆိုခံခဲ့ရသည်။

ယခုလက်ရှိတွင် လွှတ်တော်မှ ငြိမ်းချမ်းစွာ စီတန်းလှည့်လည်ခွင့်နှင့် စုဝေးခွင့်ဥပဒေအား ပြန်လည် သုံးသပ်လျက်ရှိသော်လည်း၊ ယခုလတွင် တက်ကြွ လှုပ်ရှားသူများကို ဟန့်တားရန် ထိုဥပဒေကို ဆက်လက် အသုံးပြုခဲ့သည်။ မေလ ၁၄ ရက်နေ့တွင် ရန်ကုန်မြို့၌ ဘာသာပေါင်းစုံ ချစ်ကြည်ရေး လမ်းလျှောက်ချီတက်ရာတွင် ပါဝင်ခဲ့သော ကျောင်းသား များသည် ငြိမ်း၊စု၊စီပုဒ်မ ၁၉ ဖြင့် အမှုဖွင့်အရေးယူခြင်း ခံခဲ့ရသည်။ ၎င်းတို့သည် တာမွေမြို့နယ်မှ မဟာဗန္ဓုလပန်းခြံအထိ ချီတက်ရန် ခွင့်ပြုချက် လျှောက်ထားခဲ့သော်လည်း ဗိုလ်စိန်မှန်ကွင်းတွင်သာ စုဝေး ရန် ခွင့်ပြုခြင်းခံခဲ့ရသည်။ ထို့ကြောင့် ၎င်းတို့သည် ခွင့်ပြုထားသည့် နေရာ၌ လမ်းလျှောက်ချီတက်ရန် ငြင်းဆန်ခဲ့ပြီး ဘာသာရေးအဆောက် အအုံများကို ဖြတ်သန်းကာ ချီတက်မည့် လမ်းကြောင်းကို ရွေးချယ်ခဲ့ကြ သည်။

ထို့ပြင် တစ်ကိုယ်တော် ဆန္ဒပြသူ ကိုနေလင်းစိုး ခေါ် ကိုဖိုးစနေ၊ ၎င်းကို ဝန်းရံသူ ကိုကျော်ဇင် ၊ မေလ ၄ ရက်နေ့မှ စတင်ကာ လက်ပံတောင်း တောင် ကြေးနီစီမံကိန်းကို ဆန္ဒပြခဲ့သော ဆန္ဒပြခေါင်းဆောင် နှစ်ဦးဖြစ် သည့် မစန္ဒာနှင့် မမာချို့တို့အပါအဝင် များပြားလှသော လက်ပံတောင်း တောင် ကြေးနီစီမံ ကိန်းကို ဆန့်ကျင်ဆန္ဒပြသူများသည် ငြိမ်း၊စု၊စီပုဒ်မ ၁၈ ဖြင့် တရားစွဲဆိုခံရမည်ဖြစ်သည်။

အစိုးရသစ်လက်ထက်တွင်လည်း ဆက်သွယ်ရေးဥပဒေကို ဆက်လက် အသုံးပြုလျက်ရှိသည်။ သမ္မတဟောင်း ဦးသိန်းစိန်အား အသရေဖျက် သော ကဗျာရေးသား ခဲ့ခြင်းအတွက် ကဗျာဆရာ မောင်ဆောင်းခသည် မေလ ၂၄ ရက်နေ့၊ ရုံးချိန်းတွင် ဆက်သွယ်ရေးဥပဒေ ၆၆/ဃ ဖြင့် ထောင်ဒဏ် ခြောက်လ ချမှတ်ခံခဲသည်။ သူသည် ထောင်တွင်းမှနေ၍ ခြောက်လကျော်ကြာ တရားရင်ဆိုင်ခဲ့သောကြောင့် ထိုနေ့တွင်ပင် ပြန်လည် လွတ်မြောက်လာခဲ့သည်။ လူမှုရေးနှင့် နိုင်ငံရေးတက်ကြွလှုပ် ရှားသူတစ်ဦးဖြစ်သူ ကိုရာပြည့် ခေါ် ကိုမျိုးသူဝင်းသည် ဦးနေမျိုးဝေ၏ လူမှုကွန်ရက်စာမျက်နှာအား အတုပြုလုပ်၍ ကာကွယ်ရေးဦးစီးချုပ်ကို အသရေဖျက်သည်ဟု စွပ်စွဲခံခဲ့ရပြီး မေလ ၂၂ ရက်နေ့တွင် ဖမ်းဆီးခံခဲ့ရ ကာ ပုဒ်မ ၆၆/ဃ ဖြင့်ပင် တရားစွဲဆိုခံရမည်ဖြစ်သည်။

ယခုလတွင် စစ်တပ်မှ အမျိုးမျိုးသော လူ့အခွင့်အရေးချိုးဖောက်မှုများနှင့် ညှဉ်းပန်းနှိပ်စက်မှုများကို ကျူးလွန်ခဲ့သည်။ ကျောက်မဲမြို့နယ်တွင်း ရှမ်းပြည်နယ် တိုးတက်ရေးပါတီ/ရှမ်းပြည် တပ်မတော် (မြောက်ပိုင်း) ကို ထိုးစစ်ဆင် တိုက်ခိုက်နေစဉ်အတောအတွင်း စစ်တပ်မှ ပြင်းထန်ဆိုးရွား သော လူ့အခွင့်အရေး ချိုးဖောက်မှုများကို ကျူးလွန်လျက်ရှိသည်ဟု စွပ်စွဲ ခံထားရသည်။ ထိုတိုက်ပွဲများတွင်း အမျိုးသမီးများအပါအဝင် ရွာသား ၄၃ ဦးသည် လူသားဒိုင်း များအဖြစ် အသုံးပြုခြင်းခံခဲ့ရပြီး အနည်းဆုံး ရွာသား ငါးဦးသည် ပြင်းထန်စွာ ညှဉ်းပန်းနှိပ်စက်ခြင်းကို ခံခဲ့ရသည်။ ထို့ပြင် အနည်းဆုံး အရပ်သား သုံးဦး သည် ဥပဒေမဲ့စွာ သတ်ဖြတ်ခြင်း ခံခဲ့ရပြီး တစ်ခြား ရုပ်အလောင်း ငါးခုကိုလည်း မည်သူမည်ဝါများဖြစ် ကြောင်း အတည်မပြုနိုင်သေးပါ။ မေလ ၂၃ ရက်နေ့တွင် ကချင်ပြည်နယ် ဝိုင်းမော်မြို့နယ်မှ ရွာသားနှစ်ဦးဖြစ်သော ကိုဇော်အောင်းနှင့် ကိုနော်စန် တို့ကို ကချင်လွတ်မြောက်ရေး တပ်မတော်၏ အဖွဲ့ဝင်များဖြစ်သည်ဟူ သော သံသယဖြင့် စစ်တပ်မှ ဖမ်းဆီး ထိန်းသိမ်းခဲ့ကာ ညှဉ်းပန်း နှိပ်စက်ခဲ့ သည်။

လစဉ်အစီရင်ခံစာ ဒေါင်းလော့ရယူရန် May Choronology 2016 (Burmese)

လက်ကျန်နိုင်ငံရေးအကျဉ်းသားစာရင်း ဒေါင်းလော့ရယူရန် 82 remainging PP list Updated on 21 June 16

လက်ကျန်အမှုရင်ဆိုင်နေရဆဲစာရင်း ဒေါင်းလော့ရယူရန် 140 Facing trail updated on 21 June 16

အမှုရင်ဆိုင်ဆဲ လယ်သမားများ နာမည်စာရင်းစုံစမ်းဆဲ ဒေါင်းလော့ရယူရန် 37 (farmers Unknow name) Facing trail updated on 21 June 16