အေအေပီပီမှ ဧပြီလအတွက် နိုင်ငံရေးအကျဉ်းသားများအခြေအနေပြ လစဉ်အစီရင်ခံစာ နှင့် နိုင်ငံရေးအကျဉ်းသားမာျးစာရင်း

လက်ရှိအခြေအနေ အကျဉ်းချုပ်

၂၀၁၆ ခုနှစ်၊ ဧပြီလကုန်တွင် မြန်မာနိုင်ငံ အကျဉ်းထောင်များအ တွင်း နိုင်ငံရေးအကျဉ်းသား စုစုပေါင်း ၆၄ ဦး အကျဉ်းကျခံနေရ သည်။ လယ်သမား ၃ဝ ဦး အပါအဝင် နိုင်ငံရေး တက်ကြွလှုပ်ရှားသူ ၁၃၈ ဦးသည် နိုင်ငံရေး လှုပ်ရှားမှုများကြောင့် လက်ရှိအချိန်တွင် တရားရင်ဆိုင်နေရပြီး ထိုထဲမှ ၄၃ ဦးသည် ထောင်တွင်းမှနေ၍ အမှုရင်ဆိုင်နေရသည်။

တစ်လအတွင်း သုံးသပ်ချက်
၂၀၁၆ ခုနှစ်၊ ဧပြီလတွင် နိုင်ငံရေးတက်ကြွလှုပ်ရှားသူ ၂၃၅ ဦးသည် သမ္မတ၏ လွတ်ငြိမ်းသက်သာခွင့်ဖြင့် ပြန်လည်လွတ်မြောက်လာခဲ့ သည်။ တက်ကြွလှုပ်ရှားသူ နှစ်ဦး ဖမ်းဆီးခံခဲ့ရပြီး ၁၆ ဦး ပြစ်ဒဏ်ချမှတ် ခံခဲ့ရသည်။ နိုင်ငံရေး အကျဉ်းသား သုံးဦးမှာ ကျန်းမာရေး ဆိုးရွားလျက် ရှိကြောင်း သိရှိရပါသည်။ ယခုလတွင် တက်ကြွလှုပ်ရှားသူ ၂၅ ဦး တရားစွဲဆိုခံခဲ့ရပြီး ထိုထဲမှ ၁၂ ဦးသည်  လယ်သမားများဖြစ်သည်။

ဧပြီလ ၁ ရက်နေ့တွင် သမ္မတ ဦးထင်ကျော် ဦးဆောင်သည့် NLD အစိုးရသစ်သည် စတင်တာဝန်ထမ်းဆောင်ခဲ့သည်။ ဧပြီလ ၆ ရက်နေ့ တွင် အစိုးရသစ်မှ နိုင်ငံတော်၏ အတိုင်ပင်ခံပုဂ္ဂိုလ်အခန်းကဏ္ဍကို ဖွဲ့စည်းခဲ့ပြီး ဒေါ်အောင်ဆန်းစုကြည်ကို နိုင်ငံတော်၏ အတိုင်ပင်ခံ ပုဂ္ဂိုလ်အဖြစ်ခန့် အပ်ခဲ့သည်။ ဧပြီလ ရ ရက်နေ့တွင် နိုင်ငံတော် အတိုင်ပင်ခံပုဂ္ဂိုလ်၏ ပထမဆုံး ကြေငြာချက်ကို ထုတ်ပြန်ခဲ့ပြီး နိုင်ငံရေးလှုပ်ရှားမှုများကြောင့် အမှုရင်ဆိုင်နေရသော နိုင်ငံရေး အကျဉ်း သားများ၊ နိုင်ငံရေး တက်ကြွလှုပ်ရှားသူများ၊ ကျောင်းသားများနှင့် ဝန်းရံသူများ လွှတ်ပေးရေးသည်  အစိုးရ၏ ပထမ ဦးစားပေး လုပ်ငန်း စဉ်ဖြစ်ကြောင်း ထုတ်ပြန်ကြေငြာခဲ့သည်။ ထိုကြေငြာချက်ထုတ်ပြန်ပြီး နောက် နိုင်ငံရေးအကျဉ်းသားများ လွတ်မြောက် လာခဲ့သည်။

ဧပြီလ ၈ ရက်နေ့တွင် အစိုးရသည် ရာဇဝတ်မှုဆိုင်ရာ ကျင့်ထုံးဥပဒေ ၄၉၄ ဖြင့် နိုင်ငံရေးအကျဉ်းသား ၁၉၉ ဦးအား စွဲဆိုထားသော စွဲ ချက်များကို ရုပ်သိမ်းခဲ့သည်။ သို့သော်လည်း AAPP မှ ထိုလွတ်မြောက် လာသူများထဲမှ ၁၁၅ ဦးကိုသာ အတည်ပြုနိုင်ခဲ့သည်။ ထိုလွတ်မြောက် လာသူ ၁၁၅ ဦးသည် အမျိုးသားပညာရေး ဥပဒေကြမ်းအား ဆန့်ကျင်ဆန္ဒပြခြင်း၊ အလုပ်သမားအခွင့်အရေးအတွက် ဆန္ဒပြခြင်း နှင့် ၂၅ ရာခိုင်နှုန်း တပ်မတော်သားလွှတ်တော်ကိုယ်စားလှယ်များ လွှတ် တော်တွင်းမှ နှုတ်ထွက်ပေးရေး ဆန္ဒပြခြင်း အပါအဝင် အမျိုးမျိုးသော ဆန္ဒပြမှုများအတွက် အမှုရင်ဆိုင်နေရသူများဖြစ်ပြီး ပြစ်ဒဏ်ချမှတ် ခံရခြင်းမရှိသေးပါ။ ဧပြီလ ၁ရ ရက်နေ့တွင် သမ္မတမှ ရာဇဝတ်မှု ဆိုင်ရာကျင့်ထုံးဥပဒေ ၄၀၁(၁)ဖြင့် နိုင်ငံရေးအကျဉ်းသား ၈၃ ဦးကို လွတ်ငြိမ်းသက်သာခွင့်ပေးခဲ့ကြောင်း ကြေငြာခဲ့သည်။ AAPP မှ ထိုလွတ်မြောက်လာသူများထဲမှ ၇ဝ ဦးကိုသာ အတည်ပြုနိုင်ခဲ့သည်။ ဧပြီလမကုုန်မီတွင် ရာဇဝတ်မှုဆိုင်ရာ ကျင့်ထုံးဥပဒေ ၄၉၄ ဖြင့် နောက်ထပ်နိုင်ငံရေးလှုပ်ရှားသူ ၄၈ ဦး၏ အမှုများကို ရုပ်သိမ်းခဲ့သည်။

ယခုလတွင် လွတ်ငြိမ်းသက်သာခွင့်များ ပေးခဲ့သော်လည်း နိုင်ငံတွင်းရှိ တရားရုံးများသည် မတရားအသင်းအက်ဥပဒေပုဒ်မ ၁ရ ဖြင့် ပြစ် ဒဏ်များကို ဆက်လက်ချမှတ်ခဲ့သည်။ ရက္ခိုင့်တပ်မတော် (AA) နှင့် ဆက်သွယ်သည်ဟု စွပ်စွဲခံရခြင်းအတွက် ရခိုင်လူငယ် ၁၃ ဦးသည် ယခုလတွင် ပြစ်ဒဏ်ချမှတ်ခံခဲ့ရသည်။ သို့သော်လည်း ထိုထဲမှ သုံးဦး သည် သမ္မတ၏ လွတ်ငြိမ်းသက်သာခွင့်ဖြင့် ဧပြီလ ၁ရ ရက်နေ့တွင် လွတ်မြောက်လာခဲ့သည်။ ၎င်းတို့သည် ထောင်ဒဏ် သုံးနှစ်မှ ငါးနှစ် အထိ ချမှတ်ခံခဲ့ရသူများဖြစ်သည်။

ထောင်ဒဏ် နှစ်နှစ် ချမှတ်ခံထားရသော ဘာသာပေါင်းစုံချစ်ကြည်ရေး လှုပ်ရှားသူများဖြစ်ကြသည့် ကိုဇော်ဇော်လတ်နှင့် မပွင့်ဖြူလတ် တို့ သည်လည်း ယခုလတွင် ထောင်ဒဏ်နှစ်နှစ် ထပ်တိုးပြစ်ဒဏ် ချမှတ်ခံခဲ့ရသည်။

နိုင်ငံတကာ အသိုင်းအဝိုင်းများ၏ မျှော်လင့်ချက်များကို ဆန့်ကျင်၍  ၂၀၀ရ ရွှေဝါရောင်တော်လှန်ရေး၏ ဦးဆောင်သူတစ်ဦးဖြစ်ခဲ့သူ ဦး ညီညီလွင် ခေါ် ဦးဂမ္ဘီရကို အလုပ်ကြမ်းနှင့်ထောင်ဒဏ်ခြောက်လ ချမှတ် ခဲ့သည်။ သူသည် ယခင်ထောင်ဒဏ်ကျခံခဲ့ရစဉ်က စစ်အစိုးရ၏ ညှဉ်းပမ်း နှိပ်စက်မှုကို ခံခဲ့ရ၍ စိတ်ဝေဒနာခံစားနေရသောကြောင့် ဆေးကုသမှုခံယူ ရန် ထိုင်းနိုင်ငံသို့ တရားမဝင် နယ်စပ်ဖြတ်ကျော် ဝင်ရောက်ခဲ့ခြင်းအ တွက် လူဝင်မှုကြီးကြပ် ရေးဥပဒေပုဒ်မ ၁၃(၁) ဖြင့် တရားစွဲဆိုခံခဲ့ရသည်။ နိုင်ငံတကာ လွတ်ငြိမ်းချမ်းသာခွင့်အဖွဲ့နှင့် လူ့အခွင့်အရေးစောင့်ကြည့် ရေးအဖွဲ့ကဲ့သို့သော လူ့အခွင့်အရေးအဖွဲ့အစည်းများမှ ထိုပြစ်ဒဏ် ချမှတ်မှုအား နိုင်ငံရေးဆိုင်ရာ အကြောင်းရင်းခံကြောင့်ဟု ခေါင်းစဉ်တပ် ခေါ်ဆိုခဲ့သည်။

ဆက်သွယ်မေးမြန်းရန်
နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)
တိတ်နိုင်       အတွင်းရေးမှူး   +၆၆ (၀)  ၈၁ ၂၈၇၈ ၇၅၁
ဘိုကြည် တွဲဘက်အတွင်းရေးမှူး  +၉၅ (၀)  ၉၄၂၅၃ ဝ၈၈၄၀

လစဉ်အစီရင်ခံစာ ဒေါင်းလော့ရယူရန် April Chronology (3)

လက်ကျန်နိုင်ငံရေးအကျဉ်းသားစာရင်း 64 remainging PP list Updated on 22 May 16

အမှုရင်ဆိုင်နေရသော နိုင်ငံရေးအကျဉ်းသားစာရင်း 145 + 29 (farmers) Facing trail updated on 23 May 16

ဧပြီလအတွင်း နိုင်ငံရေးအကျဉ်းသားများ လွတ်မြောက်လာသူများ စာရင်း April released list 2016