၂၀၁၆ ဇန်နဝါရီလ နိုင်ငံရေးအကျဉ်းသားအခြေအနေပြလစဉ်အစီရင်ခံစာနှင့် နိုင်ငံရေးအကျဉ်းသားများစာရင်းထုတ်ပြန်

လက်ရှိအခြေအနေ အကျဉ်းချုပ်
၂၀၁၆ ခုနှစ်၊ ဇန္နဝါရီလကုန်တွင် မြန်မာနိုင်ငံ အကျဉ်းထောင်များ အတွင်း နိုင်ငံရေးအကျဉ်းသား စုစုပေါင်း ၈၆ ဦး အကျဉ်းကျခံနေရပြီး နိုင်ငံရေး တက်ကြွလှုပ်ရှားသူ ၃၉၉ ဦးတို့ို့သည် နိုင်ငံရေး လှုပ်ရှားမှု များကြောင့် လက်ရှိအချိန်တွင် တရားရင်ဆိုင်နေရပါသည်။
တစ်လအတွင်း သုံးသပ်ချက်
၂၀၁၆ ခုနှစ်၊ ဇန္နဝါရီလတွင် နိုင်ငံရေးတက်ကြွလှုပ်ရှားသူ စုစုပေါင်း ရ ဦး ဖမ်းဆီးခံခဲ့ရသည်။ တက်ကြွလှုပ်ရှားသူ ၁၂ ဦး ပြစ်ဒဏ်ချမှတ်ခံခဲ့ ရပြီး နိုင်ငံရေး အကျဉ်းသား ၆၉ ဦး ပြန်လည် လွတ်မြောက်လာခဲ့ပါ သည်။ နိုင်ငံရေး အကျဉ်းသား ၁၉ ဦးမှာ ကျန်းမာရေး ဆိုးဝါးလျက်ရှိ ကြောင်း သိရှိရပါသည်။

လူ့အခွင့်အရေးအဖွဲ့အစည်းများ၊ နိုင်ငံတကာ အစိုးရများထံမှ ဖိအား များရရှိခဲ့ပြီးနောက် နိုင်ငံတော်သမ္မတရုံးသည် သမ္မတ၏ လွတ်ငြိမ်းချမ်း သာခွင့် တစ်စိတ်တစ်ပိုင်းအနေဖြင့် ဇန္နဝါရီလ ၂၂ ရက်နေ့တွင် နိုင်ငံ ရေး အကျဉ်းသား ၅၂ ဦးကို လွှတ်ပေးရန် ဆုံးဖြတ်ခဲ့သည်။

လွတ်ငြိမ်းချမ်းသာခွင့်ဖြင့် ထိုနိုင်ငံရေးအကျဉ်းသားများလွတ်မြောက်ခဲ့ သော်လည်း ယခုလတွင် နိုင်ငံရေး လှုပ်ရှားမှုများကြောင့် တက်ကြွလှုပ် ရှားသူ အများအပြားသည် ဖမ်းဆီး၊ ပြစ်ဒဏ် ချမှတ်ခံခဲ့ရသည်။ နိုင်ငံရေး လှုပ်ရှားသူများ (အထူးသဖြင့် လွန်ခဲ့သောလများစွာက ဆန္ဒပြမှုများ အတွက် လက်ပံ တန်းကျောင်းသားများ) သည် အမှုဖွင့်ခံခဲ့ရပြီး ထပ်မံ တရားစွဲဆိုခံခဲ့ရသည်။ ဇန္နဝါရီလ ၂၂ ရက်နေ့တွင် သမ္မတ၏ လွတ်ငြိမ်း ချမ်းသာခွင့်ဖြင့် နိုင်ငံရေး အကျဉ်းသားတစ်ချို့ လွတ်မြောက်ခဲ့သော် လည်း နိုင်ငံရေး လှုပ်ရှားသူ ၃၂ ဦးမှာ စွဲချက်အသစ်များဖြင့် ဇန္နဝါရီလ ၂၂ ရက်နေ့မှ ၃၁ ရက်နေ့တွင်း အမှုဖွင့်၊ တရားစွဲဆိုခြင် ခံခဲ့ရသည်။ ထိုသူများထဲမှ အများ စုသည် ငြိမ်းချမ်းစွာ စုဝေး ခွင့်နှင့် ငြိမ်းချမ်းစွာ စီတန်းလှည့်လည်ခွင့် ပုဒ်မ ၁၈ ဖြင့် တရားစွဲဆို ခံရခြင်းဖြစ်သည်။

အမျိုးသား ပညာရေး ဥပဒေဆန္ဒပြပွဲတွင် ပါဝင်ခဲ့သော ကျောင်းသားများ နှင့် ဝန်းရံသူများ လွတ်မြောက်ရန် ၂၀၁၅ ခုနှစ်၊ မတ်လတွင် တောင်းဆို ဆန္ဒပြခဲ့ခြင်းအတွက် ကိုရဲရင့်ပိုင်မှူး၊ ကိုရှိုင်းမင်းထက်ဇော်နှင့် ကိုကောင်းဇော်ဟိန်းတို့ကို ပုဒ်မ ၁၈ ဖြင့် စွဲချက်တင်ကြောင်း ဇန္နဝါရီလ ၂၆ ရက်နေ့တွင် ချမ်းအေးသာစံတရားရုံးမှ ဆုံးဖြတ်ခဲ့သည်။ အစိုးရကို ဆန့်ကျင်သော စာများရေးသားခဲ့ခြင်းအတွက် ကိုရဲရင့်ပိုင်မှူးသည် ယခုလတွင် ထောင်ဒဏ် ခြောက်လ ချမှတ်ခြင်းကိုခံခဲ့ရသည်။ ၂၀၁၄ ခုနှစ်၊ ဩဂုတ်လတွင် ကျောင်းသား ဆယ်ဦးသည် အမျိုးသား ပညာရေး ဥပဒေကို ဆန့်ကျင် ဆန္ဒပြခြင်းအတွက် ပုဒ်မ ၁၈ ဖြင့် အမှုဖွင့်ခံရ ကြောင်း ဇန္နဝါရီလ ၂၆ ရက်နေ့တွင် အကြောင်းကြားခြင်းခံခဲ့ရသည်။ ထောင်ဒဏ်ချမှတ်ခံထားရသော တက်ကြွလှုပ်ရှားသူများဖြစ်သည့် ဒေါ်နော်အုန်းလှနှင့် ကိုတင်ထွဋ်ပိုင်တို့သည် ၂၀၁၄ ခုနှစ်၊ ဩဂုတ်လ ၈ ရက်နေ့တွင် ကျရောက်သော ၁၉၈၈ အရေးအခင်း၊ ၂၆ နှစ်ပြည့် နှစ်ပတ်လည်နေ့တွင် ချီတက်ဆန္ဒပြခဲ့ခြင်းအတွက် ပုဒ်မ ၁၈ စွဲချက်များ ဖြင့်ပင် ယခုလတွင် တရားစွဲဆိုခံခဲ့ရသည်။

ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့် ပုဒ်မ ၁၈ ကို အသုံးပြု၍ ထောင်ဒဏ်ချမှတ်ခံထားရသူများကို အကျဉ်းကျကာလ ကြာ ရှည်စေရန်အတွက် ပြုလုပ်ထားခဲ့သည်။ ထို့အပြင် လူမှုစာမျက်နှာတွင် စစ်တပ်ကို အသရေဖျက်ခြင်း အတွက် ဆက်သွယ်ရေးဥပဒေ ၆၆/ဃ ဖြင့် ပြစ်ဒဏ်ချမှတ်ခြင်း နှစ်ကြိမ်ပြုလုပ်ခဲ့သည်။ အာမခံရရှိရန် အကြိမ် များစွာ ကြိုးစားမှု ငြင်းပယ်ခံရပြီး ကျန်းမာရေး ဆိုးရွားလျက်ရှိသော်ငြား လည်း ကချင်ငြိမ်းချမ်းရေး လှုပ်ရှားသူ ပက်ထရစ်ကွမ်ဂျာလီသည် လူမှု စာမျက်နှာတွင် စစ်တပ်ကို အသရေဖျက်ခြင်းအတွက် ဆက်သွယ်ရေး ဥပဒေ ၆၆/ဃ ဖြင့် ထောင်ဒဏ်ခြောက်လ ချမှတ်ခံခဲ့ရသည်။ စီးပွားရေး လုပ်ငန်းရှင် တစ်ဦးဖြစ်သူ ဦးဇော်မျိုးညွှန့်သည် အလားတူသော ပြစ်မှုအ တွက် ဆက်သွယ်ရေးဥပဒေ ပုဒ်မ ၆၆/ဃ၊ ရာဇသတ်ကြီးပုဒ်မ ၅၀၅/ခ တို့ ဖြင့် အလုပ်ကြမ်းနှင့် ထောင်ဒဏ်တစ်နှစ် ပြစ်ဒဏ်ချမှတ်ခြင်းခံ ခဲ့ရသည်။
လူဝင်မှုကြီးကြပ်ရေးစွဲချက်များဖြင့် ဖမ်းဆီး၊ ထိန်းသိမ်းခံခဲ့ရသော ရွှေဝါ ရောင် တော်လှန်ရေး ဦးဆောင်ခဲ့သူ ဦးဂမ္ဘီရ ခေါ် ဦးညီညီလွင်ကို ပြန် လည် ဖမ်းဆီးခဲ့ခြင်းသည် ယခုလတွင် အလွန်အမင်း စိုးရိမ်ဖွယ်ရာဖြစ် သည်။ ၎င်းသည် ယခင်နိုင်ငံရေးလှုပ်ရှားမှုများကြောင့် ဖမ်းဆီးခံခဲ့ရသည် ဟု လူအများစုမှ ယူဆထားကြသည်။
သာယာဝတီထောင်တွင် ထိန်းသိမ်းခံထားရသော လက်ပံတန်း ဆန္ဒပြသူ အများအပြား၏ ကျန်းမာရေး အခြေအနေသည်လည်း စိုးရိမ်ဖွယ်ရာအဖြစ် ရှိနေဆဲဖြစ်သည်။ ယခုလတွင် ထုတ်ပြန်ခဲ့သော အစီရင်ခံစာအသစ်၌ အသက်အန္တရာယ်ကို ခြိမ်းခြောက်သော ရောဂါအခြေအနေများကို ခံစား နေရသည့် ထိန်းသိမ်းခံထားရသူများသည် လုံလောက်သော ကုသမှုမရ ရှိပါဟု အထူးဂရုပြု ရေးသားထားသည်။ ထပ်မံ၍ ဆေးကုသခံယူရန် လိုအပ် လျက်ရှိသော်လည်း ယခုလတွင် ကျောင်းသားများသည် ဆေးရုံမှ အကျဉ်းထောင်သို့ ပြန်လည် လွှဲပြောင်းခြင်းကို ခံခဲ့ရသည်။ သို့သော် လည်း ပိုမိုဆိုးရွားလျက်ရှိသော ကျန်းမာရေး အခြေအနေများကြောင့် ဆန္ဒပြသူနှစ်ဦးဖြစ်သည့် ကိုမြကြီးနှင့် ကိုထိန်လင်းအောင်တို့သည် ယခု လတွင် အာမခံရရှိခဲ့သည်။

ဆက်သွယ်မေးမြန်းရန်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ)

တိတ်နိုင်   အတွင်းရေးမှူး +၆၆(၀) ၈၁ ၂၈၇၈ ၇၅၁

ဘိုကြည် တွဲဘက်အတွင်းရေးမှူး +၆၆(၀) ၈၁ ၉၆၂၈ ၇၁၃

ဇန်နဝါရီလအတွက် လစဉ်အစီရင်ခံစာ ဒေါင်းလော့ရယူရန် 2016 January Chronology

ထောင်အသီးသီး၌ ပြစ်ဒဏ်ကျခံနေရသော နိုင်ကျဉ်းစာရင်း 87 remaining political prisoners (bur) 18 Feb 2016

အမှုရင်ဆိုင်နေဆဲ တက်ကြွလှုပ်ရှားသူများ၊ ကျောင်းသားများနှင့် ဝန်းရံပြည်သူများ၊ အလုပ်သမား၊ လယ်သမားများစာရင်း

409 burmese version facing trial list Updated on 18 Feb 2016

လက်ပံတန်းကျောင်းသားသပိတ်အတွင်း ဖမ်းဆီးခံရသူများနှင့် ထောင်အသီးသီးမှ အမှုရင်ဆိုင်နေရသူများ

LPT Eng version last Updated on 18 Feb 2016

ဇန်နဝါရီ ၂၂ ရက် ၂၀၁၆ လွတ်ငြိမ်းချမ်းသာခွင့်ဖြင့်ပြန်လည်လွတ်မြောက်လာသူများစာရင်း

Released list 52 (bur) 22 Jan 2016