အေအေပီပီမှ ဩဂုတ်လအတွက် နိုင်ငံရေးအကျဉ်းသားများအခြေအနေပြ လစဉ်အစီရင်ခံစာ Inbox x
လက်ရှိအခြေအနေ အကျဉ်းချုပ်
၂၀၁၅ ခုနှစ် ဩဂုတ်လကုန်တွင် မြန်မာနိုင်ငံအကျဉ်းထောင်များ အတွင်း နိုင်ငံရေးအကျဉ်းသားစုစုပေါင်း ၁၀၈ ဦး ဆက်လက် ထိန်းသိမ်းခံနေရပြီး နိုင်ငံရေးတက်ကြွလှုပ်ရှားသူ ၄၅၉ ဦးတို့သည် နိုင်ငံရေးလှုပ်ရှားမှုများကြောင့် လက်ရှိအချိန်တွင် တရားရင်ဆိုင်နေရ ပါသည်။
တလအတွင်းသုံးသပ်ချက်
ယခုလတွင် နိုင်ငံရေးတက်ကြွလှုပ်ရှားသူစုစုပေါင်း ၁၆ ဦး ဖမ်းဆီးခံရပြီး ထို ၁၆ ဦး ထဲမှ ၂ ဦးသည် လက်ရှိအချိန်တွင် အကျဉ်းချခံထားရသည်။ နိုင်ငံရေးလှုပ်ရှားသူ ၁၁ ဦး ထောင်ဒဏ်ချမှတ်ခံခဲ့ရပြီး နိုင်ငံရေး အကျဉ်းသား ၁၂ ဦး ပြန်လည်လွတ်မြောက်လာခဲ့ပါသည်။ နိုင်ငံရေး အကျဉ်းသား ၄ ဦးမှာ ကျန်းမာရေးဆိုးဝါးလျက်ရှိကြောင်း သိရှိရသည်။
လက်ပံတန်းအဖမ်းဆီးခံကျောင်းသားများကို ဥပဒေကြောင်းအရ ကာ ကွယ်မှုပေးနေသည့်အဖွဲ့က ကျောင်းသားများကို အကြမ်းဖက်ဖြိုခွဲ ဖမ်း ဆီးပြီးနောက် တရားမဝင်ဘဲ ၂၄ နာရီ ထိန်းသိမ်းချုပ်နှောင်ထားခဲ့သည့် ဟူသောစွဲချက်ဖြင့် ရဲအရာရှိနှစ်ဦးကိုပြန်လည်တရားစွဲဆိုမှုတင်သွင်းခဲ့ရာ သာယာဝတီတရားရုံးက ဩဂုတ်လ ၁၁ ရက်နေ့တွင် ပယ်ချခဲ့သည်။ ထို့ပြင် အထိန်းသိမ်းခံကျောင်းသား ၁ဝ ဦး၏ အာမခံလျှောက်ထားမှု ကိုလည်း ပယ်ချခဲ့သည်။
အကြမ်းဖက်ဖြိုခွဲခံခဲ့ရသည့် လက်ပံတန်းကျောင်းသားသပိတ်မှ ဖမ်းဆီး ထားသောကျောင်းသားများကို ပြန်လွှတ်ပေးရန်အတွက် ရတနာပုံတက္ကသိုလ် ကျောင်းမုခ်ဦးတွင်မှုတ်ဆေးဖြင့် စာရေးသားဆန္ဒ ထုတ်ဖော်ခဲ့သည့် ဗမာနိုင်ငံလုံးဆိုင်ရာကျောင်းသားများသမဂ္ဂအဖွဲ့ဝင် ကိုနိုင်ရဲဝေ၊ ကိုဂျစ်တူး၊ ကိုဉာဏ်လင်းထက်နှင့် ကိုအောင်ဆန်းဦးတို့ကို အမရပူရရဲစခန်းက ဖမ်းဆီးထိန်းသိမ်းခဲ့ပြီးနောက် အဆိုပါကျောင်းသား များက စက်တင်ဘာလတွင်ဖြေဆိုရမည့်စာမေးပွဲအတွက် အာမခံ တင် သွင်းခဲ့ရာတွင် ပယ်ချခံခဲ့ရသည်။ အာမခံပယ်ချသည့် ဆုံးဖြတ်ချက်ကို တုံ့ပြန်သည့်အနေဖြင့် ရတနာပုံတက္ကသိုလ်ကျောင်းသားသမဂ္ဂ ဥက္ကဌ ကိုနိုင်ရဲဝေကအစာငတ်ခံဆန္ဒပြခဲ့ရာ ထောင်အာဏာပိုင်များက ကျောင်း သားများကို တိုက်ပိတ်ပြစ်ဒဏ်ချမှတ်ခဲ့သည်။ ရတနာပုံကျောင်းသား သမဂ္ဂအဖွဲ့ဝင်ကျောင်းသားများကလည်း ကျောင်းသားလေးဦး၏ စာမေး ပွဲဖြေဆိုခွင့်ရရှိရန် အာမခံလျှောက်ထားမှုကို ထောက်ခံသောအားဖြင့် စာမေးပွဲကိုသပိတ်မှောက်သွားမည်ြဖစ်ကြောင်းကြေညာခဲ့ပြီး တနိုင်ငံလုံး အတိုင်းအတာဖြင့်ကျောင်းသားဆန္ဒပြမှုများကို ပိုမိုပြုလုပ်သွားမည်ဖြစ် ကြောင်း ခြိမ်းခြောက်ပြောကြားခဲ့သည်။
ပညာရေးဥပဒေကိုဆန့်ကျင်ဆန္ဒပြခဲ့သည့် ကျောင်းသားများကို မတ်လ တွင် လက်ပံတန်း၌ အကြမ်းဖက်ဖြိုခွဲခဲ့သည့် ရဲတပ်ဖွဲ့များအား ဥပဒေ ကြောင်းအရ အရေးယူအပြစ်ပေးရန် အထိန်းသိမ်းခံကျောင်းသား ၆ဝ နီးပါးက တောင်းဆိုခဲ့ကြသည်။ ရဲတပ်ဖွဲ့ဝင်များသည် ငြိမ်းချမ်းစွာ ဆန္ဒပြနေသည့် ကျောင်းသားများကို မလိုအပ်ဘဲအကြမ်းဖက်ဖြိုခွဲခဲ့ပြီး ကျောင်းသားနှင့်ဝန်းရံပြည်သူ ၁၂ရ ဦးကိုဖမ်းဆီးထိန်းသိမ်းခဲ့သည်။ ပစ္စည်းဥစ္စာများကိုဖျက်ဆီးခြင်း၊ ကျောင်းသားများကို နံပါတ်တုတ် များဖြင့် အကြမ်းဖက်ရိုက်နှက်မှုကြောင့် ပြင်းထန်သည့်ဒဏ်ရာများ ရရှိခြင်းများအတွက် ရဲတပ်ဖွဲ့ဝင်များတွင် တာဝန်ရှိသောကြောင့် ဥပဒေ ကြောင်းအရ အရေးယူအပြစ်ပေးစေလိုကြောင်း ကျောင်းသားများက လက်မှတ်ထိုးတောင်းဆိုခဲ့ခြင်းဖြစ်သည်ဟု ကျောင်းသားများ၏ ရှေ့နေ ခေါ်ခင်ခင်ကျော်က ပြောကြားခဲ့သည်။
ဆက်သွယ်မေးမြန်းရန်
နိုင်ငံရေးအကျဉ်းသားများကူညီစောင့်ရှောက်ရေးအသင်း
တိတ်နိုင် အတွင်းရေးမှူး +၆၆(၀) ၈၁၂၈၇၈ ၇၅၁
ဘိုကြည် တွဲဘက်အတွင်းရေးမှူး +၆၆(၀) ၈၁၉၆၂ ၈၇၁၃
လစဉ်အစီရင်ခံစာ ဒေါင်းလော့ရယူရန် August 2015, Chronology (Bur)
