၂ဝ၁၅ ခုနှစ်၊ ဇူလိုင်လ နိုင်ငံရေး အကျဉ်းသားများ အခြေအနေပြ လစဉ်အစီရင်ခံစာ

လက်ရှိအခြေအနေ အကျဉ်းချုပ်
၂၀၁၅ ခုနှစ်၊ ဇူလိုင်လကုန်တွင် မြန်မာနိုင်ငံ အကျဉ်းထောင်များအ တွင်း နိုင်ငံရေးအကျဉ်းသား စုစုပေါင်း ၁၂ဝ ဆက်လက်ထိန်းသိမ်းခံ နေရပြီး၊ နိုင်ငံရေး တက်ကြွလှုပ်ရှားသူ ၄၄၈ ဦးတို့သည် နိုင်ငံရေး လှုပ်ရှားမှုကြောင့် တရားရင်ဆိုင်နေရပါသည်။
တစ်လအတွင်း သုံးသပ်ချက်
ယခုလတွင် နိုင်ငံရေးတက်ကြွလှုပ်ရှားသူ စုစုပေါင်း ၃၁ ဦး တရားစွဲဆို ခံရပြီး ထို ၃၁ ဦးထဲမှ ၁၆ ဦးသည် လက်ရှိအချိန်တွင် ဖမ်းဆီးထိန်းသိမ်း ခံထားရပါသည်။ နိုင်ငံရေး လှုပ်ရှားသူ ၂၁ ဦးထောင်ဒဏ်ချမှတ်ခံခဲ့ရပြီး နိုင်ငံရေးအကျဉ်းသား ၁ရ ဦး ပြန်လည်လွတ်မြောက်လာခဲ့ပါသည်။ နိုင်ငံရေးအကျဉ်းသား ၅ ဦးမှာ ကျန်းမာရေးဆိုးဝါးလျက်ရှိကြောင်း သိရှိရ ပါသည်။

ကျန်းမာရေး ဆိုးဝါးလျက်ရှိသည်ဟု သတင်းရရှိသူများထဲတွင် အမျိုးသား ပညာရေးဥပဒေကို ဆန့်ကျင်ဆန္ဒပြခဲ့ကြ၍ အကြမ်းဖက်ဖြိုခွဲခြင်းခံခဲ့ရကာ သာယာဝတီထောင်တွင် ထိန်းသိမ်းခံထားရသည့် ကျောင်းသားများ ပါဝင်ပါသည်။ ဇူလိုင်လအတွင်းတွင် ဆန္ဒပြကျောင်းသားနှင့် ဝန်းရံပြည်သူ စုစုပေါင်း ၁၄ ဦးကို အာမခံဖြင့်လွှတ်ပေးခဲ့ပြီး ၆၃ ဦးထိန်းသိမ်းခံနေရဆဲ ဖြစ်သည်။ လက်ကျန်ထိန်းသိမ်းခံနေရဆဲ ကျောင်းသားများ၏ ကျန်းမာ ရေးနှင့်ပတ်သက်၍ ပြင်ပဆရာဝန်နှင့် ပြသခွင့်ရရှိရန်အတွက် တရားရုံး သို့တောင်းဆိုချက် တင်သွင်းကြရန် ကျောင်းသားများက ၎င်းတို့၏ မိဘများကို ယခုလ အစောပိုင်းကတိုက်တွန်းခဲ့ကြပါသည်။

မြန်မာအမျိုးသားလူ့အခွင့်အရေး ကော်မရှင်သည် မတ်လ ၁ဝ ရက် လက်ပံတန်းကျောင်းသားသပိတ် ဖြိုခွင်းခံရစဉ်က ပါဝင်ခဲ့သည့် ကျောင်းသားများနှင့် ဇူလိုင်လ ၂ရ ရက်နေ့ တွင် တွေ့ဆုံခဲ့သည်။ သပိတ်ဖြိုခွင်းခံရမှုတွင် ပါဝင်ခဲ့သူများ၏ သက်သေခံ ထွက်ဆိုချက် များနှင့် အာဏာပိုင်များ၏ တရားဥပဒေမဲ့လူမဆန်စွာ ပြုမူ ချက်များပါ ဝင်သော အမှုတစ်ခုကို လူ့အခွင့်အရေးကော်မရှင်တွင် ကျောင်းသားများ က အမှုဖွင့်ခဲ့ကြသည်။ ရာဇသတ်ကြီးပုဒ်မဖြင့် ကျောင်းသားများအပေါ် တရားစွဲခြင်းကိုလည်း ကျောင်းသားများက ကန့်ကွက်ခဲ့ကြသည်။ ဒီမိုကရေစီပညာရေး ဦးဆောင်ကော်မတီ၏ အဆိုအရ ငြိမ်းချမ်းစွာ ဆန္ဒပြမှုအပေါ်တွင် မလိုအပ်ဘဲ အကြမ်းဖက်ဖြိုခွင်းရန် အမိန့်ပေးညွှန် ကြားခဲ့သည့် အာဏာပိုင်များကို တရားစွဲဆိုရန် ကော်မတီတွင်ပါ ဝင်သည့်ကျောင်းသားများက စီစဉ်လျက်ရှိသည်ဟုသိရသည်။

ဇူလိုင် ၈ ရက်နေ့တွင် ကာလရှည်စောင့်ဆိုင်းခဲ့ရသော အထွေထွေရွေး ကောက်ပွဲနှင့်ပတ်သက်သည့် ကြေညာချက်လည်းထွက်ပေါ်လာခဲ့သည်။ အမျိုးသားလွှတ်တော်ကိုယ်စားလှယ် ၃၃ဝ ဦး၊ ပြည်သူ့လွှတ်တော်ကိုယ် စားလှယ် ၁၆၈ ဦးနှင့် တိုင်းဒေသကြီးလွှတ်တော်ကိုယ်စားလှယ် ၆၄၄ ဦး အစရှိသဖြင့် စုစုပေါင်းလွှတ်တော်ကိုယ်စားလှယ် ၁၁၄၂ နေရာအတွက် ၂၀၁၅ နိုဝင်ဘာ ၈ ရက်နေ့တွင်ရွေးကောက်ပွဲကျင်းပမည်ဟု ပြည်ထောင် စုရွေးကောက်ပွဲကော်မရှင်က ကြေညာချက်ထုတ်ပြန်ခဲ့သည်။ တိုင်းဒေသ ကြီးလွှတ်တော်ကိုယ်စားလှယ် ၂၉ နေရာအတွက်ကိူမူ တိုင်းရင်းသား ကိုယ်စားလှယ်များကို ခန့်အပ်သွားမည်ဖြစ်သည်။

ရွေးကောက်ပွဲကျင်းပမည့်ရက် ကြေညာလိုက်ခြင်းကြောင့် နိုင်ငံရေး အကျဉ်းသားဟောင်းများအဖွဲ့မှ စစ်တပ်ကျောထောက်နောက်ခံရှိသည့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အမတ်များအပါအဝင် လွှတ် တော်အမတ်များထံသို့ နိုင်ငံရေးအကျဉ်းသားများအားလုံးကိုရွေးကောက် ပွဲမတိုင်ခင်လွှတ်ပေးရန်အတွက် တောင်းဆိုပေးကြရန် တိုက်တွန်းသည့် စာတစ်စောင်ပေးပို့ခဲ့ပါသည်။
ထို့အပြင် ပြည်ထဲရေးဒုတိယဝန်ကြီးက နိုင်ငံရေးအကျဉ်းသားစကားရပ် အပေါ်အဓိပ္ပာယ်ဖွင့်ဆိုရန်မှာ အခြေခံဥပဒေနှင့်မကိုက်ညီသောကြောင့် အဓိပ္ပာယ်ဖွင့်ဆိုရန်မရှိကြောင်း လွှတ်တော်တွင် တရားဝင်ငြင်းဆိုခဲ့ပြီး အခြားသောအကျဉ်းသားများနှင့်မခွဲခြားဘဲ တစ်တန်းတစားတည်းသာ ဖြစ်ကြောင်း ပြောဆိုခဲ့သည်။ အမျိုးသားဒီမိုကရေစီအဖွဲ့ချုပ်ဥက္ကဌ ဒေါ်အောင်ဆန်းစုကြည်မှ ဝန်ကြီး၏ထုတ်ပြန်ပြောဆိုချက်နှင့်ပတ်သက်၍ “အစိုးရကိုယ်တိုင်က နိုင်ငံရေးအကျဉ်းသားများလွတ်မြောက်ရေးကိစ္စ ဆောင်ရွက်ဖို့အတွက် အဖွဲ့ဖွဲ့ပေးထားတယ်။ အခုပြည်ထဲရေးဒုဝန်ကြီးက နိုင်ငံရေးအကျဉ်းသားဆိုတဲ့အဓိပ္ပာယ်ကို ငြင်းဆန်ခဲ့တဲ့အတွက် ဒါဟာ ရှေ့နောက်မညီညွှတ်ဘူးလို့ ကျွန်မထင်ပါတယ်” ဟု အစိုးရ၏ မူဝါဒပိုင်း ဆိုင်ရာကို ထုတ်ဖော်ပြောကြားခဲ့သည်။

ယခုလနှောင်းပိုင်းဖြစ်သည့် ဇူလိုင် ၃ဝ ရက်နေ့တွင်  နိုင်ငံခြားသားအ ကျဉ်းသား ၂၁ဝ ဦးအပါအဝင် အကျဉ်းသား ၆၉၆၆ ဦး ကို သမ္မတ၏ လွတ်ငြိမ်းချမ်းသာခွင့်ဖြင့် လွှတ်ပေးခဲ့ကြောင်း ပြန်ကြားရေးဝန်ကြီးဌာနမှ ထုတ်ပြန် ကြေညာခဲ့သည်။ ၂၀၁၄ ခုနှစ် အောက်တိုဘာလနောက်ပိုင်း ပထမဆုံးထုတ်ပြန်ခဲ့ခြင်းဖြစ်သည့် ထိုလွတ်ငြိမ်းချမ်းသာခွင့်ဖြင့် လွတ်မြောက်လာသူများထဲတွင် နိုင်ငံရေးအကျဉ်းသား(၁၃) ဦးသာ ပါဝင်ခဲ့ကြောင်းလည်း သိရှိရှိရပါသည်။
၂၀၁၅ ခုနှစ်၊ ဇူလိုင်လ ၃ ရက်၊ ဒီဗွီဘီ (အင်္ဂလိပ်)
၂၀၁၅ ခုနှစ်၊ ဇူလိုင်လ ၈ ရက်၊ ဧရာဝတီ (အဂ်လိပ်)
၂၀၁၅ ခုနှစ်၊ ဇူလိုင်လ ၈ ရက်၊ မြန်မာတိုင်းမ် (အင်္ဂလိပ်)
၂၀၁၅ ခုနှစ်၊ ဇူလိုင်လ ၁၅ ရက်၊ လွတ်လပ်တဲ့ အာရှအသံ
၂၀၁၅ ခုနှစ်၊ ဇူလိုင်လ ၂၂ ရက်၊ ဒီဗွီဘီ (အင်္ဂလိပ်)
၂၀၁၅ ခုနှစ်၊ ဇူလိုင်လ ၂ရ ရက်၊ ဧရာဝတီ (အင်္ဂလိပ်)

ဆက်သွယ်မေးမြန်းရန်
တိတ်နိုင်     အတွင်းရေးမှူး         +၆၆(၀)၈၁ ၂၈၇၈ ၇၅၁
ဘိုကြည်  တွဲဘက်အတွင်းရေးမှူး  +၉၅(၀) ၉၄၂၅၃ ဝ၈၈ ၄၀

အပြည့်အစုံဖတ်ရန် ဒေါင်းလော့ရယူပါ — July 2015, Chronology (Bur)