စစ္အာဏာသိမ္းၿပီးေနာက္ လတ္တေလာျဖစ္ေပၚလ်က္ရွိေသာ အေျခအေနမ်ားႏွင့္ပတ္သက္၍ ေန႔စဥ္ထုတ္ျပန္ခ်က္ အက်ဥ္းခ်ဳပ္ႏွင့္ က်ဆုံးသူမ်ားစာရင္းထုတ္ျပန္ခ်က္

ရက္စြဲ မတ္လ ၃ ရက္၊ ၂၀၂၁ ခုႏွစ္
ဒီမိုကေရစီေရးႏွင့္ လူ႔အခြင့္အေရးတို႔အတြက္ အသက္ခႏၶာရင္း၍ တိုက္ပြဲဝင္ရင္း ယေန႔တြင္ ထပ္မံ က်ဆုံးသြားခဲ့ေသာ သူရဲေကာင္းမ်ားအား မိမိတို႔ ႏိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း (AAPP) မွ အေလးအနက္ မွတ္တမ္းတင္ဂုဏ္ျပဳအပ္ပါသည္။ ေဖေဖာ္ဝါရီလ ၂၈ ရက္ေန႔တြင္ အာဏာသိမ္း အၾကမ္းဖက္ စစ္အုပ္စု၏ ရက္စက္စြာ ပစ္သတ္ခဲ့မႈေၾကာင့္ (၁၇) ဦးေသဆုံးၿပီးသည့္ သုံးရက္ေျမာက္ေန႔ျဖစ္ေသာ မတ္လ ၃ ရက္ေန႔တြင္ ျပည္သူ (၂၀) ဦးသည္ ရက္ရက္စက္စက္ ပစ္သတ္ျခင္း ခံခဲ့ရ၍ က်ဆုံးသြားခဲ့ၿပီျဖစ္သည္။
ႏိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း (AAPP) ၏ မွတ္တမ္းျပဳခ်က္မ်ားအရ ေဖေဖာ္ဝါရီလ ၁ ရက္ေန႔မွ မတ္လ ၃ ရက္ေန႔ထိ စုစုေပါင္း ဖမ္းဆီး၊ တရားစြဲဆို၊ ျပစ္ဒဏ္ခ်မွတ္ျခင္းခံထားရသူ (၁၄၉၈) ဦးထိရွိခဲ့ၿပီ ျဖစ္သည္။ ၎တို႔အနက္မွ ေထာင္ဒဏ္ခ်မွတ္ျခင္းခံထားရသူ (၄) ဦး၊ အမႈဖြင့္ျခင္းခံထားရၿပီး ဖမ္းဝရမ္းထုတ္ျခင္းခံထားရေသာေၾကာင့္ တိမ္းေရွာင္ေနသူ (၆၁) ဦး ႏွင့္ ျပန္လည္ လြတ္ေျမာက္လာသူ (၃၀၆) ဦးရွိခဲ့သည္။ ထို႔ေၾကာင့္ လက္ရွိ အခ်ိန္အထိ (၁၁၉၂) ဦးမွာ ဖမ္းဆီး၊ တရားစြဲဆို၊ ျပစ္ဒဏ္ခ်မွတ္ျခင္းခံထားရသည္။ ေဖေဖာ္ဝါရီလ ၁ ရက္ေန႔မွ မတ္လ ၃ ရက္ေန႔အထိ မတရားအၾကမ္းဖက္ၿဖိဳခြင္းျခင္းခံခဲ့ရ၍ က်ဆုံးသြားခဲ့သူ (၅၀) ေက်ာ္ရွိၿပီျဖစ္ပါသည္။
ယေန႔အဖမ္းအဆီးစာရင္းတြင္ မိမိတို႔အေနျဖင့္ ယခုအခ်ိန္အထိ ဖမ္းဆီးျခင္းခံရသူ (၁၈၃) ဦး၏အမည္စာရင္းကိုရရွိခဲ့၍ မွတ္တမ္းျပဳထားပါသည္။ သို႔ေသာ္လည္း ရန္ကုန္ၿမိဳ႕တစ္ၿမိဳ႕အတြင္း၌ပင္ ဆႏၵျပေက်ာင္းသား လူငယ္ စုစုေပါင္း (၄၀၀) ေက်ာ္သည္ က်ိဳကၠဆံကြင္းအတြင္း၌ ခ်ဳပ္ေႏွာင္ျခင္းခံထားရေသာေၾကာင့္ ယေန႔တြင္ အျခားေဒသမ်ားအပါအဝင္ ျပည္သူအေယာက္ (၈၀၀) ထက္မနည္း ဖမ္းဆီးျခင္းခံခဲ့ရသည္။ မိမိတို႔အေနျဖင့္ ဆက္လက္စုံစမ္းလ်က္ရွိၿပီး ရရွိလာသည့္အခ်က္အလက္မ်ားကို ဆက္လက္ ထုတ္ျပန္ေပးသြားမည္ျဖစ္ပါသည္။
အာဏာသိမ္းစစ္အုပ္စုသည္ ၿငိမ္းခ်မ္းစြာ ဆႏၵထုတ္ေဖာ္သူမ်ားကို ေန႔ေရာ၊ ညပါ ေန႔စဥ္ရက္ဆက္ အၾကမ္းဖက္၍ ရက္စက္စြာ ၿဖိဳခြင္းလ်က္ရွိေသာ္လည္း အနယ္နယ္အရပ္ရပ္မွ သပိတ္စစ္ေၾကာင္းမ်ားသည္ စစ္အာဏာရွင္ကို ဆက္လက္၍ ဆန႔္က်င္ တြန္းလွန္လ်က္ရွိၾကသည္။ မတ္လ ၁ ရက္ေန႔တြင္ အာဏာသိမ္းစစ္အုပ္စု၏ လူမဆန္ေသာ အၾကမ္းဖက္ ၿဖိဳခြင္းမႈမ်ားသည္ ၿငိမ္းခ်မ္းစြာဆႏၵထုတ္ေဖာ္သူမ်ားအေပၚ ပို၍ ျပင္းထန္လာသည္ကို ေတြ႕ရွိရသည္။
ယေန႔တြင္ ျမန္မာႏိုင္ငံအတြင္းရွိ ရန္ကုန္ၿမိဳ႕၊ မႏၲေလးၿမိဳ႕၊ ျပင္ဦးလြင္ၿမိဳ႕၊ ျမင္းၿခံၿမိဳ႕၊ မုံ႐ြာၿမိဳ႕၊ ေမာ္လၿမိဳင္ၿမိဳ႕၊ လြိဳင္ေကာ္ၿမိဳ႕၊ ေရးၿမိဳ႕၊ ျမစ္ႀကီးနားၿမိဳ႕၊ ဖားကန႔္ၿမိဳ႕၊ ၊ ျပည္ၿမိဳ႕၊ ပုသိမ္ၿမိဳ႕၊ ေတာင္တြင္းႀကီး၊ ေ႐ႊဘို၊ ျမန္ေအာင္၊ စလင္းၿမိဳ႕တို႔၌ ရဲ ႏွင့္ စစ္တပ္တို႔မွ ၿငိမ္းခ်မ္းစြာ ဆႏၵထုတ္ေဖာ္သူမ်ားအား အင္အားသုံး၍ အၾကမ္းဖက္ ၿဖိဳခြင္းခဲ့ၾကသည္။ ယေန႔တြင္ ၎တို႔အသုံးျပဳေလ့ရွိသည့္ အသံဗုံး၊ မီးခိုးဗုံး၊ မ်က္ရည္ယိုဗုံးမ်ားသာမက က်ည္အစစ္ကို အသုံးျပဳ၍ အဓိကထား ၿဖိဳခြင္းခဲ့သည္ကို ေတြ႕ရွိရသည္။ အထူးသျဖင့္ ရန္ကုန္ၿမိဳ႕၊ မႏၲေလးၿမိဳ႕၊ ျမင္းၿခံၿမိဳ႕၊ မုံ႐ြာၿမိဳ႕၊ ေမာ္လၿမိဳင္ၿမိဳ႕၊ ျပင္ဦးလြင္ၿမိဳ႕ ႏွင့္ ဖားကန႔္ၿမိဳ႕တို႔၌ က်ည္အစစ္မ်ားျဖင့္ ပစ္ခတ္ခဲ့ၾကသည္။
ျမင္းၿခံၿမိဳ႕၌ အသက္ ၂၀ ႏွစ္အ႐ြယ္ လူငယ္ (၁) ဦး သည္ ဦးေခါင္းပြင့္၍ က်ဆုံးသြားခဲ့ၿပီး (၁၈) ဦး က်ည္သင့္ဒဏ္ရာရရွိခဲ့သည္။ မႏၲေလးၿမိဳ႕၌ အမ်ိဳးသမီး (၁) ဦး ႏွင့္ အမ်ိဳးသား (၁) ဦးတို႔သည္ ဦးေခါင္း ႏွင့္ ရင္ဘတ္တို႔တြင္ က်ည္ထိမွန္၍ က်ဆုံးသြားခဲ့ၿပီး ျပည္သူ (၈) ဦးသည္ ဒဏ္ရာ အျပင္းအထန္ရရွိခဲ့သည္။ မုံ႐ြာၿမိဳ႕၌ အမ်ိဳးသမီး (၂) ဦး ႏွင့္ အသက္ (၁၇) ႏွစ္အ႐ြယ္ကေလး (၁) ဦး အပါအဝင္ ျပည္သူ (၆) ဦးတို႔သည္ ဦးေခါင္း၊ ရင္ဘက္ ႏွင့္ ေနာက္ေက်ာတို႔တြင္ က်ည္ထိမွန္၍ က်ဆုံးသြားခဲ့ၿပီး ျပည္သူ (၁၀) ဦးထက္မနည္း က်ည္ထိမွန္ ဒဏ္ရာရရွိခဲ့သည္။ စလင္းၿမိဳ႕၌ လူငယ္ (၁) ဦး က်ည္ထိမွန္၍ က်ဆုံးသြားခဲ့ၿပီး (၈) ဦးထက္မနည္း ဒဏ္ရာရရွိခဲ့သည္။ ျပင္ဦးလြင္ၿမိဳ႕၌ ျပည္သူ (၂) ဦးသည္လည္း က်ည္သင့္ဒဏ္ရာမ်ားျဖင့္ က်ဆုံးသြားခဲ့ၿပီး ျပည္သူတခ်ိဳ႕ ထိခိုက္ဒဏ္ရာရရွိခဲ့သည္။ ေမာ္ၿမိဳင္ၿမိဳ႕၌ ျပည္သူ (၁) ဦး က်ဆုံးခဲ့ၿပီး (၁) ဦးသည္ စိုးရိမ္ရသည့္အေျခအေနတြင္ရွိသည္။ ရန္ကုန္ၿမိဳ႕၊ ေျမာက္ဥကၠလာပၿမိဳ႕နယ္၌ (၇) ဦး က်ဆုံးခဲ့ၿပီး (၂၀) ဦး ဒဏ္ရာျပင္းထန္စြာရရွိခဲ့သည္။ အြန္လိုင္းတြင္ ျပန႔္လာသည့္ ဗီဒီယိုဖိုင္တစ္ခုတြင္ စစ္အာဏာရွင္၏ လက္ပါးေစမ်ား က လက္နက္မဲ့ အမ်ိဳးသားတစ္ဦးကို ဖမ္းဆီး၍ ထိုသူေရွ႕မွသြားေနစဥ္ သူ၏ေနာက္မွေန၍ ေသနတ္ျဖင့္ပစ္ခတ္သတ္ျဖတ္ ခဲ့သည္ကို ေတြ႕ရသည္။ လႈိင္သာယာၿမိဳ႕နယ္မွ အမ်ိဳးသား (၁) ဦးသည္လည္း ရင္ဘတ္ကို က်ည္ထိမွန္၍ ဒဏ္ရာအျပင္းအထန္ရရွိခဲ့သည္။ ထို႔ျပင္ တာေမြၿမိဳ႕နယ္၌ ျပည္သူ (၁) ဦး၊ အင္းစိန္(ႀကိဳ႕ကုန္း) ၌ (၃) ဦး၊ သာေကတၿမိဳ႕နယ္၌ (၁၀) ဦး၊ ပုသိမ္ၿမိဳ႕၌ (၁) ဦးသည္ က်ည္သင့္ဒဏ္ရာမ်ားရရွိခဲ့သည္။ ဖားကန႔္ၿမိဳ႕၌လည္း ဆႏၵျပလူငယ္ (၃) ဦးထက္မနည္း ဒဏ္ရာရရွိခဲ့ၿပီး (၂) ဦးသည္ စိုးရိမ္ရသည့္အေျခအေနတြင္ရွိေနသည္။ ဒဏ္ရာရရွိသူမ်ားသည္ ယခုထက္ပို၍ မ်ားျပားႏိုင္ၿပီး ခန႔္မွန္းေျခအားျဖင့္ (၁၀၀) ဝန္းက်င္ခန႔္ရွိမည္ျဖစ္သည္။
ယေန႔တြင္ ေျမာက္ဥကၠလာပၿမိဳ႕နယ္၌ ရဲ ႏွင့္ စစ္သားမ်ားသည္ လမ္းမထက္၌ တာယာကြင္းမ်ားကို စုပုံ၍ မီးရႈိ႕ခဲ့ၿပီး မြန္ျမတ္စိတ္ထား ဘိုးဘြားေစာင့္ေရွာက္ေရးအသင္း ပရဟိတလူနာတင္ယာဥ္ရွိ ေစတနာ့ဝန္ထမ္း (၄) ဦးကို ေသနတ္ဒင္ျဖင့္ ဦးေခါင္းကို အားကုန္လႊဲ႐ိုက္ျခင္း၊ နံပါတ္တုတ္မ်ားျဖင့္ ေခါင္းကို ႐ိုက္ျခင္းမ်ားကို လူမဆန္စြာ ျပဳမူခဲ့သည္။ ထို ေစတနာ့ဝန္ထမ္း (၄) ဦးအနက္ (၁) ဦးသည္ အဆိုပါဒဏ္ရာမ်ားျဖင့္က်ဆုံးခဲ့သည္။
ရဲ ႏွင့္ စစ္တပ္ မွ ၿငိမ္းခ်မ္းစြာ ဆႏၵထုတ္ေဖာ္သူမ်ား ႏွင့္ ျပည္သူမ်ားအေပၚ တေန႔ထက္တေန႔ ပို၍ ရန္လိုမႈမ်ား ရွိလာၿပီး ရန္သူမ်ားသဖြယ္ ျပဳမူဆက္ဆံလာသည္ကို ေတြ႕ရွိရသည္။ ၎တို႔မွ ျပည္သူမ်ားကို သားေကာင္သဖြယ္ သေဘာထား၍ အဓိကေသေစႏိုင္ေလာက္သည့္ အစိတ္အပိုင္း မ်ား အထူးသျဖင့္ မ်က္ႏွာ၊ ရင္ဘတ္၊ ဦးေခါင္း၊ ေနာက္ေက်ာ ႏွင့္ ဝမ္းဗိုက္တို႔ကို ဦးတည္ခ်ိန္႐ြယ္၍ ရည္႐ြယ္ခ်က္ရွိရွိ ခ်ိန္႐ြယ္ ပစ္ခတ္သည္သာမက ၿငိမ္းခ်မ္းစြာ ဆႏၵထုတ္ေဖာ္လ်က္ရွိေသာ လူအုပ္ (ျပည္သူမ်ား) အတြင္းသို႔ တမင္တကာ ႀကံ႐ြယ္၍ ပစ္ခတ္လာသည္ကို ေတြ႕ရွိသည္။ ေသဆုံးသူမ်ားအား တ႐ြတ္တိုက္ဆြဲေခၚသြားျခင္း၊ ဒဏ္ရာျပင္းထန္သူမ်ားအား ေဆးကုသခြင့္မေပးဘဲ အခ်ဳပ္ကားအတြင္းသို႔ ၾကမ္းတမ္းစြာ ပစ္သြင္းျခင္း၊ ဖမ္းဆီးရာ၌လည္း အၾကမ္းဖက္႐ိုက္ႏွက္ဖမ္းဆီးျခင္း၊ ေနအိမ္မ်ားအတြင္းသို႔ ေသနတ္မ်ားျဖင့္ အေၾကာင္းမဲ့ ပစ္ခတ္ျခင္း၊ ျပည္သူပိုင္ပစၥည္းမ်ားကို မီးရႈိ႕ျခင္း၊ လုယက္ျခင္း၊ စသည့္ ရက္စက္ ၾကမ္းၾကဳပ္မႈမ်ားကို ေန႔စဥ္ႏွင့္အမွ် က်ဴးလြန္လ်က္ရွိၾကသည္။ ယေန႔အခ်ိန္တြင္ အမ်ားျပည္သူဆိုင္ရာ ေနရာမ်ားသည္ စစ္တလင္းအျဖစ္သာမက သတ္ကြင္းေနရာမ်ားအျဖစ္သို႔ပါ ေျပာင္းလဲလာခဲ့ၿပီျဖစ္သည္။
ရဲ ႏွင့္ စစ္တပ္တို႔၏ လုပ္ရပ္မ်ားသည္ အၾကမ္းဖက္သမားမ်ား၏ပုံစံမ်ားႏွင့္ထပ္တူက်လ်က္ရွိသည္ကို မ်ားစြာေသာ ျဖစ္စဥ္မ်ားမွ ထင္ရွားစြာ ျပသလ်က္ရွိသည္။ ၎တို႔သည္ လူ႔ဂုဏ္သိကၡာကို ေလးစားျခင္းႏွင့္ လူ႔အသက္ကို တန္ဖိုးထားျခင္း မရွိဘဲ ရက္စက္စြာ ျပဳမူလ်က္ရွိသည္။ လုံၿခဳံေရးတပ္ဖြဲ႕ဝင္မ်ားလိုက္နာရမည့္ ျပည္တြင္း ႏွင့္ ႏိုင္ငံတကာဥပေဒမ်ား၊ က်င့္ဝတ္မ်ားကို လိုက္နာျခင္းမရွိဘဲ ဥပေဒစိုးမိုးေရးကင္းမဲ့စြာျဖင့္ ရည္႐ြယ္ခ်က္ရွိရွိျဖင့္ က်ဴးလြန္ခဲ့ေသာ ရာဇဝတ္မႈတိုင္း အတြက္ အာဏာသိမ္းစစ္အုပ္စုတြင္ တာဝန္အျပည့္အဝရွိၿပီး တာဝန္ခံရမည္ျဖစ္သည္။ လူ႔အခြင့္အေရးခ်ိဳးေဖာက္မႈမ်ားကို တရားမဲ့ က်ဴးလြန္ေသာ အၾကမ္းဖက္စစ္အုပ္စုကို ျပင္းျပင္းထန္ထန္ အေရးယူရမည္ျဖစ္သည္။ ၎တို႔ကို အေရးယူ ေဆာင္႐ြက္မႈမ်ားျပဳလုပ္ရန္ ေႏွာင့္ေႏွးေနသမွ်ကာလပတ္လုံး ျပည္သူမ်ားသည္ ဓားစာခံမ်ားသဖြယ္ရွိေနဦး မည္ျဖစ္သည္။
ယမန္ေန႔ညေနပိုင္းက မေကြးတိုင္း၊ ေတာင္တြင္းႀကီးၿမိဳ႕နယ္တြင္ စစ္တပ္မွ လူငယ္မ်ားကို က်ည္အစစ္ျဖင့္ လိုက္လံပစ္ခတ္ သည့္အတြက္ အသက္ ၁၆ ႏွစ္အ႐ြယ္ ကိုသီဟေဇာ္(ခ)ေနာင္ေနာင္သည္ ေသဆုံးသြားခဲ့ၿပီး လူငယ္တခ်ိဳ႕ ဒဏ္ရာရရွိကာ ဖမ္းဆီးေခၚေဆာင္ျခင္း ခံခဲ့ရသည္။ ထို႔ျပင္ ဆိုင္ကယ္မ်ားကိုလည္း ယူေဆာင္သြားခဲ့သည္။
ႏိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း (AAPP) မွ လက္ရွိအေျခအေနမ်ားကို ေန႔စဥ္ ေစာင့္ၾကည့္ မွတ္တမ္းတင္သြားမည္ျဖစ္ၿပီး စစ္အာဏာသိမ္းမႈႏွင့္ပတ္သက္၍ ဖမ္းဆီး၊တရားစြဲဆို၊ ျပစ္ဒဏ္ ခ်မွတ္ျခင္းခံထားရသူမ်ား၏ စာရင္းကို ေန႔စဥ္ထုတ္ျပန္သြားမည္ျဖစ္သည္။
အရပ္ဘက္အဖြဲ႕အစည္းမွ ေခါင္းေဆာင္မ်ား၊ အရပ္သားမ်ား၊ တက္ႂကြလႈပ္ရွားသူမ်ား၊ သတင္းသမားမ်ား၊ CDM လႈပ္ရွားေနသည့္ ဝန္ထမ္းမ်ားစသည့္ နယ္ပယ္အသီးသီးမွ မည္သူမဆို ဖမ္းဆီး၊ထိန္းသိမ္း၊ တရားစြဲဆိုျခင္းခံထားရသည္ကို သိရွိပါက ေအာက္ပါလိပ္စာမ်ားသို႔ ဆက္သြယ္၍ အသိေပး၊ အေၾကာင္းၾကား ႏိုင္ပါသည္။
Email : [email protected]
Facebook : https://web.facebook.com/burmapoliticalprisoners/
Twitter : https://twitter.com/aapp_burma

ႏိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း (AAPP)

က်ဆုံးသူမ်ားစာရင္းေဒါင္းေလာ့ရယူရန္ Fatality list

ဖမ္းဆီးခံထားရသူမ်ားစာရင္းေဒါင္းေလာ့ရယူရန္ Recent Arrest list Updated on 3 March 2021

ေန႔စဥ္ထုတ္ျပန္ခ်က္ေဒါင္းေလာ့ရယူရန္ 3-March-2021 Update (Information)

ရက်စွဲ မတ်လ ၃ ရက်၊ ၂၀၂၁ ခုနှစ်

ဒီမိုကရေစီရေးနှင့် လူ့အခွင့်အရေးတို့အတွက် အသက်ခန္ဓာရင်း၍ တိုက်ပွဲဝင်ရင်း ယနေ့တွင် ထပ်မံ ကျဆုံးသွားခဲ့သော သူရဲကောင်းများအား မိမိတို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ အလေးအနက် မှတ်တမ်းတင်ဂုဏ်ပြုအပ်ပါသည်။ ဖေဖော်ဝါရီလ ၂၈ ရက်နေ့တွင် အာဏာသိမ်း အကြမ်းဖက် စစ်အုပ်စု၏ ရက်စက်စွာ ပစ်သတ်ခဲ့မှုကြောင့် (၁၇) ဦးသေဆုံးပြီးသည့် သုံးရက်မြောက်နေ့ဖြစ်သော မတ်လ ၃ ရက်နေ့တွင် ပြည်သူ (၂၀) ဦးသည် ရက်ရက်စက်စက် ပစ်သတ်ခြင်း ခံခဲ့ရ၍ ကျဆုံးသွားခဲ့ပြီဖြစ်သည်။ 

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ မှတ်တမ်းပြုချက်များအရ ဖေဖော်ဝါရီလ ၁ ရက်နေ့မှ မတ်လ ၃ ရက်နေ့ထိ စုစုပေါင်း ဖမ်းဆီး၊ တရားစွဲဆို၊ ပြစ်ဒဏ်ချမှတ်ခြင်းခံထားရသူ (၁၄၉၈) ဦးထိရှိခဲ့ပြီ ဖြစ်သည်။ ၎င်းတို့အနက်မှ ထောင်ဒဏ်ချမှတ်ခြင်းခံထားရသူ (၄) ဦး၊ အမှုဖွင့်ခြင်းခံထားရပြီး ဖမ်းဝရမ်းထုတ်ခြင်းခံထားရသောကြောင့် တိမ်းရှောင်နေသူ (၆၁) ဦး နှင့် ပြန်လည် လွတ်မြောက်လာသူ (၃၀၆) ဦးရှိခဲ့သည်။ ထို့ကြောင့် လက်ရှိ အချိန်အထိ (၁၁၉၂) ဦးမှာ ဖမ်းဆီး၊ တရားစွဲဆို၊ ပြစ်ဒဏ်ချမှတ်ခြင်းခံထားရသည်။  ဖေဖော်ဝါရီလ ၁ ရက်နေ့မှ မတ်လ ၃ ရက်နေ့အထိ မတရားအကြမ်းဖက်ဖြိုခွင်းခြင်းခံခဲ့ရ၍ ကျဆုံးသွားခဲ့သူ (၅၀) ကျော်ရှိပြီဖြစ်ပါသည်။

ယနေ့အဖမ်းအဆီးစာရင်းတွင် မိမိတို့အနေဖြင့် ယခုအချိန်အထိ ဖမ်းဆီးခြင်းခံရသူ (၁၈၃) ဦး၏အမည်စာရင်းကိုရရှိခဲ့၍ မှတ်တမ်းပြုထားပါသည်။ သို့သော်လည်း ရန်ကုန်မြို့တစ်မြို့အတွင်း၌ပင် ဆန္ဒပြကျောင်းသား လူငယ် စုစုပေါင်း (၄၀၀) ကျော်သည် ကျိုက္ကဆံကွင်းအတွင်း၌ ချုပ်နှောင်ခြင်းခံထားရသောကြောင့် ယနေ့တွင် အခြားဒေသများအပါအဝင် ပြည်သူအယောက် (၈၀၀) ထက်မနည်း ဖမ်းဆီးခြင်းခံခဲ့ရသည်။ မိမိတို့အနေဖြင့် ဆက်လက်စုံစမ်းလျက်ရှိပြီး ရရှိလာသည့်အချက်အလက်များကို ဆက်လက် ထုတ်ပြန်ပေးသွားမည်ဖြစ်ပါသည်။

အာဏာသိမ်းစစ်အုပ်စုသည် ငြိမ်းချမ်းစွာ ဆန္ဒထုတ်ဖော်သူများကို နေ့ရော၊ ညပါ နေ့စဉ်ရက်ဆက် အကြမ်းဖက်၍ ရက်စက်စွာ ဖြိုခွင်းလျက်ရှိသော်လည်း အနယ်နယ်အရပ်ရပ်မှ သပိတ်စစ်ကြောင်းများသည် စစ်အာဏာရှင်ကို ဆက်လက်၍ ဆန့်ကျင် တွန်းလှန်လျက်ရှိကြသည်။ မတ်လ ၁ ရက်နေ့တွင် အာဏာသိမ်းစစ်အုပ်စု၏ လူမဆန်သော အကြမ်းဖက် ဖြိုခွင်းမှုများသည်  ငြိမ်းချမ်းစွာဆန္ဒထုတ်ဖော်သူများအပေါ် ပို၍ ပြင်းထန်လာသည်ကို တွေ့ရှိရသည်။ 

ယနေ့တွင် မြန်မာနိုင်ငံအတွင်းရှိ ရန်ကုန်မြို့၊ မန္တလေးမြို့၊ ပြင်ဦးလွင်မြို့၊ မြင်းခြံမြို့၊ မုံရွာမြို့၊ မော်လမြိုင်မြို့၊ လွိုင်ကော်မြို့၊ ရေးမြို့၊ မြစ်ကြီးနားမြို့၊ ဖားကန့်မြို့၊ ၊ ပြည်မြို့၊ ပုသိမ်မြို့၊ တောင်တွင်းကြီး၊ ရွှေဘို၊ မြန်အောင်၊ စလင်းမြို့တို့၌ ရဲ နှင့် စစ်တပ်တို့မှ ငြိမ်းချမ်းစွာ ဆန္ဒထုတ်ဖော်သူများအား အင်အားသုံး၍ အကြမ်းဖက် ဖြိုခွင်းခဲ့ကြသည်။ ယနေ့တွင် ၎င်းတို့အသုံးပြုလေ့ရှိသည့် အသံဗုံး၊ မီးခိုးဗုံး၊ မျက်ရည်ယိုဗုံးများသာမက ကျည်အစစ်ကို အသုံးပြု၍ အဓိကထား ဖြိုခွင်းခဲ့သည်ကို တွေ့ရှိရသည်။ အထူးသဖြင့် ရန်ကုန်မြို့၊ မန္တလေးမြို့၊ မြင်းခြံမြို့၊ မုံရွာမြို့၊ မော်လမြိုင်မြို့၊ ပြင်ဦးလွင်မြို့ နှင့် ဖားကန့်မြို့တို့၌ ကျည်အစစ်များဖြင့် ပစ်ခတ်ခဲ့ကြသည်။ 

မြင်းခြံမြို့၌ အသက် ၂၀ နှစ်အရွယ် လူငယ် (၁) ဦး သည် ဦးခေါင်းပွင့်၍ ကျဆုံးသွားခဲ့ပြီး (၁၈) ဦး ကျည်သင့်ဒဏ်ရာရရှိခဲ့သည်။  မန္တလေးမြို့၌ အမျိုးသမီး (၁) ဦး နှင့် အမျိုးသား (၁) ဦးတို့သည် ဦးခေါင်း နှင့် ရင်ဘတ်တို့တွင် ကျည်ထိမှန်၍ ကျဆုံးသွားခဲ့ပြီး ပြည်သူ (၈) ဦးသည် ဒဏ်ရာ အပြင်းအထန်ရရှိခဲ့သည်။ မုံရွာမြို့၌ အမျိုးသမီး (၂) ဦး နှင့် အသက် (၁၇) နှစ်အရွယ်ကလေး (၁) ဦး အပါအဝင် ပြည်သူ (၆) ဦးတို့သည် ဦးခေါင်း၊ ရင်ဘက် နှင့် နောက်ကျောတို့တွင် ကျည်ထိမှန်၍ ကျဆုံးသွားခဲ့ပြီး ပြည်သူ (၁၀) ဦးထက်မနည်း ကျည်ထိမှန် ဒဏ်ရာရရှိခဲ့သည်။ စလင်းမြို့၌ လူငယ် (၁) ဦး ကျည်ထိမှန်၍ ကျဆုံးသွားခဲ့ပြီး (၈) ဦးထက်မနည်း ဒဏ်ရာရရှိခဲ့သည်။ ပြင်ဦးလွင်မြို့၌ ပြည်သူ (၂) ဦးသည်လည်း ကျည်သင့်ဒဏ်ရာများဖြင့် ကျဆုံးသွားခဲ့ပြီး ပြည်သူတချို့ ထိခိုက်ဒဏ်ရာရရှိခဲ့သည်။ မော်မြိုင်မြို့၌ ပြည်သူ (၁) ဦး ကျဆုံးခဲ့ပြီး (၁) ဦးသည် စိုးရိမ်ရသည့်အခြေအနေတွင်ရှိသည်။ ရန်ကုန်မြို့၊ မြောက်ဥက္ကလာပမြို့နယ်၌ (၇) ဦး ကျဆုံးခဲ့ပြီး (၂၀) ဦး ဒဏ်ရာပြင်းထန်စွာရရှိခဲ့သည်။ အွန်လိုင်းတွင် ပြန့်လာသည့် ဗီဒီယိုဖိုင်တစ်ခုတွင် စစ်အာဏာရှင်၏ လက်ပါးစေများ က လက်နက်မဲ့ အမျိုးသားတစ်ဦးကို ဖမ်းဆီး၍ ထိုသူရှေ့မှသွားနေစဉ် သူ၏နောက်မှနေ၍ သေနတ်ဖြင့်ပစ်ခတ်သတ်ဖြတ် ခဲ့သည်ကို တွေ့ရသည်။ လှိုင်သာယာမြို့နယ်မှ အမျိုးသား (၁) ဦးသည်လည်း ရင်ဘတ်ကို ကျည်ထိမှန်၍ ဒဏ်ရာအပြင်းအထန်ရရှိခဲ့သည်။ ထို့ပြင် တာမွေမြို့နယ်၌ ပြည်သူ (၁) ဦး၊ အင်းစိန်(ကြို့ကုန်း) ၌ (၃) ဦး၊ သာကေတမြို့နယ်၌ (၁၀) ဦး၊ ပုသိမ်မြို့၌ (၁) ဦးသည် ကျည်သင့်ဒဏ်ရာများရရှိခဲ့သည်။ ဖားကန့်မြို့၌လည်း ဆန္ဒပြလူငယ် (၃) ဦးထက်မနည်း ဒဏ်ရာရရှိခဲ့ပြီး (၂) ဦးသည် စိုးရိမ်ရသည့်အခြေအနေတွင်ရှိနေသည်။ ဒဏ်ရာရရှိသူများသည် ယခုထက်ပို၍ များပြားနိုင်ပြီး ခန့်မှန်းခြေအားဖြင့် (၁၀၀) ဝန်းကျင်ခန့်ရှိမည်ဖြစ်သည်။ 

ယနေ့တွင် မြောက်ဥက္ကလာပမြို့နယ်၌ ရဲ နှင့် စစ်သားများသည် လမ်းမထက်၌ တာယာကွင်းများကို စုပုံ၍ မီးရှို့ခဲ့ပြီး မွန်မြတ်စိတ်ထား ဘိုးဘွားစောင့်ရှောက်ရေးအသင်း ပရဟိတလူနာတင်ယာဉ်ရှိ စေတနာ့ဝန်ထမ်း (၄) ဦးကို သေနတ်ဒင်ဖြင့် ဦးခေါင်းကို အားကုန်လွှဲရိုက်ခြင်း၊ နံပါတ်တုတ်များဖြင့် ခေါင်းကို ရိုက်ခြင်းများကို လူမဆန်စွာ ပြုမူခဲ့သည်။ ထို စေတနာ့ဝန်ထမ်း (၄) ဦးအနက် (၁) ဦးသည် အဆိုပါဒဏ်ရာများဖြင့်ကျဆုံးခဲ့သည်။

ရဲ နှင့် စစ်တပ် မှ ငြိမ်းချမ်းစွာ ဆန္ဒထုတ်ဖော်သူများ နှင့် ပြည်သူများအပေါ် တနေ့ထက်တနေ့ ပို၍ ရန်လိုမှုများ ရှိလာပြီး ရန်သူများသဖွယ် ပြုမူဆက်ဆံလာသည်ကို တွေ့ရှိရသည်။ ၎င်းတို့မှ ပြည်သူများကို သားကောင်သဖွယ် သဘောထား၍ အဓိကသေစေနိုင်လောက်သည့် အစိတ်အပိုင်း များ အထူးသဖြင့် မျက်နှာ၊ ရင်ဘတ်၊ ဦးခေါင်း၊ နောက်ကျော နှင့် ဝမ်းဗိုက်တို့ကို ဦးတည်ချိန်ရွယ်၍ ရည်ရွယ်ချက်ရှိရှိ ချိန်ရွယ် ပစ်ခတ်သည်သာမက ငြိမ်းချမ်းစွာ ဆန္ဒထုတ်ဖော်လျက်ရှိသော လူအုပ် (ပြည်သူများ) အတွင်းသို့ တမင်တကာ ကြံရွယ်၍ ပစ်ခတ်လာသည်ကို တွေ့ရှိသည်။ သေဆုံးသူများအား တရွတ်တိုက်ဆွဲခေါ်သွားခြင်း၊ ဒဏ်ရာပြင်းထန်သူများအား ဆေးကုသခွင့်မပေးဘဲ အချုပ်ကားအတွင်းသို့ ကြမ်းတမ်းစွာ ပစ်သွင်းခြင်း၊ ဖမ်းဆီးရာ၌လည်း အကြမ်းဖက်ရိုက်နှက်ဖမ်းဆီးခြင်း၊ နေအိမ်များအတွင်းသို့ သေနတ်များဖြင့် အကြောင်းမဲ့ ပစ်ခတ်ခြင်း၊ ပြည်သူပိုင်ပစ္စည်းများကို မီးရှို့ခြင်း၊ လုယက်ခြင်း၊ စသည့် ရက်စက် ကြမ်းကြုပ်မှုများကို နေ့စဉ်နှင့်အမျှ ကျူးလွန်လျက်ရှိကြသည်။  ယနေ့အချိန်တွင် အများပြည်သူဆိုင်ရာ နေရာများသည် စစ်တလင်းအဖြစ်သာမက သတ်ကွင်းနေရာများအဖြစ်သို့ပါ ပြောင်းလဲလာခဲ့ပြီဖြစ်သည်။  

ရဲ နှင့် စစ်တပ်တို့၏ လုပ်ရပ်များသည် အကြမ်းဖက်သမားများ၏ပုံစံများနှင့်ထပ်တူကျလျက်ရှိသည်ကို များစွာသော ဖြစ်စဉ်များမှ ထင်ရှားစွာ ပြသလျက်ရှိသည်။ ၎င်းတို့သည် လူ့ဂုဏ်သိက္ခာကို လေးစားခြင်းနှင့် လူ့အသက်ကို တန်ဖိုးထားခြင်း မရှိဘဲ ရက်စက်စွာ ပြုမူလျက်ရှိသည်။ လုံခြုံရေးတပ်ဖွဲ့ဝင်များလိုက်နာရမည့်  ပြည်တွင်း နှင့် နိုင်ငံတကာဥပဒေများ၊ ကျင့်ဝတ်များကို လိုက်နာခြင်းမရှိဘဲ ဥပဒေစိုးမိုးရေးကင်းမဲ့စွာဖြင့် ရည်ရွယ်ချက်ရှိရှိဖြင့် ကျူးလွန်ခဲ့သော ရာဇဝတ်မှုတိုင်း အတွက် အာဏာသိမ်းစစ်အုပ်စုတွင် တာဝန်အပြည့်အဝရှိပြီး တာဝန်ခံရမည်ဖြစ်သည်။ လူ့အခွင့်အရေးချိုးဖောက်မှုများကို တရားမဲ့ ကျူးလွန်သော အကြမ်းဖက်စစ်အုပ်စုကို ပြင်းပြင်းထန်ထန် အရေးယူရမည်ဖြစ်သည်။ ၎င်းတို့ကို အရေးယူ ဆောင်ရွက်မှုများပြုလုပ်ရန် နှောင့်နှေးနေသမျှကာလပတ်လုံး ပြည်သူများသည် ဓားစာခံများသဖွယ်ရှိနေဦး မည်ဖြစ်သည်။ 

ယမန်နေ့ညနေပိုင်းက မကွေးတိုင်း၊ တောင်တွင်းကြီးမြို့နယ်တွင် စစ်တပ်မှ လူငယ်များကို ကျည်အစစ်ဖြင့် လိုက်လံပစ်ခတ် သည့်အတွက် အသက် ၁၆ နှစ်အရွယ် ကိုသီဟဇော်(ခ)နောင်နောင်သည် သေဆုံးသွားခဲ့ပြီး လူငယ်တချို့ ဒဏ်ရာရရှိကာ ဖမ်းဆီးခေါ်ဆောင်ခြင်း ခံခဲ့ရသည်။ ထို့ပြင် ဆိုင်ကယ်များကိုလည်း ယူဆောင်သွားခဲ့သည်။ 

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ လက်ရှိအခြေအနေများကို နေ့စဉ် စောင့်ကြည့် မှတ်တမ်းတင်သွားမည်ဖြစ်ပြီး စစ်အာဏာသိမ်းမှုနှင့်ပတ်သက်၍ ဖမ်းဆီး၊တရားစွဲဆို၊ ပြစ်ဒဏ် ချမှတ်ခြင်းခံထားရသူများ၏ စာရင်းကို နေ့စဉ်ထုတ်ပြန်သွားမည်ဖြစ်သည်။ 

အရပ်ဘက်အဖွဲ့အစည်းမှ ခေါင်းဆောင်များ၊ အရပ်သားများ၊ တက်ကြွလှုပ်ရှားသူများ၊ သတင်းသမားများ၊ CDM လှုပ်ရှားနေသည့် ဝန်ထမ်းများစသည့် နယ်ပယ်အသီးသီးမှ မည်သူမဆို ဖမ်းဆီး၊ထိန်းသိမ်း၊ တရားစွဲဆိုခြင်းခံထားရသည်ကို သိရှိပါက အောက်ပါလိပ်စာများသို့  ဆက်သွယ်၍ အသိပေး၊ အကြောင်းကြား နိုင်ပါသည်။ 

Email :   [email protected]

Facebook : https://web.facebook.com/burmapoliticalprisoners/

Twitter : https://twitter.com/aapp_burma