၂၀၂ဝ ခုနှစ်၊ ဧပြီလ၊ လစဉ်သတင်းလွှာ

ဟောပြောဆွေးနွေးပွဲများပြုလုပ်ခြင်း

ကွာရန်တင်းစင်တာ (၉)ခု၌ မိမိကိုယ်ကိုမိမိစောင့်ရှောက်ခြင်းနှင့် စိတ်ဓါတ်ခွန်အားမြှင့်တင်ရေး ဟောပြောပွဲများ ပြုလုပ်ခြင်း

ကွာရန်တင်းစင်တာ (COVID-19 ကူးစက်ရောဂါထိန်းချုပ်ရေး စင်တာ) များ၌ နေထိုင်နေရသော ပြည်သူများ၊ စေတနာ့ ဝန်ထမ်း များနှင့် ကျန်းမာရေးဝန်ထမ်းများ၏စိတ်ဖိစီးမူများလျော့ပါးစေ ရေးနှင့် စိတ်ခွန်အားဖြစ်ပေါ်စေရန်၊ ထိုသူများ COVID-19 ကာကွယ်ရေးနှင့်ပတ်သက်ပြီး ပိုမိုသိရှိနားလည်၍ လိုက်နာ ကျင့်သုံးစေရန် ရည်ရွယ်၍ နိုင်ငံရေးအကျဉ်းသားများ ကူညီ စောင့်ရှောက်ရေးအသင်း (AAPP)မှ ဧပြီလ ၁၈ ရက်နေ့မှ စတင် ၍  ပဲခူးတိုင်းဒေသကြီးအတွင်း၌ မိမိကိုယ်ကိုမိမိ စောင့်ရှောက် ခြင်းနှင့် စိတ်ဓါတ်ခွန်အားမြှင့်တင်ရေးဟောပြောပွဲများကို ပြုလုပ် ခဲ့သည်။  အဆိုပါဟောပြောပွဲများတွင် AAPP မှ ဆရာမ နှင်းပန်းအိမ်မှ ဦးဆောင်ဆွေးနွေးခဲ့ပြီး AAPP ရန်ကုန် ရုံးတာဝန်ခံ ဦးအောင်မျိုးကျော်၊ AAPP အဖွဲ့ဝင်များဖြစ်ကြသော ကိုဝဏ္ဏနွယ်၊ ကိုကျော်ဦး၊ ကိုလွင်မိုးမြင့်၊ ကိုခင်မောင်ဝင်း၊ ကိုမောင်မောင်နိုင်၊ ကိုမိုးကျော်ဦးနှင့် ကိုသန်းထိုက်ဝင်း တို့မှ ပူးပေါင်း ပါဝင် ဟောပြော၍ အားဖြည့်ကူညီခဲ့သည်။ အဆိုပါ ဟောပြောပွဲများကို သက်ဆိုင်ရာ ဒေသလွှတ်တော်ကိုယ်စားလှယ်များ၊ မြို့နယ် အုပ်ချုပ်ရေးမှူးများ၊ မြို့နယ်ဆရာဝန်ကြီးများ၊ ၈၈ငြိမ်းပွင့် အဖွဲ့ဝင်များ၊ နိုင်ငံရေးအကျဉ်းသားဟောင်းများ၊ စေတနာ့ ဝန်ထမ်းများ၊  ကိုဗစ်ရောဂါ ကာကွယ်ထိန်းချုပ်ရေး ကော်မတီဝင် များမှ ပူးပေါင်းဆောင်ရွက်ခဲ့သည်။

Figure 1 ဆရာမနှင်းပန်းအိမ်မှ ပဲခူးတိုင်းဒေသကြီးအတွင်းရှိ ကွာရန်တင်းစင်တာများ၌ ဟောပြောပို့ချ

ဧပြီလ ၁၈ ရက်နေ့မှ ဧပြီလ ၂၆ ရက်နေ့အထိ နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP)မှ ပဲခူးတိုင်းအရှေ့ခြမ်း၊ ပဲခူး၊ ရေတာရှည်၊ တောင်ငူ၊ ညောင်လေးပင်၊ ကျောက်တံခါး၊ အုတ်တွင်း၊ ဖြူးမြို့နယ်များရှိ COVID-19 ကွာရန်တင်းစင်တာ (၉)ခု၌ ကွာရန်တင်းဝင် နေကြသူများ၊ စေတနာ့ဝန်ထမ်းများ၊ ကျန်းမာရေးဝန်ထမ်းများ၊ အုပ်ချုပ်ရေးအဖွဲ့များ၊ ရဲတပ်ဖွဲ့ဝင်များ နှင့် အခြားသက်ဆိုင်ရာ ဌာနဆိုင်ရာ ဝန်ထမ်းများအတွက် စိတ်ခွန်အားဖြစ်စေမည့် ဟောပြောပွဲများ ပြုလုပ်နိုင်ခဲ့သည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ ကွာရန်တင်းဝင် လူဦးရေ စုစုပေါင်း (၄၄၆) ဦးနှင့် စေတနာ့ဝန်ထမ်းဦးရေ စုစုပေါင်း (၁၃၈) ဦးကို ဟောပြော ဆွေးနွေးပေးနိုင်ခဲ့သည်။ 

ပဲခူးမြို့ရှိ ကွာရန်တင်းစင်တာ  နှစ်ခု၌ ကွာရန်တင်းဝင် လူဦးရေ (၁၅၃) ဦးနှင့် စေတနာ့ဝန်ထမ်းဦးရေ (၃၅) ဦး
ရေတာရှည်မြို့ရှိ ကွာရန်တင်းစင်တာ တစ်ခု၌ ကွာရန်တင်းဝင်လူဦးရေ (၁၁၁) ဦးနှင့် စေတနာ့ ဝန်ထမ်းဦးရေ (၂၀) ဦး
ဆွာမြို့ရှိ ကွာရန်တင်းစင်တာ တစ်ခု၌ ကွာရန်တင်းဝင် လူဦးရေ (၃၀) ဦးနှင့် စေတနာ့ဝန်ထမ်းဦးရေ (၁၀) ဦး
တောင်ငူမြို့ရှိ ကွာရန်တင်းစင်တာ တစ်ခု၌ ကွာရန်တင်းဝင်လူဦးရေ (၅၂) ဦးနှင့် စေတနာ့ဝန်ထမ်း ဦးရေ (၁၅) ဦး
ညောင်လေးပင်မြို့ရှိ ကွာရန်တင်းစင်တာ တစ်ခု၌ ကွာရန်တင်းဝင်လူဦးရေ (၂၃) ဦးနှင့် စေတနာ့ဝန်ထမ်း ဦးရေ (၁၀) ဦး
ကျောက်တံခါးမြို့နယ်ရှိ ကွာရန်တင်းစင်တာ  တစ်ခု၌ ကွာရန်တင်းဝင်လူဦးရေ (၃၀) ဦးနှင့် စေတနာ့ဝန်ထမ်း ဦးရေ (၃၀) ဦး
အုတ်တွင်းမြို့နယ်ရှိ ကွာရန်တင်းစင်တာ တစ်ခု၌ ကွာရန်တင်းဝင်လူဦးရေ (၁၁) ဦးနှင့် စေတနာ့ဝန်ထမ်း ဦးရေ (၁၀) ဦး
ဖြူးမြို့နယ်ရှိ ကွာရန်တင်းစင်တာ  တစ်ခု၌ ကွာရန်တင်းဝင်လူဦးရေ (၃၆) ဦးနှင့် စေတနာ့ဝန်ထမ်း ဦးရေ (၈) ဦး တို့ကို ဟောပြောဆွေးနွေးခဲ့သည်။

အောက်ပါ ဗီဒီယိုမှတ်တမ်းများကိုလည်း ဝင်ရောက် ကြည့်ရှု လေ့လာနိုင်ပါသည်။ 

https://www.youtube.com/watch?v=rWuv9ve6O0&t=4s

https://www.youtube.com/watch?v=AoWpvQ_SCRk&t=6s 

အထွေထွေလှုပ်ရှားမှုများ

သတင်းစာဆရာကြီးဟံသာဝတီဦးဝင်းတင် ကွယ်လွန်ခြင်း (၆) နှစ် ပြည့် အပြာရောင်လှုပ်ရှားမှုပြုလုပ်ခြင်း

Figure 2 သတင်းစာဆရာကြီးဟံသာဝတီဦးဝင်းတင် ကွယ်လွန်ခြင်း (၆) နှစ်ပြည့် အပြာရောင်လှုပ်ရှားမှုပြုလုပ်

ဧပြီလ ၂၁ ရက်နေ့တွင် ကျရောက်သော သတင်းစာဆရာကြီး ဟံသာဝတီ ဦးဝင်းတင် ကွယ်လွန်ခြင်း (၆) နှစ်ပြည့် မြောက်သည့် နေ့၌ ဦးဝင်းတင်အား ဂုဏ်ပြုသောအားဖြင့် နိုင်ငံရေး အကျဉ်းသားများ ကူညီစောင့်ရှောက်ရေးအသင်း(AAPP)မှ အပြာရောင်အကျႌ ဝတ်ဆင်၍ လှုပ်ရှားမှုတစ်ခုကို ဦးဆောင် ပြုလုပ်ခဲ့ပြီး နိုင်ငံရေးအကျဉ်းသားများကို ခြွင်းချက်မရှိ လွှတ်ပေး ရန် တောင်းဆိုခဲ့သည်။ နိုင်ငံရေးအကျဉ်းသားဟောင်းများ၊ သံရုံး အသီးသီးမှ တာဝန်ရှိသူများ၊ တက်ကြွလှုပ်ရှားသူများ၊ အဖွဲ့အစည်းအသီးသီးမှ အဖွဲ့ဝင်များသည် အဆိုပါလှုပ်ရှားမှုတွင် ပူးပေါင်းပါဝင်ခဲ့ပြီး အပြာရောင်အကျႌများ ဝတ်ဆင်၍ နိုင်ငံရေး အကျဉ်းသားများ လွတ်မြောက်ရန်အတွက် တောင်းဆိုခဲ့သည်။

COVID-19 ကာလအတွင်း လှုပ်ရှား ဆောင်ရွက်မှုများ

နိုင်ငံရေးအကျဉ်းသားဟောင်းများမှ နိုင်ငံရေးအကျဉ်းသား ဟောင်းများသို့ ကူညီထောက်ပံ့ရေးအစီအစဉ်၌ ပူးပေါင်းပါဝင် 

Figure 3 နိုင်ငံရေးအကျဉ်းသားဟောင်းများမှ နိုင်ငံရေးအကျဉ်းသားဟောင်းများသို့ ကူညီ ထောက်ပံ့ရေးအစီအစဉ်၌ ပူးပေါင်းပါဝင်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)သည် ပြည်သူ့ပါတီ၊ အခြားသော နိုင်ငံရေးအကျဉ်းသား အဖွဲ့များနှင့်ပူးပေါင်း၍ စီးပွားရေးအခက်အခဲရှိသည့် နိုင်ငံရေး အကျဉ်းသားဟောင်းများအား COVID-19 ကာလအတွက် ထောက်ပံ့နိုင်ရေး နိုင်ငံရေးအကျဉ်းဟောင်းများမှ နိုင်ငံရေး အကျဉ်းသားဟောင်းများသို့ လှုပ်ရှားမှုအတွက် နိုင်ငံရေး အကျဉ်းသားဟောင်း စာရင်းအား ပြုစုပေးခဲ့သည်။ ထို့ပြင် အဆိုပါလှုပ်ရှားမှုတွင်  ရန်ကုန်တိုင်း ဒေသကြီးအတွင်း၌ နေထိုင် ကြသည့် နိုင်ငံရေးအကျဉ်းသားဟောင်း (၅၀၀) ဝန်းကျင်ကို ကူညီထောက်ပံ့ရေးအတွက်AAPP အဖွဲ့သားများမှ  ပူးပေါင်းပါဝင် ခဲ့သည်။

ထို့ပြင် ပဲခူးတိုင်းဒေသကြီး၊ ကျောက်ကြီးမြို့နယ်ရှိ နိုင်ငံရေး အကျဉ်းသား (၄၀) ဝန်းကျင်ကို ကူညီထောက်ပံ့နိုင်ရေးအတွက် နိုင်ငံရေးအကျဉ်းသားဟောင်း ကိုဘိုတောက်မှတစ်ဆင့် ချိတ်ဆက်ဆောင်ရွက်ပေးခဲ့သည်။

၎င်းပြင် နိုင်ငံရေးအကျဉ်းသားဟောင်း ဦးဖြိုးမင်းသိန်းမှ နိုင်ငံရေး အကျဉ်းသားဟောင်းများအား ထောက်ပံ့ကူညီရန် အစီအစဉ် ရှိသဖြင့် နိုင်ငံရေးအကျဉ်းသားဟောင်းများမှ နိုင်ငံရေး အကျဉ်းသားဟောင်းများသို့ လှုပ်ရှားမှုအတွက် AAPP မှ ပါဝင် ပြုစုထားသော နိုင်ငံရေးအကျဉ်းသားဟောင်းစာရင်းအား ပေးပို့ ခဲ့ပြီးနိုင်ငံရေးအကျဉ်းသားဟောင်းများ အထောက်အပံ့ ရရှိနိုင် ရေး ဆောင်ရွက်ခဲ့သည်။

We Love Yangon မှ အကူအညီတောင်းခံလာသည့်အတွက် AAPP ရုံးကားနှစ်စီးဖြင့် ဗော်လန်တီယာများအား နေ့စဉ်ကြိုပို့ ဆောင်ရွက်ပေးခဲ့သည်။

ရန်ကုန်တိုင်းဒေသကြီး၊ ပန်းဘဲတန်းမြို့နယ်၊ လွှတ်တော် ကိုယ်စားလှယ် ဦးသန်းနိုင်ဦးမှ ရန်ကုန်တိုင်းအတွင်းရှိ အကူအညီ လိုအပ်နေသူများအားထောက်ပံ့ရာ၌ ဝိုင်းဝန်းကူညီပေးခဲ့သည်။

ပဲခူးတိုင်းဒေသကြီး၊ ရေတာရှည်မြို့နယ်အတွက် လိုအပ်နေသည့် PPE ဝတ်စုံများ၊ Mask များ၊ လက်အိတ်များ၊ ပိုးသတ်ဆေးဖြန်း စက်များနှင့် အခြားလိုအပ်သည့်ပစ္စည်းများအား အလှူရှင်များ နှင့် ချိတ်ဆက်၍ ကူညီလှူဒါန်းပေးခဲ့သည်။

ဧပြီလအတွင်းတွင် ရွှေပြည်သာမြို့နယ်တွင်နေထိုင်သော နိုင်ငံရေးအကျဉ်းသားဟောင်းကိုတင့်ဆန်းမှ Mask များ လိုအပ် လျက်ရှိသည်ဟု အကူအညီတောင်းခံလာသည့်အတွက် နိုင်ငံရေး အကျဉ်းသားဟောင်းများ ကူညီစောင့်ရှောက်ရေးအသင်း (AAPP) မှ ရွှေပြည်သာမြို့နယ်အတွက် Mask အခု(၅၀၀) ကို လှူဒါန်းခဲ့ သည်။

စိတ်ဓာတ်ပြန်လည်မြှင့်တင်ရေးအစီအစဉ် (MHAP)

နှစ်သိမ့်ဆွေးနွေးပေးခြင်း

စိတ်ပိုင်းဆိုင်ရာအကြံပေးခြင်းကို  အွန်လိုင်းမှတစ်ဆင့် ပြုလုပ် ခြင်း

COVID–19 ကာလအတွင်း စိတ်ဖိစီးမှု၊ စိတ်အလိုမကျမှု၊ ပူပင် သောကမှုများကို ဖြေလျော့ပေးရန် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏  စိတ်ဓာတ်ပြန်လည် မြှင့်တင်ရေးအစီအစဉ်မှ စိတ်ပိုင်းဆိုင်ရာ အကြံပေးခြင်း အစီအစဉ်ကို အွန်လိုင်းမှတစ်ဆင့် ဧပြီလ ၃ ရက်နေ့တွင် စတင် လုပ်ဆောင်ခဲ့သည်။ ဧပြီလအတွင်းတွင်AAPP မှ ကောင်ဆယ်လာ များသည် နှစ်သိမ့်ဆွေးနွေးပေးရန် ဆက်သွယ်လာကြသည့် ရန်ကုန်တိုင်း၊ ပဲခူးတိုင်း၊ မန္တလေးတိုင်း၊ မကွေးတိုင်း၊ ဧရာဝတီတိုင်း၊ ကရင်ပြည်နယ်၊ ကချင်ပြည်နယ်၊ မွန်ပြည်နယ်၊ အမေရိကန်ပြည်ထောင်စုနှင့် ထိုင်းနိုင်ငံတို့မှ အမျိုးသား ၂ဝ ဦးနှင့် အမျိုးသမီး ၂၆ ဦးတို့ကို အွန်လိုင်းမှတစ်ဆင့် နှစ်သိမ့် ဆွေးနွေးပေးခဲ့သည်။

မိမိကိုယ်မိမိဂရုစိုက်ခြင်းနှင့် ပတ်သက်သည့် ဗွီဒီယိုများ ထုတ်လွှင့်ခြင်း

AAPP ၏ သင်တန်းဆရာတစ်ဦးဖြစ်သော ကိုထင်အောင်သည် ဗွီဒီယိုဖြင့် အွန်လိုင်းမှ မိမိကိုယ်မိမိဂရုစိုက်ခြင်းနှင့် ပတ်သက် သည်များကို ထုတ်လွှင့်ခဲ့သည်။ အောက်ပါ ဗွီဒီယိုမှတ်တမ်း များကိုလည်း ဝင်ရောက်ကြည့်ရှုနိုင်သည်။

https://www.facebook.com/634323476905777/videos/2874302449325464

https://www.facebook.com/634323476905777/videos/629672160946014

https://www.facebook.com/634323476905777/videos/682589505911927

https://www.facebook.com/634323476905777/videos/525846871703438

ဆက်သွယ်မေးမြန်းရန်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း

တိတ်နိုင် အတွင်းရေးမှူး                        +၉၅(၀) ၉၄၂  ၈၀၂  ၃၈၂၈

အောင်မျိုးကျော် ရန်ကုန်ရုံးတာဝန်ခံ         +၉၅(၀) ၉၄၂  ၈၁၁  ၇၃၄၈ 

ဦးကျော်စိုးဝင်း စိတ်ဓါတ်ပြန်လည်မြှင့်တင်ရေးတာဝန်ခံ +၉၅(၀)၉၇၇၄၃၃၆၇၆၀