၂၀၂ဝ ခုနှစ်၊ ဖေဖော်ဝါရီလ၊ လစဉ်သတင်းလွှာ

လူအခွင့်အရေးဆိုင်ရာအသိပညာဆွေးနွေးပွဲ

ရန်ကုန်တိုင်းဒေသကြီးတွင် အခြခံလူ့အခွင့်အရေးဆိုင်ရာ ဟောပြော ဆွေးနွေးပွဲများကို ပို့ချပေးခြင်း

IDAP ကိုယ်ပိုင်အထက်တန်းကျောင်းတွင် ပြုလုပ်သော လူ့အခွင့်အရေးဆိုင်ရာ အသိပညာပေး ဆွေးနွေးပွဲ

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)မှ ကြီးမှူး၍ အခြေခံလူ့အခွင့်အရေးဆိုင်ရာ ဟောပြော ဆွေးနွေးပွဲပေါင်း (၂) ပွဲကို ရန်ကုန်တိုင်းဒေသကြီး၊ အရှေ့ပိုင်း ခရိုင်အတွင်းရှိ ဒဂုံမြို့သစ်တောင်ပိုင်းမြို့နယ်၌ လည်းကောင်း၊ ဟောပြောဆွေးနွေးပွဲ (၁)ပွဲကို ရန်ကုန်တိုင်း ဒေသကြီး၊ မြောက်ပိုင်းခရိုင်အတွင်းရှိ အင်းစိန်မြို့နယ်၌ လည်းကောင်း ဟောပြော ပို့ချပေးခဲ့သည်။ အဆိုပါဟောပြော ဆွေးနွေးပွဲများသို့ လူဦးရေ စုစုပေါင်း (၂၁၀) ဦး ပူးပေါင်း ပါဝင် တက်ရောက် ခဲ့သည်။ 

ဒဂုံမြို့သစ်တောင်ပိုင်းမြို့နယ်တွင် ဟောပြော ဆွေးနွေးပွဲ ပေါင်း (၂)ပွဲကို IDAP ကိုယ်ပိုင်အထက်တန်းကျောင်း တစ်ကျောင်း၌ ဟောပြောပို့ချပေးခဲ့ပြီး ကျောင်းသား၊ ကျောင်းသူနှင့် ဆရာ၊ဆရာမ စုစုပေါင်း (၁၈၀) ဦး တက်ရောက်ခဲ့သည်။
အင်းစိန်မြို့နယ်တွင် အမျိုးသားဒီမိုက​ရေစီအဖွဲ့ချုပ် ပညာရေးကွန်ရက်၏ အမေ့အိမ် အသက်မွေးမှု ပညာဒါန သင်တန်းကျောင်းတွင် ဟောပြောပို့ချခဲ့ပြီး ကျောင်းသား၊ ကျောင်းသူ၊ ဆရာ၊ဆရာမများနှင့် သင်တန်းအုပ်ချုပ်သူ စုစုပေါင်း (၃၀)ဦး တက်ရောက်ခဲ့သည်။

အဆိုပါ ဟောပြောဆွေးနွေးပွဲများတွင် AAPP မှ ကိုဝဏ္ဏနွယ်၊ ကိုကျော်ဦး၊ ကိုခင်မောင်ဝင်း၊ ကိုမျိုးထွန်း၊ မပိုင်ရည်မွှေး  နှင့် AAPP ၏ လူ့အခွင့်အရေး TOT သင်တန်းဆင်း မတင်ဝင်းမော်ထွေး တို့မှ ဦးဆောင် ဆွေးနွေးပေးခဲ့သည်။ အဓိကဆွေးနွေးပေးသောအကြောင်းအရာများမှာ အခြေခံ လူ့အခွင့်အရေးနှင့် အပြည်ပြည်ဆိုင်ရာ လူ့အခွင့်အရေး ကြေညာ စာတမ်း ဖြစ်ပေါ်လာပုံ သမိုင်းကြောင်း၊ လူသားချင်းစာနာ ထောက်ထားမှုဥပဒေနှင့်သက်ဆိုင်သော အကြောင်းအရာများ၊ ခွဲခြားဆက်ဆံမှု လျော့နည်းပပျောက်စေမည့် အကြောင်းအရာ များ၊ မူးယစ်​ဆေးဝါး၏ ဆိုးကျိုးများကို ဆွေးနွေးခဲ့သည်။ ထို့နောက် တာဝန်ယူမှု/တာဝန်ခံမှုရှိစေသော Movie Clip များ၊ ဘဝအတွက် ခွန်အားဖြစ်စေသော Movie Clip များကို ပြသပေးခဲ့ပြီး ကျောင်းသား/ကျောင်းသူများနှင့် အပြန်အလှန် ဆွေးနွေးခဲ့သည်။ 

ဟောပြောပွဲများပြီးဆုံးပြီးနောက် တက်ရောက်သူများကြား လူ့အခွင့်အရေးဆိုင်ရာ အသိပညာဗဟုသုတများ မြှင့်တင်ရန် ရည်ရွယ်၍ AAPP မှ အချက် ၃ဝ ပါ အပြည်ပြည်ဆိုင်ရာ လူ့အခွင့်အရေး ကြေညာ စာတမ်း (UDHR) အိတ်ဆောင် စာအုပ် များနှင့် ပိုစတာများကို ဝေငှခဲ့သည်။

ကယားပြည်နယ်တွင် လူ့အခွင့်အရေးသင်တန်း ပို့ချခြင်း

ကယားပြည်နယ်တွင် လူ့အခွင့်အရေးသင်တန်း ပို့ချခြင်း

ဖေဖော်ဝါရီလအတွင်းတွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ လူ့အခွင့်အရေး သင်တန်းကို ကယားပြည်နယ်၊ လွိုင်ကော်မြို့ရှိ အမျိုးသား ဒီမိုကရေစီအဖွဲ့ချုပ် (ပြည်နယ်ရုံး) ၌ ပို့ချပေးခဲ့သည်။ ဖေဖော်ဝါရီလ ၁၄ ရက်နေ့မှ ဖေဖော်ဝါရီလ ၁၉ ရက်နေ့ထိ ပြုလုပ်ခဲ့သော (၆)ရက်တာ သင်တန်း၌ သင်တန်းနည်းပြအဖြစ် ကိုဝဏ္ဏနွယ်မှ သင်တန်း ပို့ချပေးခဲ့သည်။ သင်တန်းကို သင်တန်းသူ (၁၈)ဦး၊ သင်တန်းသား (၅)ဦးတို့ တက်ရောက်ခဲ့ကြပြီး ၎င်းတို့သည် အမျိုးသား ဒီမိုကရေစီအဖွဲ့ချုပ်(NLD)ပါတီမှ အဖွဲ့ဝင်များ၊ လူငယ်များနှင့် AAPP အဖွဲ့ဝင် တစ်ဦးတို့ ဖြစ်ကြသည်။ ထို့ပြင် သင်တန်း တက်ရောက်သူများသည် ရှမ်း၊ မွန် – ရှမ်း၊ ကယော၊ ကယန်း၊ ကယား၊ ပအိုဝ်း၊ ဗမာ၊ ကရင်၊ ဂေးဘား တိုင်းရင်းသား များဖြစ်ကြသည်။ သင်တန်းပို့ချခဲ့သော ကယားပြည်နယ်တွင် မြေယာသိမ်းဆည်းခြင်းစသည့် လူ့အခွင့်အရေး ချိုးဖောက်မှု များကို ရင်ဆိုင်နေကြရသည်။

သင်တန်းပို့ချရခြင်း၏ ရည်ရွယ်ချက်သည် ဒီမိုကရေစီ နိုင်ငံတော် တည်ဆောက်ရေးတွင် ပါဝင်ကြသူများကို အားပေး မြှင့်တင်ရန်နှင့် အသိပညာများရရှိလာရန် ရည်ရွယ်၍ စွမ်းဆောင် ရည် မြှင့်တင်ပေးခြင်းဖြစ်သည်။ 

စည်းရုံးလှုံ့ဆော်ခြင်းနှင့် တိုက်တွန်းခြင်း

ပြည်သူ့လွှတ်တော်၊ နိုင်ငံတကာ ဆက်ဆံရေး ကော်မတီနှင့် တွေ့ဆုံဆွေးနွေး

ပြည်သူ့လွှတ်တော်၊ နိုင်ငံတကာ ဆက်ဆံရေး ကော်မတီနှင့် တွေ့ဆုံဆွေးနွေး

ဖေဖော်ဝါရီလ ၃ ရက်နေ့တွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ တွဲဘက်အတွင်းရေးမှူး ဦးဘိုကြည်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ AAPP အဖွဲ့ဝင် ကိုခင်မောင်ဝင်း၊ Human Rights Defenders and Promoters (HRDP) မှ ကိုအောင်ဇော်ဦး၊ Equality Myanmar မှ မမေဖူးပွင့်အောင်၊ The Seagull မှ မစုချစ် တို့ပါဝင်သည့် လူ့အခွင့်အရေး ချိုးဖောက်မှု ကာကွယ်တားဆီးရေး လုပ်ငန်းအဖွဲ့သည် နေပြည်တော်၊ ပြည်သူ့လွှတ်တော်၊ နိုင်ငံတကာ ဆက်ဆံရေး ကော်မတီ နှင့် တွေ့ဆုံဆွေးနွေးခဲ့သည်။ ဆွေးနွေးပွဲအား နေ့လည် ၁၂ : ၄၅ မိနစ်မှ နေ့လည် ဝ၂ : ဝဝ နာရီထိ ပြည်သူ့လွှတ်တော် နိုင်ငံတကာ ဆက်ဆံရေး ကော်မတီအစည်းအဝေးခန်းမတွင် ပြုလုပ်ခဲ့သည်။ ကော်မတီ ဥက္ကဌ ဦးဇော်သိန်းအပါအဝင် ကော်မတီအဖွဲ့ဝင်များနှင့် လူ့အခွင့်အရေးချိုးဖောက်မှုများ၊ ညှဉ်းပန်းနှိပ်စက်မှုများ ကာကွယ်တားဆီး နိုင်ရန်နှင့် ပြည်သူများလုံခြုံမှုအပြည့်အဝ ရရှိစေရန်အတွက် အရေးကြီးသော စာချုပ်နှစ်ခု ဖြစ်သည့် ICCPR နှင့် UNCAT စာချုပ်များကို နိုင်ငံတော်အစိုးရမှ အတည်ပြုလက်မှတ်ရေးထိုးရန်အတွက် ဆွေးနွေးခဲ့ကြသည်။

ပြည်သူ့လွှတ်တော်၊ ပြည်သူ့ရေးရာစီမံခန့်ခွဲမှုကော်မတီနှင့် တွေ့ဆုံဆွေးနွေး

ပြည်သူ့လွှတ်တော်၊ ပြည်သူ့ရေးရာစီမံခန့်ခွဲမှုကော်မတီနှင့် တွေ့ဆုံဆွေးနွေး

ဖေဖော်ဝါရီလ ၃ ရက်နေ့တွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ တွဲဘက်အတွင်းရေးမှူး ဦးဘိုကြည်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ AAPP အဖွဲ့ဝင် ကိုခင်မောင်ဝင်း၊ Human Rights Defenders and Promoters (HRDP) မှ ကိုအောင်ဇော်ဦး၊ Equality Myanmar မှ မမေဖူးပွင့်အောင်၊ The Seagull မှ မစုချစ် တို့ပါဝင်သည့် လူ့အခွင့်အရေး ချိုးဖောက်မှု ကာကွယ်တားဆီးရေး လုပ်ငန်းအဖွဲ့သည် နေပြည်တော်၊ ပြည်သူ့လွှတ်တော်၊ ပြည်သူ့ရေးရာစီမံခန့်ခွဲရေးကော်မတီတို့နှင့် တွေ့ဆုံဆွေးနွေး ခဲ့သည်။ နေပြည်တော်ရှိ ပြည်သူ့လွှတ်တော်၊ ပြည်သူ့ရေးရာ စီမံခန့်ခွဲမှုကော်မတီ အစည်းအဝေးခန်းမတွင် နေ့လည် ၂:၁၅ မိနစ်မှ ဝ၄:၀ဝ နာရီအထိ ကော်မတီဥက္ကဌ ဒေါက်တာအောင်ထွန်းခိုင် အပါအဝင် ကော်မတီအဖွဲ့ဝင်များနှင့် လူ့အခွင့်အရေး            ချိုးဖောက်မှုများ၊ ညှဉ်းပန်းနှိပ်စက်မှုများ ကာကွယ်တားဆီးနိုင်ရန်နှင့် ပြည်သူများလုံခြုံမှုအပြည့်အဝ ရရှိစေရန်တို့အတွက် အရေးကြီးသော စာချုပ်နှစ်ခု ဖြစ်သည့် ICCPR နှင့် UNCAT စာချုပ်များကို နိုင်ငံတော်အစိုးရမှ အတည်ပြုလက်မှတ်ရေးထိုး ရန်အတွက် ဆွေးနွေးခဲ့ကြသည်။

ပြည်သူ့လွှတ်တော်၊ နိုင်ငံသားများ၏ မူလအခွင့်အရေးဆိုင်ရာ ကော်မတီနှင့် တွေ့ဆုံဆွေးနွေး

ပြည်သူ့လွှတ်တော်၊ နိုင်ငံသားများ၏ မူလအခွင့်အရေးဆိုင်ရာ ကော်မတီနှင့် တွေ့ဆုံဆွေးနွေး

ဖေဖော်ဝါရီလ ၄ ရက်နေ့တွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ တွဲဘက်အတွင်းရေးမှူး ဦးဘိုကြည်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ AAPP အဖွဲ့ဝင် ကိုခင်မောင်ဝင်း၊ Human Rights Defenders and Promoters (HRDP) မှ ကိုအောင်ဇော်ဦး၊ Equality Myanmar မှ မမေဖူးပွင့်အောင်၊ The Seagull မှ မစုချစ် တို့ ပါဝင်သည့် လူ့အခွင့်အရေး ချိုးဖောက်မှု ကာကွယ်တားဆီးရေး လုပ်ငန်းအဖွဲ့သည် နေပြည်တော်၊ ပြည်သူ့လွှတ်တော်၊ နိုင်ငံသားများ၏ မူလအခွင့်အရေးဆိုင်ရာ ကော်မတီနှင့် တွေ့ဆုံဆွေးနွေးခဲ့ကြသည်။ ဆွေးနွေးပွဲအား နံနက် ဝ၈ : ဝဝ နာရီမှ ဝ၉ : ၃ဝ နာရီခွဲထိ ပြည်သူ့လွှတ်တော် နိုင်ငံသားများ၏ မူလအခွင့်အရေးဆိုင်ရာကော်မတီ အစည်းအဝေးခန်းမတွင် ပြုလုပ်ခဲ့ပြီး ကော်မတီ ဥက္ကဌ ဦးစော အပါအဝင် ကော်မတီအဖွဲ့ဝင်များနှင့် လူ့အခွင့်အရေးချိုးဖောက်မှုများ၊ ညှဉ်းပန်း နှိပ်စက်မှုများ ကာကွယ်တားဆီးနိုင်ရန်နှင့် ပြည်သူများလုံခြုံမှုအပြည့်အဝရ ရှိစေရန်တို့အတွက် အရေးကြီးသော စာချုပ်နှစ်ခု ဖြစ်သည့် ICCPR နှင့် UNCAT စာချုပ်များကို နိုင်ငံတော်အစိုးရမှ အတည်ပြုလက်မှတ် ရေးထိုးရန်အတွက် ဆွေးနွေးခဲ့ကြသည်။

အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီနှင့် တွေ့ဆုံဆွေးနွေး

အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီနှင့် တွေ့ဆုံဆွေးနွေး

ဖေဖော်ဝါရီလ ၄ ရက်နေ့တွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)မှ တွဲဘက်အတွင်းရေးမှူး ဦးဘိုကြည်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ AAPP အဖွဲ့ဝင် ကိုခင်မောင်ဝင်း၊ Human Rights Defenders and Promoters (HRDP) မှ ကိုအောင်ဇော်ဦး၊ Equality Myanmar မှ မမေဖူးပွင့်အောင်၊ The Seagull မှ မစုချစ် တို့ ပါဝင်သည့် လူ့အခွင့်အရေး ချိုးဖောက်မှု ကာကွယ်တားဆီးရေး လုပ်ငန်းအဖွဲ့သည် နေပြည်တော်၊ အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီနှင့် တွေ့ဆုံဆွေးနွေး ခဲ့ကြသည်။ ဆွေးနွေးပွဲအား နေ့လည် ဝ၁ : ဝဝ နာရီမှ ဝ၄ : ဝဝ နာရီအထိ အမျိုးသားလွှတ်တော်၊ နိုင်ငံသားများ၏ မူလအခွင့်အရေး၊ ဒီမိုကရေစီအရေးနှင့် လူ့အခွင့်အရေးဆိုင်ရာ ကော်မတီအစည်းအဝေးခန်းမတွင် ကော်မတီ အတွင်းရေးမှူး ဦးဆလိုင်းမျိုးထက် အပါအဝင် ကော်မတီအဖွဲ့ဝင်များနှင့် လူ့အခွင့်အရေးချိုးဖောက်မှုများ၊ ညှဉ်းပန်းနှိပ်စက်မှုများ ကာကွယ်တားဆီးနိုင်ရန်နှင့် ပြည်သူများ လုံခြုံမှုအပြည့်အဝ ရရှိစေရန်တို့အတွက် အရေးကြီးသော စာချုပ် နှစ်ခု ဖြစ်သည့် ICCPR နှင့် UNCAT စာချုပ်များကို နိုင်ငံတော်အစိုးရမှ အတည်ပြုလက်မှတ်ရေးထိုးနိုင်ရန်အတွက် ဆွေးနွေးခဲ့ကြသည်။ 

လူ့အခွင့်အရေးချိုးဖောက်မှုများအပေါ် ကာကွယ်တားဆီးရေး ဆွေးနွေးပွဲ

လူ့အခွင့်အရေးချိုးဖောက်မှုများအပေါ် ကာကွယ်တားဆီးရေးဆွေးနွေးပွဲ

ဖေဖော်ဝါရီလ ၁၈ ရက်နေ့နှင့် ဖေဖော်ဝါရီလ ၁၉ ရက်နေ့တို့တွင် ရန်ကုန်မြို့၊ တောင်ဥက္ကလာပမြို့နယ်တွင် ပြုလုပ်ခဲ့သော “ကာကွယ်ရမည့်လူ့ဘဝများ” မြန်မာနိုင်ငံအတွင်း လူ့အခွင့်အရေးချိုးဖောက်မှုများအပေါ် ကာကွယ်တားဆီးရေး အစီမံရေးဆွဲခြင်းဆိုင်ရာ အလုပ်ရုံဆွေးနွေးပွဲသို့ Coalition အဖွဲ့ဝင်အဖွဲ့အစည်းများဖြစ်သော နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP), Genuine People’s Servant (GPS), Human Rights Defenders and Promoters (HRDP), Than Lwin Citizen Empowerment, New Myanmar Foundation, The Ta’ang Students and Youth Union (TSYU), PEN Myanmar, Athan, Seagull, Open Myanmar Initiative (OMI), Generation Wave (GW), SYNERGY, Ta’ang Women’s Organization(TWO), Pro-Peace Network (PPN-Mdy), Myanmar ICT for Development Organization (MIDO) , Metta Campaign နှင့် Network for Human Rights Documentation Burma (ND-Burma)တို့မှ တက်ရောက်ခဲ့ပြီး စည်းရုံးတိုက်တွန်းခြင်း၊ မဟာဗျူဟာ အစီအစဉ် ရေးဆွဲခြင်းဆိုင်ရာ ကိစ္စရပ်များနှင့် အနာဂတ်လုပ်ငန်းစဉ်များကို ဆွေးနွေးခဲ့ကြသည်။ ထိုဆွေနွေးပွဲတွင် ကိုအောင်သူငြိမ်းမှ Trainer and Facilitator အဖြစ် ဆောင်ရွက်ပေးခဲ့သည်။

The First Stop of Norwegian People Aid and The Trade Union မှ ကိုယ်စားလှယ်အဖွဲ့ AAPP သို့ လာရောက် လေ့လာ

The First Stop of Norwegian People Aid and The Trade Union မှ ကိုယ်စားလှယ်အဖွဲ့နှင့်တွေ့ဆုံဆွေးနွေး

ဖေဖော်ဝါရီလ ၂၃ ရက်နေ့တွင် The First Stop of Norwegian People Aid and The Trade Union မှ ကိုယ်စားလှယ် အဖွဲ့သည် ရန်ကုန်မြို့ရှိ နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) ရုံးသို့ လာရောက်ခဲ့ပြီး AAPP ၏ “Memory of the Past ” ပြခန်းအား ကြည့်ရှုလေ့လာခဲ့ရာ အေအေပီပီ (AAPP) မှ တာဝန်ရှိသူများမှ လိုက်လံရှင်းလင်း ပြသပေးခဲ့သည်။ ထို့နောက် AAPP တွဲဘက်အတွင်းရေးမှူး ဦးဘိုကြည်၊ AAPP ၏ စိတ်ဓာတ် ပြန်လည် မြှင့်တင်ရေးအစီအစဉ် (MHAP) တာဝန်ခံ ဦးကျော်စိုးဝင်း တို့မှလက်ခံတွေ့ဆုံခဲ့ပြီး မြန်မာပြည်၏ လူ့အခွင့်အရေး  အခြေအနေနှင့် နိုင်ငံရေးအခြေအနေ တို့ကို ဆွေးနွေးခဲ့ကြသည်။

အမေရိကန်သံရုံးမှ ကိုယ်စားလှယ်အဖွဲ့ AAPP သို့ လာရောက် လေ့လာ

အမေရိကန်သံရုံး ကိုယ်စားလှယ်အဖွဲ့ AAPP ပြခန်းအား လေ့လာ

ဖေဖော်ဝါရီလ ၂၄ ရက်နေ့တွင် ရန်ကုန်မြို့၊ အမေရိကန်သံရုံးမှ Ryan McKean (Law Enforcement and Security Unit Chief, Political-Economic Section), Shwe Zin Nyunt (Senior Program Management Specialist – Security and Justice Unit – Bureau of international Narcotics and Law Enforcement Affairs) and Lian Bawi Thang (aka) Bawi Pi (Political Sepcialist – Political / Economic Section) တို့သည် နိုင်ငံရေးအကျဉ်းသားများကူညီစောင့်ရှောက်ရေး အသင်း(AAPP) ရုံးသို့ လာရောက်ခဲ့ပြီး AAPP ၏ “Memory of the Past ” ပြခန်းအား ကြည့်ရှုလေ့လာခဲ့ရာ AAPP မှ တာဝန်ရှိသူများမှ လိုက်လံရှင်းလင်း ပြသပေးခဲ့သည်။ ထို့နောက် AAPP တွဲဘက်အတွင်းရေးမှူး ဦးဘိုကြည်၊ AAPP ရန်ကုန်ရုံးတာဝန်ခံ ဦးအောင်မျိုးကျော်နှင့် မှတ်တမ်းနှင့် သုတေသနတာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုး တို့မှလက်ခံတွေ့ဆုံခဲ့ပြီး မူးယစ်ဆေးဝါး တိုက်ဖျက်ရေးနှင့် ပတ်သက်ပြီး ပူးပေါင်း ဆောင်ရွက်ရန် နည်းလမ်းများကို ဆွေးနွေးခဲ့ကြသည်။

Promoting the Rule of Law in Myanmar မှ AAPP သို့ လာရောက်လေ့လာ

Promoting the Rule of Law in Myanmar မှ ကိုယ်စားလှယ်အဖွဲ့နှင့် တွေ့ဆုံ ဆွေးနွေး

ဖေဖော်ဝါရီလ ၂ရ ရက်နေ့တွင်  Chemonics (Promoting the Rule of Law in Myanmar) မှ Robert C. La Mont (Chief of Party), Heather Goldsmith (Senior Technical Advisor), Zin Myo Htut (Translation Specialist) နှင့် အဖွဲ့ဝင်နှစ်ဦး တို့သည် နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP) ရုံးသို့ လာရောက်ခဲ့ပြီး AAPP ၏ “Memory of the Past” ပြခန်းအား ကြည့်ရှု့လေ့လာခဲ့ရာ AAPP မှ တာဝန်ရှိသူများမှ လိုက်လံရှင်းလင်း ပြသပေးခဲ့သည်။ ထို့နောက် AAPP တွဲဘက်အတွင်းရေးမှူး ဉီးဘိုကြည်၊ AAPP ရန်ကုန်ရုံး တာဝန်ခံ  ဉီးအောင်မျိုးကျော် နှင့် မှတ်တမ်းနှင့် သုတေသနဌာနတာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုး တို့မှ လက်ခံတွေ့ဆုံခဲ့ပြီး AAPP မှ လုပ်ဆောင်လျက်ရှိသော အသွင်ကူးပြောင်းရေးဆိုင်ရာတရားမျှတမှု လုပ်ငန်းစဉ်များ၊ လက်ရှိမြန်မာပြည်၏ နိုင်ငံရေးအခြေအနေများနှင့် လူ့အခွင့်အရေးအခြေအနေများကို ဆွေးနွေးခဲ့ကြသည်။

အထွေထွေလှုပ်ရှားမှုများ

Australian Day အခမ်းအနားသို့ AAPP မှ တက်ရောက်

Australian Day အခမ်းအနားသို့ AAPP မှ တက်ရောက်

ဖေဖော်ဝါရီလ ၆ ရက်နေ့တွင် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ တွဲဘက် အတွင်းရေးမှူး ဦးဘိုကြည်နှင့် AAPP ရန်ကုန်ရုံးတာဝန်ခံ ဦးအောင်မျိုးကျော် တို့သည် Australai Embassy Staffs Club တွင်ကျင်းပသည့် Australian Day အခမ်းအနားသို့ တက်ရောက်ခဲ့သည်။

နိုင်ငံတကာမှ ထိုင်းနိုင်ငံ၊ မဲစောက်မြို့ရှိ AAPP သို့ လာရောက်လေ့လာ

နိုင်ငံတကာမှ ထိုင်းနိုင်ငံ၊ မဲစောက်မြို့ရှိ AAPP သို့လာရောက်လေ့လာ

ဖေဖော်ဝါရီလ ရ ရက်နေ့တွင် ထိုင်ဝမ်မှ ကျောင်းသား/ ကျောင်းသူ (၁၀)ဦး၊ ဖေဖော်ဝါရီလ ၂ဝ ရက်နေ့တွင် မလေးရှားမှ ဧည့်သည် နှစ်ဦးတို့သည် ထိုင်းနိုင်ငံ၊ မဲစောက်မြို့ရှိ နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) ၏ ပြခန်းသို့ လာရောက် လေ့လာခဲ့သည်။ AAPP မှ ဦးဆန်းမင်းနှင့် မမိုးပန်းဖြူတို့မှ ပြခန်းအတွင်း လိုက်လံရှင်းလင်း ပြသပေးခဲ့သည်။ ထို့နောက် မြန်မာပြည်၏ လူ့အခွင့်အရေး အခြေအနေနှင့် နိုင်ငံရေးအခြေအနေနှင့် AAPP ၏ လုပ်ဆောင်လျက်ရှိသော လုပ်ငန်းစဉ်တို့ကို ရှင်းလင်း ပြောကြားခဲ့ပြီး မေးခွန်းများအား ပြန်လည် ဖြေကြားပေးခဲ့သည်။

စိတ်ဓာတ်ပြန်လည်မြှင့်တင်ရေးအစီအစဉ် (MHAP)
နှစ်သိမ့်ဆွေးနွေးပေးခြင်း
အပတ်စဉ် စနေ၊ တနင်္ဂနွေနေ့တိုင်းတွင် နိုင်ငံရေးအကျဉ်းသား များ ကူညီစောင့်ရှောက်ရေးအသင်း(AAPP) ၏ စိတ်ဓာတ် ပြန်လည် မြှင့်တင်ရေးအစီအစဉ်တစ်ခုဖြစ်သည့် Mental Health Assistance Program (MHAP) မှ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ ကြီးကြပ်အုပ်ချုပ်သော ရန်ကုန်မြို့ရှိ အမျိုးသမီး သက်မွေး အတတ်ပညာသင်ကျောင်းသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့်ဆွေးနွေးပေးမှုများ ပြုလုပ်လျှက်ရှိသည်။ ဖေဖော်ဝါရီလအတွင်းတွင် MHAP မှ အမျိုးသမီး ကောင်ဆယ်လာ ငါးဦးသည် အမျိုးသမီး သက်မွေးအတတ်ပညာသင်ကျောင်းမှ အမျိုးသမီး သုံးဦးကို နှစ်သိမ့်ဆွေးနွေးပေးမှု ပြီးမြောက်ခဲ့ပြီး လက်ရှိတွင် အမျိုးသမီး ၁၉ ဦးကို ဆက်လက် နှစ်သိမ့် ဆွေးနွေးပေးလျှက်ရှိသည်။ 
ထို့ပြင် အပတ်စဉ် စနေနေ့တိုင်း MHAP မှ အမျိုးသမီး ကောင်ဆယ်လာ တစ်ဦးသည် လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာနမှ ကြီးကြပ်အုပ်ချုပ်သော ရန်ကုန်မြို့ရှိ အမျိုးသမီးများ ဖွံ့ဖြိုးတိုးတက်ရေးဌာနသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့်ဆွေးနွေးပေးမှုများ ပြုလုပ်လျှက်ရှိသည်။ ဖေဖော်ဝါရီလ အတွင်းတွင်  အမျိုးသမီး နှစ်ဦးကို နှစ်သိမ့် ဆွေးနွေးပေးခဲ့သည်။

ထို့ပြင် အပတ်စဉ် တနင်္လာနေ့နှင့် သောကြာနေ့တိုင်း MHAP မှ စူပါဗိုက်ဆာ နှစ်ဦးနှင့် ကောင်ဆယ်လာ ၁၁ ဦးတို့သည် ငှက်အော်စမ်း လူငယ် လေ့ကျင့်ရေးသင်တန်းကျောင်းသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့်ဆွေးနွေးပေးခြင်းများ ပြုလုပ်ပေးလျှက်ရှိသည်။ ဖေဖော်ဝါရီလအတွင်းတွင် လူငယ်      ၁ရ ဦးကို နှစ်သိမ့်ဆွေးနွေး ပေးမှု ပြီးမြောက်ခဲ့ပြီး လက်ရှိတွင် လူငယ် ၃၈ ဦးကို နှစ်သိမ့်ဆွေးနွေးပေးလျက်ရှိသည်။ 

ဖေဖော်ဝါရီလအတွင်းတွင် အမျိုးသမီးကောင်ဆယ်လာ တစ်ဦးနှင့် အမျိုးသား ကောင်ဆယ်လာ နှစ်ဦးသည် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန လက်အောက်ရှိ ရန်ကုန်တိုင်းဒေသကြီးအတွင်းတွင် ရှိသော မသန်စွမ်းသူများ လေ့ကျင့်ရေး သင်တန်းကျောင်းမှ သင်တန်းသူ အမျိုးသမီး သုံးဦးနှင့် သင်တန်းသား အမျိုးသား ငါးဦးတို့ကို နှစ်သိမ့် ဆွေးနွေးပေးခဲ့သည်။ 

ဖေဖော်ဝါရီလအတွင်းတွင် ရန်ကုန် AAPP-MHAP အဖွဲ့မှ စူပါဗိုက်ဆာ တစ်ဦးနှင့် ကောင်ဆယ်လာ သုံးဦးသည် မကွေးတိုင်း ဒေသကြီး၊ ပခုက္ကူမြို့နယ်ရှိအတွင်းရှိ နိုင်ငံရေးအကျဉ်းသားဟောင်းများနှင့် ၎င်းတို့၏ မိသားစုဝင်များ ကို နှစ်သိမ့်ဆွေးနွေးပေးခဲ့ သည်။ ဖေဖော်ဝါရီလအတွင်းတွင် အမျိုးသား ကိုးဦးနှင့် အမျိုးသမီး ကိုးဦးကို နှစ်သိမ့်ဆွေးနွေးပေးမှု ပြီးမြောက်ခဲ့သည်။ 

ဖေဖော်ဝါရီလအတွင်းတွင် ရန်ကုန်နှင့် မန္တလေးမြို့များရှိ AAPP-MHAP အဖွဲ့သည် ရန်ကုန်နှင့် မန္တလေးမြို့များရှိ နိုင်ငံရေး အကျဉ်းသားဟောင်းများ၊ ၎င်းတို့၏ မိသားစုဝင်များ နှင့်   အခြားထိခိုက်လွယ်သူများကို နှစ်သိမ့်ဆွေးနွေးပေးခဲ့သည်။ 

ထိုင်းနိုင်ငံ၊ မဲစောက်မြို့ရှိ MHAP မှ ကောင်ဆယ်လာများသည် ရွှေ့ပြောင်းမြန်မာ အလုပ်သမားများ၊ လူကုန်ကူးခြင်းခံရသူများ၊ ပြည်တွင်းစစ်ကြောင့် ထိခိုက်နစ်နာခဲ့ရသူများကို ဆက်လက် နှစ်သိမ့်ဆွေးနွေးပေးလျှက်ရှိသည်။ ဖေဖော်ဝါရီလအတွင်းတွင်  အမျိုးသမီး ခြောက်ဦးနှင့် အမျိုးသား ငါးဦးတို့ကို နှစ်သိမ့်ဆွေးနွေးပေးမှု ပြီးမြောက်ခဲ့ပြီး လက်ရှိတွင် ရွှေ့ပြောင်း မြန်မာ အလုပ်သမား အမျိုးသမီး ၁၆ ဦးနှင့် အမျိုးသား ၁၂ ဦးတို့ကို နှစ်သိမ့်ဆွေးနွေးပေးလျှက်ရှိသည်။

ဆက်သွယ်မေးမြန်းရန်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း

တိတ်နိုင် အတွင်းရေးမှူး                       +၉၅(၀) ၉၄၂  ၈၀၂  ၃၈၂၈

ဘိုကြည် တွဲဘက်အတွင်းရေးမှူး             +၉၅(၀) ၉၄၂  ၅၃၀  ၈၈၄၀

အောင်မျိုးကျော် ရန်ကုန်ရုံးတာဝန်ခံ         +၉၅(၀) ၉၄၂  ၈၈၁  ၇၃၄၈ 

သတငျးလှာဒေါငျးလော့ရယူရနျ February Burmese Newsletter