၂၀၂၀ ခုနှစ်၊ ဇန်နဝါရီလ၊ လစဉ်သတင်းလွှာ

လူ့အခွင့်အရေးဆိုင်ရာအသိပညာပေးဆွေးနွေးပွဲ

ဒဂုံမြို့သစ်တောင်ပိုင်းမြို့နယ်တွင်ပြုလုပ်သော ဆွေးနွေးပွဲ၌ ကျောင်းသားတစ်ဦးမှ သိလိုသည်များကို မေးမြန်း

ဧရာဝတီတိုင်းဒေသကြီးနှင့် ရန်ကုန်တိုင်းဒေသကြီးတွင် အခြခံ လူ့အခွင့်အရေးဆိုင်ရာ ဟောပြော ဆွေးနွေးပွဲများကို ပို့ချ ပေးခြင်း

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)မှ ကြီးမှူး၍ အခြေခံလူ့အခွင့်အရေးဆိုင်ရာ ဟောပြော ဆွေးနွေးပွဲပေါင်း () ပွဲကို ဧရာဝတီတိုင်းဒေသကြီး၊ မအူပင်ခရိုင် အတွင်းရှိ ပန်းတနော်မြို့နယ်တွင်လည်းကောင်း၊ ဟောပြော ဆွေးနွေးပွဲ ()ပွဲကို ရန်ကုန်တိုင်းဒေသကြီး၊ အရှေ့ပိုင်းခရိုင် အတွင်းရှိ ဒဂုံမြို့သစ်တောင်ပိုင်းမြို့နယ်၌လည်းကောင်း၊ ဟောပြောဆွေးနွေးပွဲ ()ပွဲကို ရန်ကုန်တိုင်းဒေသကြီး၊ အနောက်ပိုင်းခရိုင်အတွင်းရှိ ကြည့်မြင်တိုင်မြို့နယ်၌ လည်းကောင်း၊ ဟောပြောဆွေးနွေးပွဲ ()ပွဲကို မြောက်ပိုင်း ခရိုင်အတွင်းရှိ လှိုင်သာယာမြို့နယ်၌လည်းကောင်း  ဟောပြော ပို့ချပေးခဲ့သည်။ အဆိုပါဟောပြော ဆွေးနွေးပွဲများသို့ လူဦးရေ စုစုပေါင်း (၂၅၁၅) ဦး ပူးပေါင်း ပါဝင် တက်ရောက်ခဲ့သည်။

  • ပန်းတနော်မြို့နယ်တွင် ဟောပြောဆွေးနွေးပွဲပေါင်း () ပွဲကို အခြေခံပညာ အထက်တန်းကျောင်း () ကျောင်း၌ လည်းကောင်း၊ ဟောပြောဆွေးနွေးပွဲ () ပွဲကို အခြေခံပညာ အထက်တန်းကျောင်းခွဲ () ကျောင်း၌ လည်းကောင်း ဟောပြောပို့ချပေးခဲ့ပြီး ကျောင်းသား၊ကျောင်းသူနှင့် ဆရာ၊ဆရာမ စုစုပေါင်း (၁၃၆၂) ဦး တက်ရောက်ခဲ့သည်။
  • ဒဂုံမြို့သစ်တောင်ပိုင်းမြို့နယ်တွင် ဟောပြော ဆွေးနွေးပွဲပေါင်း ()ပွဲကို အခြေခံပညာ အထက်တန်း ကျောင်း ()ကျောင်း၌ ဟောပြောပို့ချပေးခဲ့ပြီး ကျောင်းသား၊ကျောင်းသူနှင့် ဆရာ၊ဆရာမ စုစုပေါင်း (၁၀၉၀) ဦး တက်ရောက်ခဲ့သည်။ ၎င်းပြင် ဟောပြော ဆွေးနွေးပွဲ ()ပွဲကို ဒဂုံမြို့သစ်တောင်ပိုင်း (၇၂) ရပ်ကွက်ရှိ အမျိုးသားဒီမိုက​ရေစီအဖွဲ့ချုပ် ပညာရေး ကွန်ရက်၏ အမေ့စေတနာပညာဒါနကျောင်းတွင် ဟောပြောပို့ချခဲ့ပြီး ကျောင်းသား၊ ကျောင်းသူ စုစုပေါင်း (၆၀)ဦး တက်ရောက်ခဲ့သည်။
  • ကြည့်မြင်တိုင်မြို့နယ်တွင် အမျိုးသားဒီမိုက​ရေစီ အဖွဲ့ချုပ် ပညာရေး ကွန်ရက်၏ ရွှေတိုင်ပညာ​တံခွန်၊ တက္ကသိုလ်ဝင်တန်း (ပညာဒါန) ကျောင်းတွင် ဟောပြောပို့ချခဲ့ပြီး ကျောင်းသား၊ ကျောင်းသူ စုစုပေါင်း (၃၄)ဦး တက်ရောက်ခဲ့သည်။
  • လှိုင်သာယာမြို့နယ်တွင် အမျိုးသားဒီမိုကရေစီအဖွဲ့ ချုပ်၊ ပညာရေးကွန်ယက်၊ စု အသက်မွေးဝမ်းကျောင်း သိပ္ပံတွင် ဟောပြောပို့ချခဲ့ပြီး ကျောင်းသား၊ကျောင်းသူ များ၊ စက်ချုပ်သင်တန်းသူများနှင့် ဆရာ၊ဆရာမများ အပါအဝင် စုစုပေါင်း (၅၀) ဦး တက်ရောက်ခဲ့သည်။

အဆိုပါ ဟောပြောဆွေးနွေးပွဲများတွင် AAPP မှ ကိုဝဏ္ဏနွယ်၊ ကိုခင်မောင်ဝင်းနှင့် AAPP ၏ လူ့အခွင့်အရေး TOT သင်တန်းဆင်းများဖြစ်ကြသော မတင်ဝင်းမော်ထွေး၊ မဝေဝေခိုင် နှင့် ကိုပြည့်စုံအောင်တို့မှ ဦးဆောင်ဆွေးနွေးခဲ့ကြသည်။ အဓိက ဆွေးနွေးပေးသောအကြောင်းအရာများမှာ အခြေခံ လူ့အခွင့်အရေးနှင့် အပြည်ပြည်ဆိုင်ရာ လူ့အခွင့်အရေး ကြေညာ စာတမ်း ဖြစ်ပေါ်လာပုံ သမိုင်းကြောင်း၊ လူသားချင်းစာနာ ထောက်ထားမှုဥပဒေနှင့်သက်ဆိုင်သော အကြောင်းအရာများ၊ ခွဲခြားဆက်ဆံမှု လျော့နည်းပပျောက်စေမည့် အကြောင်းအရာ များ၊ မူးယစ်​ဆေးဝါး၏ ဆိုးကျိုးများကို ဆွေးနွေးခဲ့သည်။ ထို့နောက် တာ၀န်ယူမှု/တာ၀န်ခံမှုရှိစေသော Movie Clip များ၊ ဘ၀အတွက် ခွန်အားဖြစ်စေသော Movie Clip များကို ပြသပေးခဲ့ပြီး ကျောင်းသား/ကျောင်းသူများနှင့် အပြန်အလှန် ဆွေးနွေးခဲ့သည်။

ဟောပြောပွဲများပြီးဆုံးပြီးနောက် တက်ရောက်သူများကြား လူ့အခွင့်အရေးဆိုင်ရာ အသိပညာဗဟုသုတများ မြှင့်တင်ရန် ရည်ရွယ်၍ AAPP မှ အချက် ၃၀ ပါ အပြည်ပြည်ဆိုင်ရာ လူ့အခွင့်အရေး ကြေညာစာတမ်း (UDHR) အိတ်ဆောင် စာအုပ် များနှင့် ပိုစတာများကို ဝေငှခဲ့သည်။

စည်းရုံးလှုံ့ဆော်ခြင်းနှင့် တိုက်တွန်းခြင်း

အကျဉ်းထောင်တွင်းကျန်းမာရေးစောင့်ရှောက်မှုအခြေအနေများအတွက်ဆွေးနွေး

အကျဉ်းထောင်တွင်းကျန်းမာရေးစောင့်ရှောက်မှုအခြေအနေများအတွက်ဆွေးနွေး

ဇန်နဝါရီလ ၇ ရက်နေ့တွင်  Jamie Uhrig (Supporting communities by working in patient health, population health, and human right)နှင့် ဒေါက်တာမျိုးဝင်းတို့သည် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရုံးသို့ လာရောက်ခဲ့ပြီး AAPP “Memory of the Past” ပြခန်းအား ကြည့်ရှု့လေ့လာခဲ့ရာ AAPP မှ တာဝန်ရှိသူ များမှ လိုက်လံ ရှင်းလင်း ပြသပေးခဲ့သည်။ ထို့နောက် AAPP မှ တွဲဘက်အတွင်းရေးမှူး ဦးဘိုကြည်၊  AAPP ရန်ကုန်ရုံးတာဝန်ခံ ဦးအောင်မျိုးကျော်၊ စိတ်ဓါတ်ပြန်လည်မြှင့်တင်ရေးအစီအစဉ် တာဝန်ခံ ဦးကျော်စိုးဝင်း နှင့် မှတ်တမ်းနှင့်သုတေသနဌာန တာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုးတို့မှ လက်ခံ တွေ့ဆုံခဲ့ပြီး မြန်မာပြည်အတွင်းရှိ အကျဉ်းထောင်အတွင်း ကျန်းမာရေးစောင့်ရှောက်မှုအခြေအနေများနှင့်ပတ်သတ်ပြီး‌ဆွေးနွေးခဲ့ကြသည်။

ဗြိတိသျှသံရုံးမှကိုယ်စားလှယ်အဖွဲ့ AAPP သို့ လာရောက် လေ့လာ

ဗြိတိသျှသံရုံးမှ Mr. Rupert Dewey AAPP ပြခန်းကို လေ့လာ

ဇန်နဝါရီလ ၁၀ ရက်နေ့တွင် ရန်ကုန်မြို့ ဗြိတိသျှသံရုံးမှ Mr. Rupert Dewey (Joint Head of Myanmar Unit, in the British Foreign and Commonwealth Office) နှင့် ကိုဇော်နိုင်ဦး () ကိုခိုင်သူရိန် (နိုင်ငံရေးအရာရှိ) တို့သည် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရုံးသို့ လာရောက်ပြီး AAPP “Memory of the Past” ပြခန်းအား ကြည့်ရှု့လေ့လာခဲ့ရာ AAPP မှ တာဝန်ရှိသူများမှ လိုက်လံရှင်းလင်း ပြသပေးခဲ့သည်။ ထို့နောက် AAPP မှ တွဲဘက်အတွင်းရေးမှူး ဦးဘိုကြည်နှင့် မှတ်တမ်းနှင့် သုတေသန ဌာနတာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုး တို့မှ လက်ခံတွေ့ဆုံခဲ့ပြီး မြန်မာပြည်၏ လူ့အခွင့်အရေးအခြေအနေ၊ လက်ရှိမြန်မာနိုင်ငံ၏ နိုင်ငံရေးအခြေအနေနှင့် AAPP ၏ လုပ်ဆောင်လျက်ရှိသော လုပ်ငန်းစဉ်တို့ကို ဆွေးနွေးခဲ့ကြသည်။

လူ့အခွင့်အရေးချိုးဖောက်မှုများနှင့်ပတ်သက်၍ ပူးပေါင်း ဆောင်ရွက်ရေးညှိနှိုင်းအစည်းအဝေး

လူ့အခွင့်အရေးချိုးဖောက်မှုများနှင့်ပတ်သက်၍ ပူးပေါင်း ဆောင်ရွက်ရေး ညှိနှိုင်းအစည်းအဝေး

လူ့အခွင့်အရေးချိုးဖောက်မှုများနှင့်ပတ်သတ်၍ ပူးပေါင်း ဆောင်ရွက်ရေး ညှိနှိုင်းအစည်းအဝေးအား နိုင်ငံရေး အကျဉ်းသားများ ကူညီစောင့်ရှောက်ရေးအသင်း(AAPP) မှ ဇန်နဝါရီလ ၁၁ ရက်နေ့တွင် AAPP ၏ သင်တန်းခန်းမတွင် ပြုလုပ်ခဲ့သည်။ ထိုအစည်းအဝေးတွင် AAPP, Genuine People’s Servant (GPS), Human Rights Defenders and Promoters (HRDP),  Future Light Center (FLC), Than Lwin Citizen Empowerment, New Myanmar Foundation, The Ta’ang Students and Youth Union (TSYU), All Arakan Students’ & Youths’ Congress (AASYC), Equality Myanmar, PEN Myanmar, Network for Human Rights Documentation Burma (ND-Burma) တို့မှ အဖွဲ့ဝင်များ တက်ရောက်ခဲ့ပြီး လူ့အခွင့်အရေးချိုးဖောက်မှုများနှင့်ဆက်စပ် နေသော ဥပဒေများ၊ ကိုင်တွယ်ဆောင်ရွက်ရမည့် ကိစ္စရပ်များနှင့် လူ့အခွင့်အရေးနှင့် ကိုက်ညီခြင်းမရှိသော ဥပဒေများကိုပြင်ဆင် ရာတွင် ထည့်သွင်းစဉ်စားရမည့်အချက်များ အပါအဝင် ရှေ့လုပ်ငန်းစဉ်များကိုဆွေးနွေးခဲ့ကြသည်။

ကနေဒါသံရုံးမှကိုယ်စားလှယ်အဖွဲ့ AAPP သို့ လာရောက် လည်ပတ်

ကနေဒါသံရုံးမှ ကိုယ်စားလှယ်များ AAPP ပြခန်းကို လေ့လာ

ဇန်နဝါရီလ ၁၄ ရက်နေ့တွင် ကနေဒါနိုင်ငံအစိုးရ ကနေဒါသံရုံးမှ Helen Bao (First Secretary – Political Affairs) နှင့် Khine Lynn Thu (Advocacy and Political Affairs Officer) တို့သည် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရုံးသို့ လာရောက်ပြီး AAPP “Memory of the Past” ပြခန်းအား ကြည့်ရှု့လေ့လာခဲ့ရာ AAPP မှ တာဝန်ရှိသူများမှ လိုက်လံရှင်းပြပေးခဲ့သည်။ ထို့နောက် Helen Bao (First Secretary – Political Affairs) နှင့် Khine Lynn Thu (Advocacy and Political Affairs Officer) တို့အား AAPP အတွင်းရေးမှူး ဦးတိတ်နိုင်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ စိတ်ဓါတ်ပြန်လည်မြှင့်တင်ရေး အစီအစဉ် တာဝန်ခံ ဦးကျော်စိုးဝင်း နှင့် မှတ်တမ်းနှင့်သုတေသနဌာန တာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုးတို့မှ လက်ခံ တွေ့ဆုံခဲ့ပြီး မြန်မာပြည်၏ လူ့အခွင့်အရေးအခြေအနေ၊ လက်ရှိမြန်မာနိုင်ငံ၏ နိုင်ငံရေးအခြေအနေနှင့် AAPP ၏ လုပ်ဆောင်လျက်ရှိသော လုပ်ငန်းစဉ်တို့ကို ဆွေးနွေးခဲ့သည်။

International Republican Institute မှ ကိုယ်စားလှယ်အဖွဲ့ လာရောက်လေ့လာ

International Republican Institute မှ ကိုယ်စားလှယ်အဖွဲ့နှင့် တွေ့ဆုံဆွေးနွေး

ဇန်နဝါရီလ ၁၇ ရက်နေ့တွင် International Republican Institute မှ NATALIE TRISILLA (Associate Director for Evidence and Learning Center for Global Impact), KIMBERLY RATCLIFF (Senior Evaluation Associate – Office of Monitoring, Evaluation and Learning) နှင့် Ma May Myo Thwel တို့သည် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရုံးသို့ လာရောက်ပြီး AAPP “Memory of the Past” ပြခန်းအား ကြည့်ရှု့ လေ့လာခဲ့ရာ AAPP မှ တာဝန်ရှိသူများမှ လိုက်လံရှင်းလင်း ပြသပေးခဲ့ပါသည်။ ထို့နောက် AAPP မှ အတွင်းရေးမှူး ဦးတိတ်နိုင်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ ဘဏ္ဍာရေးတာဝန်ခံ ဦးစိုးနိုင်၊ စိတ်ဓါတ်ပြန်လည်မြှင့်တင်ရေး အစီအစဉ်တာဝန်ခံ ဦးကျော်စိုးဝင်းနှင့် မှတ်တမ်းနှင့် သုတေသနဌာနတာဝန်ခံနှင့် နိုင်ငံခြားရေး ဒုတာဝန်ခံ ကိုဇော်မိုး တို့မှ လက်ခံတွေ့ဆုံခဲ့ပြီး AAPP ၏ လုပ်ဆောင်လျက်ရှိသော လုပ်ငန်းစဉ်တို့ကို ဆွေးနွေးခဲ့ကြသည်။

လူ့အခွင့်အရေးချိုးဖောက်မှုများနှင့်ပတ်သက်၍ ပူးပေါင်း ဆောင်ရွက်ရေးညှိနှိုင်းအစည်းအဝေး(ဒုတိယကြိမ်)

လူ့အခွင့်အရေးချိုးဖောက်မှုများနှင့်ပတ်သက်၍ ပူးပေါင်း ဆောင်ရွက်ရေးညှိနှိုင်းအစည်းအဝေး(ဒုတိယကြိမ်)

လူ့အခွင့်အရေးချိုးဖောက်မှုများနှင့်ပတ်သတ်၍ ပူးပေါင်း ဆောင်ရွက်ရေး ညှိနှိုင်းအစည်းအဝေး(ဒုတိယအကြိမ်)အား နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) မှ  ဇန်နဝါရီလ ၂၂ ရက်နေ့တွင် AAPP ၏ သင်တန်း ခန်းမ၌ ပြုလုပ်ခဲ့သည်။ ထိုအစည်းအဝေးတွင် AAPP, Genuine People’s Servant (GPS), Human Rights Defenders and Promoters (HRDP),  Future Light Center (FLC), Than Lwin Citizen Empowerment, New Myanmar Foundation, The Ta’ang Students and Youth Union (TSYU), All Arakan Students’ & Youths’ Congress (AASYC), Equality Myanmar, PEN Myanmar, Network for Human Rights Documentation Burma (ND-Burma), Athan, Seagull,Tavoyan Women’s Union (TWU), SYNERGY, Independent Lawyers’ Association of Myanmar (ILAM), Open Myanmar Initiative (OMI), Pro-Peace Network (PPN-Mdy), POINT, Ta’ang Women’s Organization(TWO) နှင့် Generation Wave (GW) တို့မှ အဖွဲ့ဝင်များ တက်ရောက်ခဲ့ပြီး Coalition လုပ်ငန်းစဉ်များတွင် ပူးပေါင်း ပါဝင်ရေးနှင့် လုပ်ငန်းစဉ်များအား ဆွေးနွေးခဲ့ကြသည်။

ကာကွယ်ရမည့်လူ့ဘဝများမြန်မာနိုင်ငံတွင်း လူ့အခွင့်အရေး ချိုးဖောက်မှုများအပေါ် သုံးသပ်ခြင်းဆိုင်ရာ အလုပ်ရုံ ဆွေးနွေးပွဲ

မြန်မာနိုင်ငံတွင်း လူ့အခွင့်အရေး ချိုးဖောက်မှုများအပေါ် သုံးသပ်ခြင်း ဆိုင်ရာ အလုပ်ရုံ ဆွေးနွေးပွဲကို တက်ရောက်လာကြသူများ

ဇန်နဝါရီလ ၂၃ ရက်နေ့တွင် ကာကွယ်ရမည့်လူ့ဘဝများမြန်မာနိုင်ငံတွင်း လူ့အခွင့်အရေးချိုးဖောက်မှုများအပေါ် သုံးသပ်ခြင်းဆိုင်ရာ အလုပ်ရုံဆွေးနွေးပွဲကို တောင်ဥက္ကလာပ မြို့နယ်တွင် ပြုလုပ်ခဲ့သည်။ အဆိုပါ အလုပ်ရုံဆွေးနွေးပွဲသို့ AAPP အတွင်းရေးမှူး ဦးတိတ်နိုင်၊ AAPP ရန်ကုန်ရုံးတာဝန်ခံ ဦးအောင်မျိုးကျော်၊ မှတ်တမ်းနှင့် သုတေသနဌာနတာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုး၊ AAPP လူ့အခွင့်အရေးနည်းပြ ကိုဝဏ္ဏနွယ်တို့နှင့်အတူ  Genuine People’s Servant (GPS), Human Rights Defenders and Promoters (HRDP),  Future Light Center (FLC), Than Lwin Citizen Empowerment, New Myanmar Foundation, The Ta’ang Students and Youth Union (TSYU), All Arakan Students’ & Youths’ Congress (AASYC), Equality Myanmar, PEN Myanmar, Network for Human Rights Documentation Burma (ND-Burma), Athan, Seagull,Tavoyan Women’s Union (TWU), SYNERGY, Independent Lawyers’ Association of Myanmar (ILAM), Open Myanmar Initiative (OMI), Pro-Peace Network (PPN-Mdy), POINT, Ta’ang Women’s Organization(TWO), Generation Wave (GW) နှင့် Myanmar ICT for Development Organization (MIDO) တို့မှ အဖွဲ့ဝင်များ တက်ရောက်ခဲ့ပြီး လူ့အခွင့်အရေးချိုးဖောက်မှု ဖြစ်စေသော အချက်များ၊ Coalition လုပ်ငန်းစဉ်များတွင် ပူးပေါင်းပါဝင်ရေး နှင့် ရှေ့လုပ်ငန်းစဉ်များအား ဆွေးနွေးခဲ့ကြ သည်။

United Nations Human Settlements Programme မှ AAPP သို့ လာရောက် လေ့လာ

United Nations Human Settlements Programme မှ ကိုယ်စားလှယ်များနှင့် တွေ့ဆုံဆွေးနွေး

ဇန်နဝါရီလ ၂၆ ရက်နေ့တွင် United Nations Human Settlements Programme မှ Mr.Vishnu Prasad (Field Programme Manager) and Shoko Sakuma တို့သည် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ရုံးသို့ လာရောက်လည်ပတ်ခဲ့ပြီး AAPP “Memory of the Past” ပြခန်းအားကြည့်ရှုလေ့လာခဲ့ရာ AAPP မှ တာဝန်ရှိသူများမှ လိုက်လံရှင်းလင်းပြသပေးခဲ့သည်။ ထို့နောက် AAPP ရန်ကုန်ရုံးတာဝန်ခံ ဦးအောင်မျိုးကျော်နှင့် မှတ်တမ်းနှင့် သုတေသနတာဝန်ခံ၊ နိုင်ငံခြားရေးဒုတာဝန်ခံ ကိုဇော်မိုးတို့မှ လက်ခံတွေ့ဆုံခဲ့ပြီး AAPP ၏ လုပ်ဆောင်ခဲ့သော လုပ်ငန်းစဉ် များနှင့် လုပ်ဆောင်လျက်ရှိသော လုပ်ငန်းစဉ် များအား ဆွေးနွေး ခဲ့ကြသည်။

အထွေထွေလှုပ်ရှားမှုများ

“Gender, Gender Role and Gender Power သင်တန်းကို တက်ရောက်ခြင်း

“Gender, Gender Role and Gender Power သင်တန်းကို တက်ရောက်

ဇန်နဝါရီလ ၂ ရက်နေ့တွင် “Gender, Gender Role and Gender Power သင်တန်းကို နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)ရုံး၌ ပြုလုပ်ခဲ့သည်။ ထိုသင်တန်းအား မနောင်လတ် မှ ပို့ချပေးခဲ့ပြီး AAPP အဖွဲ့ဝင်များ တက်ရောက်ခဲ့သည်။

နိုင်ငံတကာမှ ထိုင်းနိုင်ငံ၊ မဲစောက်မြို့ရှိ AAPP သို့ လာရောက်လေ့လာ

ဝါရှင်တန်တက္ကသိုလ်မှ ကျောင်းသူ၊ကျောင်းသားများကို ရှင်းလင်း ပြောကြား

ဇန်နဝါရီလ ၂၉ ရက်နေ့တွင် အမေရိကန်နိုင်ငံ၊ ဝါရှင်တန် တက္ကသိုလ်မှ ကျောင်းသား၊ကျောင်းသူ (၁၀)ဦး၊ ဇန်နဝါရီလ ၃၀ ရက်နေ့တွင် ပြင်သစ်၊ အင်္ဂလန်၊ မလေးရှား၊ ဂျပန်တို့မှ ခရီးသွားဧည့်သည် ()ဦးတို့သည် ထိုင်းနိုင်ငံ၊ မဲစောက်မြို့ရှိ နိုင်ငံရေးအကျဉ်းသားများ ကူညီစောင့်ရှောက်ရေး အသင်း (AAPP) ၏ ပြခန်းသို့ လာရောက် လေ့လာခဲ့သည်။ AAPP မှ မမိုးပန်းဖြူမှ ပြခန်းအတွင်း လိုက်လံရှင်းလင်း ပြသပေးခဲ့သည်။ ထို့နောက် မြန်မာပြည်၏ လူ့အခွင့်အရေးအခြေအနေ၊ နိုင်ငံရေး အခြေအနေနှင့် AAPP ၏ လုပ်ဆောင်လျက်ရှိသော လုပ်ငန်းစဉ်တို့ကို ရှင်းလင်း ပြောကြားခဲ့ပြီး မေးခွန်းများအား ပြန်လည် ဖြေကြားပေးခဲ့သည်။

စိတ်ဓာတ်ပြန်လည်မြှင့်တင်ရေးအစီအစဉ်(MHAP)

သင်တန်းပို့ချပေးခြင်း

Stress Management and Self-Care Training ကို ပို့ချပေးခြင်း

Stress Management and Self-Care Training ကို ပို့ချ

Sandhi Governance Institute ၏ Political Leadership သင်တန်း၊ အပါတ်စဉ် (၆) တွင် AAPP မှ သင်တန်းနည်းပြ ဦးထင်အောင်သည် Stress Management and Self-Care Training ကို  ဇန်နဝါရီလ ၁၈ ရက်နေ့မှ ဇန်နဝါရီလ ၁၉ ရက်နေ့ထိ နှစ်ရက်တာ ဆွေးနွေးပို့ချပေးခဲ့သည်။ သင်တန်းတွင် ပါတီအသီးသီးနှင့် အရပ်ဘက်အဖွဲ့အစည်းများမှ တိုင်းရင်းသား သင်တန်းသူ၊ သင်တန်သား ၂၉ ဦး တက်ရောက်ခဲ့သည်။

နှစ်သိမ့်ဆွေးနွေးပေးခြင်း

အပတ်စဉ် စနေ၊ တနင်္ဂနွေနေ့တိုင်းတွင် နိုင်ငံရေး အကျဉ်းသားများ ကူညီစောင့်ရှောက်ရေးအသင်း(AAPP)၏ စိတ်ဓာတ် ပြန်လည်မြှင့်တင်ရေးအစီအစဉ်တစ်ခုဖြစ်သည့် Mental Health Assistance Program (MHAP) မှ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ ကြီးကြပ်အုပ်ချုပ်သော ရန်ကုန်မြို့ရှိ အမျိုးသမီး သက်မွေး အတတ်ပညာသင်ကျောင်းသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့်ဆွေးနွေးပေးမှုများ ပြုလုပ် လျှက်ရှိသည်။ ဇန်နဝါရီလအတွင်းတွင် MHAP မှ အမျိုးသမီး ကောင်ဆယ်လာ လေးဦးသည် အမျိုးသမီး သက်မွေး အတတ် ပညာသင်ကျောင်းမှ အမျိုးသမီး လေးဦးကို နှစ်သိမ့် ဆွေးနွေး ပေးမှု ပြီးမြောက်ခဲ့ပြီး လက်ရှိတွင် အမျိုးသမီး ၁၂ ဦးကို ဆက်လက် နှစ်သိမ့် ဆွေးနွေးပေးလျှက်ရှိသည်။

ထို့ပြင် အပတ်စဉ် စနေနေ့တိုင်း MHAP မှ အမျိုးသမီး ကောင်ဆယ်လာ တစ်ဦးသည် လူမှုဝန်ထမ်း၊ ကယ်ဆယ်ရေး နှင့် ပြန်လည်နေရာချထားရေးဝန်ကြီးဌာနမှ ကြီးကြပ်အုပ်ချုပ်သော ရန်ကုန်မြို့ရှိ အမျိုးသမီးများ ဖွံ့ဖြိုးတိုးတက်ရေးဌာနသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့် ဆွေးနွေးပေးမှုများ ပြုလုပ်လျှက်ရှိသည်။ ဇန်နဝါရီလအတွင်း တွင် အမျိုးသမီး သုံးဦးကို နှစ်သိမ့် ဆွေးနွေးပေးခဲ့သည်။

ထို့ပြင် အပတ်စဉ် တနင်္လာနေ့နှင့် သောကြာနေ့တိုင်း MHAP မှ စူပါဗိုက်ဆာ နှစ်ဦးနှင့် ကောင်ဆယ်လာ  ၁၁ ဦးတို့သည် ငှက်အော်စမ်း လူငယ်လေ့ကျင့်ရေးသင်တန်းကျောင်းသို့ သွားရောက်၍ စိတ်ဓာတ် ပြန်လည်မြှင့်တင်ရေးအတွက် နှစ်သိမ့် ဆွေးနွေးပေးခြင်းများ ပြုလုပ်ပေးလျှက်ရှိသည်။ ဇန်နဝါရီလ အတွင်းတွင် လူငယ် ၂၅ ဦးကို နှစ်သိမ့်ဆွေးနွေးပေးခဲ့သည်။

ဇန်နဝါရီလအတွင်းတွင် အမျိုးသမီးကောင်ဆယ်လာ နှစ်ဦးနှင့် အမျိုးသား ကောင်ဆယ်လာ နှစ်ဦးသည် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ဝန်ကြီးဌာန လက်အောက်ရှိ ရန်ကုန်တိုင်းဒေသကြီးအတွင်းတွင် ရှိသော မသန်စွမ်းသူများ လေ့ကျင့်ရေး သင်တန်းကျောင်းမှ သင်တန်းသူ အမျိုးသမီး သုံးဦးနှင့် သင်တန်းသား အမျိုးသား ငါးဦးတို့ကို နှစ်သိမ့် ဆွေးနွေးပေးခဲ့သည်။

ဇန်နဝါရီလအတွင်းတွင် ရန်ကုန် AAPP-MHAP အဖွဲ့မှ စူပါဗိုက်ဆာ တစ်ဦးနှင့် ကောင်ဆယ်လာ သုံးဦးသည် မကွေး တိုင်းဒေသကြီး၊ ပခုက္ကူမြို့နယ်ရှိအတွင်းရှိ နိုင်ငံရေး အကျဉ်းသား ဟောင်းများနှင့် ၎င်းတို့၏ မိသားစုဝင်များကို နှစ်သိမ့် ဆွေးနွေး ပေးခဲ့သည်။ ဇန်နဝါရီလအတွင်းတွင် အမျိုးသား ကိုးဦးနှင့် အမျိုးသမီး ကိုးဦးကို နှစ်သိမ့်ဆွေးနွေးပေးနိုင်ခဲ့သည်။ 

ဇန်နဝါရီလအတွင်းတွင် ရန်ကုန်နှင့် မန္တလေးမြို့များရှိ AAPP-MHAP အဖွဲ့သည် ရန်ကုန်နှင့် မန္တလေးမြို့များရှိ နိုင်ငံရေး အကျဉ်းသားဟောင်းများ၊ ၎င်းတို့၏ မိသားစုဝင်များနှင့်   အခြား ထိခိုက်လွယ်သူများကို နှစ်သိမ့်ဆွေးနွေးပေးခဲ့သည်။

ထိုင်းနိုင်ငံ၊ မဲစောက်မြို့ရှိ MHAP မှ ကောင်ဆယ်လာများသည် ရွှေ့ပြောင်းမြန်မာ အလုပ်သမားများ၊ လူကုန်ကူးခြင်းခံရသူများ၊ ပြည်တွင်းစစ်ကြောင့် ထိခိုက်နစ်နာခဲ့ရသူများကို ဆက်လက် နှစ်သိမ့်ဆွေးနွေးပေးလျှက်ရှိသည်။ ဇန်နဝါရီလအတွင်းတွင်  အမျိုးသမီး ငါးဦးနှင့် အမျိုးသား လေးဦးတို့ကို နှစ်သိမ့်ဆွေးနွေး ပေးမှု ပြီးမြောက်ခဲ့ပြီး လက်ရှိတွင် ရွှေ့ပြောင်း မြန်မာ အလုပ်သမား အမျိုးသမီး ၂၁  ဦးနှင့် အမျိုးသား ၁၆ ဦးတို့ကို နှစ်သိမ့်ဆွေးနွေးပေးလျှက်ရှိသည်။

ဆက်သွယ်မေးမြန်းရန်

နိုင်ငံရေးအကျဉ်းသားများ ကူညီစောင့်ရှောက်ရေးအသင်း

တိတ်နိုင် အတွင်းရေးမှူး                        +၉၅() ၉၄၂  ၈၀၂  ၃၈၂၈

ဘိုကြည် တွဲဘက်အတွင်းရေးမှူး             +၉၅() ၉၄၂  ၅၃  ၈၈၄၀

အောင်မျိုးကျော် ရန်ကုန်ရုံးတာဝန်ခံ         +၉၅() ၉၄၂  ၁၁  ၇၃၄၈ 

လစဉ်သတင်းလွှာအားဒေါင်းလော့ရယူရန် Burmese Newsletter for January