မကေခိုင်ထွန်း(ခ) ကေကြီး ကိုယ်ရေးအကျဉ်း

အေအေပီပီမှုတွဲအမှတ်
နိုင်ငံရေးအကျဉ်းသားအမည်။ မကေခိုင်ထွန်း (ခ) ကေကြီး
လိင်။ မ လူမျိုး ဗမာ
မွေးသက္ကရာဇ်။ ၃.၆.၁၉၉၈ အသက် ၂၁
မှတ်ပုံတင်အမှတ်။ ၁၂/မဂဒ(နိုင်) ၁၆၆၇၂၁
ကိုးကွယ်သည့်ဘာသာ။ ဗုဒ္ဓ
မိဘအမည်။ ဦးစိန်မြ + ဒေါ်ခင်နှင်းဝေ
ပညာအရည်အချင်း။ B.N.Sc (Generic)
အလုပ်အကိုင်။ Trained Nurse
နေရပ်လိပ်စာ။ အမှတ် (၁၁)၊ (၃)လမ်း၊ ၃/ခ ရပ်ကွက်၊ မင်္ဂလာဒုံမြို့နယ်၊ ရန်ကုန်
ဖမ်းဆီးရက်စွဲ။ ၂၁.၄.၂၀၁၉
ဥပဒေပုဒ်မ။ ၅၀၅(က) ၅ မှု၊ ၆၆(ဃ) ၃ မှု
အမိန့်ချမှတ်တမ်း။ အောက်တိုဘာ ၃၀ ၂၀၁၉ ရက်နေ့တွင် မရမ်းကုန်း တရားရုံးမှ အလုပ်နှင့် ထောင်ဒဏ်တစ်နှစ်
နိုဝင်ဘာ ၁၈ ၂၀၁၉ ရက်နေ့တွင် ဗိုလ်တထောင်တရားရုံးမှ အလုပ်နှင့်ထောင်ဒဏ်တစ်နှစ်
ကြားနာသည့်တရားရုံး မရမ်းကုန်းမြို့နယ်တရားရုံး၊ ဗိုလ်တထောင်မြို့နယ်တရားရုံး
ကျနှစ်။ ၂ နှစ်
ရှေ့နေအမည်။ ဦးအောင်စည်ထွန်း (အထက်တန်းရှေ့နေ)
ဒေါ်စန်းစန်းမြင့် (တရားလွှတ်တော်ရှေ့နေ)
တရားသူကြီးအမည်။ ဦးမောင်မောင်သက်လွင်
တရားလိုအမည်။ ဒုတိယဗိုလ်မှူးကြီးသန်းထွန်းမြင့် (မရမ်းကုန်းမြို့နယ်တရားရုံး)၊ ဒုဗိုလ်မှူးကြီးမျိုးမင်းဦး (ဗိုလ်တထောင်မြို့နယ်တရားရုံး)
ထောင်အမည်။ အင်းစိန် (ဗဟို) အကျဉ်းထောင်
လွတ်ရက်။
ကျန်းမာရေးအခြေအနေ။
ကောင်း
လက်ရှိအခြေအနေအကျဉ်းချုပ်။
မကေခိုင်ထွန်း (ခ) ကေကြီးသည် အင်းစိန်အကျဉ်းထောင်တွင်းမှ မရမ်းကုန်းမြို့နယ်တရားရုံး၊ ဗိုလ်တထောင်မြို့နယ်တရားရုံးတို့တွင် ပုဒ်မ ၅၀၅(က)၊ ၅၀၅(က)၊၆၆(ဃ)၊၆၆(ဃ) တို့ဖြင့် အမှုရင်ဆိုင်နေရသည်။ အောက်တိုဘာ ၃၀ ၂၀၁၉ ရက်နေ့တွင် မရမ်းကုန်း တရားရုံးမှ အလုပ်နှင့် ထောင်ဒဏ်တစ်နှစ်၊
နိုဝင်ဘာ ၁၈ ၂၀၁၉ ရက်နေ့တွင် ဗိုလ်တထောင်တရားရုံးမှ အလုပ်နှင့်ထောင်ဒဏ်တစ်နှစ်တို့ကို အမိန့်ချမှတ်ခံခဲ့ရပြီး ။ ကျန်သည့်အမှုများအား ဆက်လက်အမှုရင်ဆိုင်ရဦးမည်ဖြစ်ပါသည်။
ဘဝဖြတ်သန်းမှု။
သူနာပြုတက္ကသိုလ်တွင် တက်ရောက်ခဲ့ပြီး သူနာပြုတက္ကသိုလ်ကျောင်းသားသမဂ္ဂတွင် အလုပ်အမှုဆောင်အဖြစ်
ပါဝင်လှုပ်ရှားခဲ့ပါသည်။
စစ်ကြောရေးအသေးစိတ်။
အဖမ်းအဆီးအသေးစိပ်။

ဒေါင်းတို့မျိုးဆက် သံချပ်အဖွဲ့၏ သင်္ကြန်ကာလအတွင်း ဖျော်ဖြေမှုများတွင် တပ်မတော်သားဝတ်စုံ ဝတ်ဆင်ကာ သရုပ်ပြခဲ့သည့် ပြကွက်တချို့မှာ တပ်မတော်ကို အများပြည်သူမှ အထင်အမြင် လွဲမှားစေနိုင်သည်ဟုဆိုကာ ဒေါင်းတို့မျိုးဆက်အဖွဲ့ဝင်များဖြစ်သော ကိုဇေယျာလွင်၊ ကိုပိုင်ရဲသူ၊ ကိုပိုင်ဖြိုးမင်း၊ ကိုဖိုးသားနှင့် မကေခိုင်ထွန်းတို့ ၅ ယောက်ကို ရန်ကုန်တိုင်းစစ်ဌာနချုပ်မှ ဒုတိယဗိုလ်မှူးကြီး သန်းထွန်းမြင့်က နိုင်ငံတော်အကြည်ညိုပျက်စေမှု ရာဇသတ်ကြီးဥပဒေပုဒ်မ ၅၀၅ (က)၊ ဆက်သွယ်ရေးဥပဒေပုဒ်မ ၆၆ (ဃ)တို့ဖြင့် မရမ်းကုန်းမြို့နယ်တရားရုံးတွင်တရားစွဲထားခဲ့သည်။

ထို့အပြင် သင်္ကြန်ကာလအတွင်း ဗိုလ်တထောင်မြို့နယ် ၄၆ လမ်းရှိ ဗမာသစ် ဆုပေးမဏ္ဍပ်တွင် ဒေါင်းတို့မျိုးဆက်အဖွဲ့မှ သံချပ်ထိုးဖျော်ဖြေခဲ့ခြင်းကြောင့် ကိုဇေယျာလွင်၊ ကိုပိုင်ရဲသူ၊ ကိုပိုင်ဖြိုးမင်း၊ ကိုဖိုးသား၊ ကိုငြိမ်းချမ်းစိုး၊ မကေခိုင်ထွန်းနှင့် မဆုရတနာမြင့် စုစုပေါင်း ၇ ယောက်အား ရန်ကုန်တိုင်းစစ်ဌာနချုပ်မှ ဒုဗိုလ်မှူးကြီး မျိုးမင်းဦးက ဗိုလ်တစ်ထောင်ရဲစခန်းတွင် ဆက်သွယ်ရေးဥပဒေပုဒ်မ ၆၆ (ဃ)၊ နိုင်ငံတော်အကြည်ညိုပျက်စေမှု ရာဇသတ်ကြီးဥပဒေပုဒ်မ ၅၀၅ (က)တို့ဖြင့် အမှုဖွင့်စွဲဆိုထားခဲ့သည်။
အလားတူ ဧရာဝတီတိုင်း ဖျာပုံ၊ ဒေးဒရဲ၊ မအူပင်မြို့နယ်တို့တွင် ဒေါင်းတို့မျိုးဆက် သံချပ်တစ်ဖွဲ့လုံးအား ပုဒ်မ ၅၀၅(က) ဖြင့်လည်းကောင်း၊ ပုသိမ်တွင် ဆက်သွယ်ရေး ဥပဒေပုဒ်မ ၆၆ (ဃ) ဖြင့် တပ်မတော်က ထပ်မံ၍တရားစွဲဆိုထားသည်။
ထို့ကြောင့် အထက်ပါပုဒ်မများဖြင့် တရားစွဲဆိုခြင်းခံထားရသော မကေခိုင်ထွန်းသည် ၁၉.၄.၂၀၁၉ နေ့တွင် ရန်ကုန်ကလေးဆေးရုံကြီး ခွဲစိတ်ဆောင် ၁ တွင် တာဝန်ထမ်းဆောင်နေစဉ် မနက် ၁၁ နာရီတွင် အဖမ်းခံရ၍ မရမ်းကုန်းရဲစခန်းသိူ့ အပို့ခံရပြီး အာမခံ ၂ ရက်ယူ၍ ပြန်လွတ်ပေးခဲ့ပြီး ၂၂ ရက်နေ့တွင် မရမ်းကုန်းတရားရုံးမှ အင်းစိန်ထောင်သို့ ဖမ်းဆီးပို့ဆောင်ခံခဲ့ရပါသည်။
ထောင်မှတ်တမ်းအသေးစိပ်။
မကေခိုင်ထွန်း (ခ) ကေကြီးသည် အောက်တိုဘာလ ၃၀ရက်နေ့ ၂၀၁၉ခုနှစ်တွင် မရမ်းကုန်းမြို့နယ်တရားရုံးမှ အလုပ်နှင့်ထောင်ဒဏ် (၁)နှစ်၊ နိုဝင်ဘာ ၁၈ ၂၀၁၉ ရက်နေ့တွင် ဗိုလ်တထောင်တရားရုံးမှ အလုပ်နှင့်ထောင်ဒဏ်တစ်နှစ် ချမှတ်ခံခဲ့ရပြီး လက်ရှိတွင်အင်းစိန်အကျဉ်းထောင် အမျိုးသမီး ၁၀ တိုက်၊ ၅ ခန်းတွင် အလုပ်နှင့်ထောင်ဒဏ် (၂)နှစ်ကျခံနေရပါသည်။
ယခုကိုယ်ရေးမှတ်တမ်းကို နိုင်ငံရေးအကျဉ်းသားများကူညီစောင့်ရှောက်ရေးအသင်း(မြန်မာနိုင်ငံ) မှ ၂၀၁၉ ခုနှစ်၊ အောက်တိုဘာလ ၃၁ ရက်နေ့တွင် မှတ်တမ်းတင် ပြုစုခဲ့သည်။

Kay Khine Htun (aka) Kay Gyi’s Burmese Profile –