“လွတ်မြောက်ပြီးတဲ့အခါ ဘ၀ကို အစကနေ ပြန်စကြရတယ်” မြန်မာနိုင်ငံရှိ နိုင်ငံရေးအကျဉ်းသားဟောင်းများ၏ အတွေ့အကြုံများနှင့်ပြန်လည်ပေါင်းစည်းရေး စိန်ခေါ်မှု ပြဿနာများ အစီရင်ခံစာ

Cover Sumamry Myanmar

အစီရင်ခံစာ၏ အမှာ
မြန်မာနိုင်ငံတွင် ၁၉၆၂ ခုနှစ် စစ်တပ်မှအာဏာသိမ်းပြီးချိန်မှစ၍ အာဏာသိမ်းစစ်အစိုးရ အဆက်ဆက်တို့က အတိုက်အခံ နိုင်ငံရေးအကျဉ်းသားများအား ရန်သူသဖွယ်သဘောထားကာ ဖိနှိပ်မှုချုပ်ချယ်မှု၊ ညှဉ်းပန်းနှိပ်စက်မှုများ တစိုက် မတ်မတ်ပြုလုပ်ခဲ့ပြီး မတရားဖမ်းဆီးခြင်း၊ ညှင်းပန်းနှိပ်စက်ခြင်း၊ နှစ်ရှည်ထောင်ဒဏ်များချမှတ်ခြင်းများကို အစဉ်တစိုက် ပြုလုပ်ခဲ့ကြပေသည်။ ၁၉၆၂ ခုနှစ်မှ နဝတ၊ နအဖ စစ်အစိုးရအဆက်ဆက်နှင့် သမ္မတဦးသ်ိန်းစိန် အစိုးရလက်ထက်တွင် ဖမ်းဆီးခံခဲ့ရသည့် နိုင်ငံရေးအကျဉ်းသားပေါင်းမှာ သောင်းချီ၍ ရှိနိုင်ပေသည်။ စစ်ကြောရေးစခန်းများတွင် အသက်သေဆုံး သည်အထိ နှိပ်စက်ညှဉ်းပန်းမှုများရှိခဲ့သလို အကျဉ်းထောင်၊ ရဲဘက်စခန်းများတွင်လည်း နှိပ်စက်ညှင်းပန်းမှု၊ အစာရေစာမလုံ လောက်မှု၊ ကျန်းမာရေးစောင့်ရှောက်မှုမရှိခြင်း တို့ကြောင့်သေဆုံးသွားသူများ များစွာရှိခဲ့သည်။ ထို့အပြင် ပေါ်တာခေါ်ယူခြင်းခံရပြီး ရှေ့တန်းဒေသများတွင် သေဆုံးသွားခဲ့ရသော နိုင်ငံရေးအကျဉ်းသားများလည်း ရှိခဲ့သည်။ အဆိုးဆုံးဖြစ်ရပ်မှာ အကျဉ်းထောင်များ အတွင်း မှတ်တမ်းမဲ့ပျောက်ဆုံးမှုများပင်ဖြစ်သည်။
အကျဉ်းထောင်မှ ပြန်လည်လွတ်မြောက်လာပြီးသော နိုင်/ကျဉ်းဟောင်းများသည် စိတ်ပိုင်းဆိုင်ရာ/ရုပ်ပိုင်းဆိုင်ရာ နာကျဉ်မှုများ ပါလာခဲ့သလို၊ ပညာရေး၊ ကျန်းမာရေး ထိခိုက်မှုများ ကြီးမားစွာ ရှိလာခဲ့သည်။ ထို့အတူ မိသားစုဘဝများ ဖရိုဖရဲဖြစ်ကာပြိုကွဲခြင်း၊ စားဝတ်နေရေး ပြန်လည်နလံမထူနိုင်ခြင်း စသည့် လူနေမှုဘဝ ပျက်စီးမှုများလည်း ကြုံတွေ့ခဲ့ကြရသည်။
ယနေ့ကာလသည် ပြည်သူများမှ ရွေးချယ်တင်မြှောက်လိုက်သော ပြည်သူ့အစိုးရ အုပ်ချုပ်သော အချိန်ကာလပင်ဖြစ်သည်။ ပြည်သူ့အစိုးရသည် ပြည်သူဘက်သို့ မျက်နှာမူရမည်ဖြစ်သည်နှင့်အညီ အစိုးရတာဝန်များကို လွှဲယူအပြီး ရက်ပိုင်းအတွင်းတွင် နိုင်ငံရေးအကျဉ်းသားများ၊ တက်ြွကလှုပ်ရှားသူများ၊ တရားရင်ဆိုင်နေရသော ကျောင်းသား၊ လူငယ်များအား အစိုးရလုပ်ပိုင်ခွင့်ထဲမှ လုပ်ဆောင်နိုင်သမျှကို လုပ်ဆောင်၍ လွှတ်ပေးခြင်း၊ အမှုများ ရုပ်သိမ်းပေးခြင်းများကို ပြုလုပ်ပေးလျက်ရှိသည်ကို တွေ့ မြင်နေရပေသည်။ သို့သော်လည်းအစိုးရကိုယ်တိုင်ပင်လျှင် အကန့်အသတ်များစွာထဲကလုပ်ဆောင်နေရသောကြောင့် နိုင်ငံရေး အကျဉ်းသားများနှင့် နိုင်ငံရေးအရတရားရင်ဆိုင်နေရသူအားလုံးကို လွှမ်းခြုံနိုင်ခြင်းတော့ မရှိသေးချေ။
မည်သို့ပင်ဖြစ်စေ အခြားအခြားသော ကမ္ဘာ့နိုင်ငံများနည်းတူ မိမိတို့နိုင်ငံတွင်လည်း အသွင်ကူးပြောင်းရေးကာလကို မဖြစ်မနေဖြတ်ကျော်ရလိမ့်မည်ဖြစ်သည်။ ထိုကာလများတွင် အတိတ်ကာလအရိပ်ဆိုးများကို သင်္ခန်းစာယူနိုင်ပြီး အနာဂတ် နိုင်ငံထူထောင်ရာတွင် ထိုသို့သော အဖြစ်ဆိုးများမှ ကာကွယ်နိုင်ရန်အတွက် လုပ်ငန်းစဉ်များ အစိုးရအနေနှင့် ရေးဆွဲအကောင် အထည်ဖော်ရမည်ဖြစ်သည်။ ထိုလုပ်ငန်းစဉ်များတွင်၊ လူ့အခွင့်အရေးချိုးဖောက်ခံရမှုများ မှတ်တမ်းတင်ရေးလုပ်ငန်းစဉ်၊ ပြန် လည်ထူထောင်ရေးလုပ်ငန်းစဉ်နှင့် ကုစားခြင်းလုပ်ငန်းစဉ်များ ပါဝင်ပါသည်။
ထို့ကြောင့် ဤအစီရင်ခံစာသည် နိုင်ငံရေးအကျဉ်းသားဟောင်းများ၏ ဖြတ်သန်းရမှုအခြေအနေများကို ပြည်သူလူထုတို့ သိရှိနိုင်ပြီး ထိုသူများကိုအသိအမှတ်ပြုနားလည်လာခြင်း၊ နိုင်ငံရေးအကျဉ်းသားဟောင်းများ၏ နာကျည်းခံစားခဲ့ရသော ရုပ်ပိုင်း ဆိုင်ရာ၊ စိတ်ပိုင်းဆိုင်ရာဒဏ်ရာများကို ပြန်လည်ကုစားပေးနိုင်ရန် နည်းလမ်းများရှာဖွေခြင်း၊ နိုင်ငံရေးအကျဉ်းသားဟောင်းများ၏ ကျိုးကြေပျက်စီးခဲ့ရသော ဘဝများကို ပြန်လည်ထူထောင်ခြင်း၊ အသွင်ကူးပြောင်းရေးကာလ အမှန်တရားဖော်ထုတ်ရေးနှင့် တရားမျှတရေး အစီအစဉ်များကိုရေးဆွဲခြင်း၊ တရားဥပဒေနှင့် တရားစီရင်ရေးပိုင်းဆိုင်ရာ ကာကွယ်စောင်ရှောက်ရေး ယန္တရား များ အားကောင်းလာစေခြင်းတို့ကို များစွာအထောက်အကူပြုမည်ဟု မိမိတို့အနေဖြင့်ယုံကြည်ပါသည်။

 

အစီရင်ခံစာအပြည့်အစုံကို ဒေါင်းလော့ရယူနိုင်ပါသည်။

လွတ်မြောက်ပြီးတဲ့အခါဘဝကိုအသစ်ကပြန်စရတယ်