အေအေပီပီ မှ ဒီဇင်ဘာလ ၂၀၁၄ ခုနှစ်အတွင်း နိုင်ငံရေးဖြစ်စဉ်များအပေါ် သုံးသပ်တင်ပြချက်

10923395_374012302760381_302029944326915558_n

လက်ရှိအခြေအနေ အကျဉ်းချုပ်
၂၀၁၄ ခုနှစ် ဒီဇင်ဘာလကုန်တွင် နိုင်ငံရေးအကျဉ်းသား စုစုပေါင်း ၈၁ ဦး မြန်မာနိုင်ငံရှိ အကျဉ်းထောင်များအတွင်း ဆက်လက်ဖမ်းဆီး ထိန်းသိမ်းခံနေရပြီး၊ တက်ကြွလှုပ်ရှားသူ ၂၀၃ ဦးတို့သည် တရားရင်ဆိုင်နေရဆဲဖြစ်ပါသည်။ ၂၀၁၃ ခုနှစ်အကုန်တွင် နိုင်ငံရေးအကျဉ်း သား အားလုံးအား လွှတ်ပေးပါမည်ဆိုသည့် အစိုးရ၏ ကတိကဝတ်ပြုမှုသည် နှစ် တစ်နှစ်သာ ကုန်ဆုံးသွားသော်လည်း ထိုကတိအား ဖြည့်ဆည်းပေးမှု မရှိပဲ ထိုကဲ့သို့ ကတိပျက်ကွက်မှုနှင့်အတူ လက်တစ်လော ဖြစ်ရပ်များဖြစ်သည့် အလွတ်သတင်းထောက် တစ်ဦး သေဆုံးခြင်း၊ ဆန္ဒပြသူ တောင်သူဒေါ်ခင်ဝင်း သေဆုံးခြင်း၊ တက်ကြွလှုပ်ရှားသူများနှင့် လူ့အခွင့်အရေး ဆောင်ရွက်သူများ၏ အခွင့်အရေးများအား ဆက်လက် ဖိနှိပ်ထားခြင်းနှင့် မြေယာအရေး တက်ကြွလှုပ်ရှားသူများနှင့် လယ်သမားတို့အား ဆက်လက် တရားစွဲ ဆိုမှုတို့သည် ယခင်လ များကဲ့သို့ပင် ဒီဇင်ဘာလတွင်လည်း ဆက် လက် ဖြစ်ပျက်လျက် ရှိပါသည်။

တစ်လအတွင်း သုံးသပ်ချက်

ယခုလတွင် နိုင်ငံရေး တက်ကြွလှုပ်ရှားသူ ၃၃ ဦး တရားစွဲခံရပြီး၊ ၁၀ ဦး ထောင်ဒဏ် ငွေဒဏ်များ ချမှတ်ခံရသော်လည်း နိုင်ငံရေးအကျဉ်းသား တစ်ဦးတစ်ယောက်မျှ လွတ်မြောက်လာခဲ့ခြင်း မရှိပါ။ ဆန္ဒပြသူ တစ်ဦး ရဲတပ်ဖွဲ့ဝင်တို့၏ သေနတ်ဖြင့် ပစ်ခတ်ခြင်းကြောင့် သေဆုံးခဲ့ကြောင်းနှင့် စစ်တပ်၏လက်ချက်ဖြင့် အသက် ၁၄ နှစ်အရွယ် မဂျာဆိုင်းအိမ် သေဆုံးမှု ကို ဖေါ်ပြထားသည့် “ဂျာဆိုင်းအိမ် သေဆုံးခြင်း အဖြစ်မှန်ပေါ်ပေါက်ရေး စုံစမ်းစစ်ဆေးရေးကော်မတီ” အကြောင်းကိုပါ မိမိတို့အေအေပီပီမှ သိရှိရ ပါသည်။

တရုတ်ပိုင် ဝမ်ပေါင် မိုင်းကုမဏ္ဏီ လုပ်ဆောင်နေသည့် လက်ပန်းတောင်း ကော့ပါးမိုင်းစီမံကိန်းအား ဆန့်ကျင်ဆန္ဒပြရာတွင် အသက် ၅၆ နှစ်အရွယ် ဒေါ်ခင်ဝင်းလည်း ပါဝင်ဆန္ဒပြခဲ့ပါသည်။ ဒေသခံတို့၏ လယ်ယာများအား သိမ်းဆည်းကာ သင့်တင့်သည့်လျော်ကြေး ပေးခြင်းမရှိသည့်အတွက် ဆန္ဒပြခဲ့ကြခြင်းဖြစ်ပြီး၊ ဆန္ဒပြပွဲအား ရဲတပ်ဖွဲ့ဝင်များနှင့် မိုင်းစီမံကိန်း၏ လုံခြုံရေးတပ်ဖွဲ့ဝင်များမှ အကြမ်းဖက်ဖြိုခွင်းခဲ့သည့်အတွက် ဒေါ်ခင်ဝင်း သေဆုံးခြင်းနှင့်အတူ အခြားဒေသခံ ၁၀ ဦးတို့လည်း ထိခိုက်ဒဏ်ရာများ ရရှိခဲ့ပါသည်။ ရဲများဘက်မှ ထိုအဖြစ်အပျက်အား စတင်စုံစမ်းမည် ဖြစ်ကြောင်း သိရှိရပါသည်။

ဆက်သွယ်မေးမြန်းရန်

ကိုတိတ်နိုင်          အတွင်းရေးမှူး        +၆၆(၀) ၈၁၂၈၇၈ ၇၅၁

ကိုဘိုကြည်          တွဲဘက်အတွင်းရေးမှူး         +၉၅(၀) ၉၄၂၅၃၀ ၈၈၄၀

December 2014, Chronology (Bur) ဒေါင်းလော့ရယူရန်