အေအေပီပီ(ဘီ)မှ အောက်တိုဘာလအတွက် နိုင်ငံရေးဖြစ်စဉ်များအပေါ် သုံးသပ်တင်ပြချက်

IMAG0874

လက်ရှိအခြေအနေ အကျဉ်းချုပ်

အောက်တိုဘာလကုန်တွင် နိုင်ငံရေးအကျဉ်းသား ၇၅ ဦး မြန်မာနိုင်ငံ အကျဉ်းထောင်များအတွင်း ဆက်လက် ဖမ်းဆီး ထိန်းသိမ်းခံနေရပြီး တက်ကြွလှုပ်ရှားသူ ၁၂၁ ဦးတို့သည် တရားရင်ဆိုင်နေရပါသည်။ တိုင်းပြည်အတွင်း သတင်းမီဒီယာများအပေါ် ဖိနှိပ်မှုနှင့် ပုဒ်မ ၁၈ အား အသုံးပြု၍ နိုင်ငံရေးတက်ကြွလှုပ်ရှားသူများအား ဖိနှိပ်ထားခြင်းသည် လွန်စွာ စိုးရိမ်ဖွယ်ရာ ကိစ္စရပ်အဖြစ် ဆက်လက်ရှိနေပြီး၊ အလွတ်သတင်းထောက် ကိုအောင်ကျော်နိုင် (ခ) ကိုပါကြီးအား ဥပဒေမဲ့ သတ်ဖြတ်ခဲ့ခြင်းသည် ၂၀၁၄ ခုနှစ် ကုန်ကာနီးအချိန်တွင် အထူး စိတ်ပျက်ဖွယ်ရာကောင်းသည့် ကိစ္စတစ်ရပ် ဖြစ်နေပါသည်။ အောက်ပါ ရေးသားချက်များသည် မြန်မာနိုင်ငံရှိ နိုင်ငံရေးအကျဉ်းသားအရေး၊ နိုင်ငံသားတို့၏ အခွင့်အရေး၊ လွတ်လပ်ခွင့်များနှင့် စပ်လျဉ်း၍ တိုးတက် ဖြစ်ထွန်းမှုများအား အဓိကထားသည့် သတင်းမီဒီယာများနှင့် မြန်မာနိုင်ငံအတွင်းမှ အေအေပီပီတို့ ရရှိသည့် သတင်းအချက်အလက်များအပေါ် ဆန်းစစ်လေ့လာ သုံးသပ်ထားခြင်းဖြစ်သည်။

တစ်လအတွင်း သုံးသပ်ချက်
အောက်တိုဘာလတွင် တက်ကြွလှုပ်ရှားသူ ၈ ဦး တရားစွဲဆိုခြင်း ခံခဲ့ရပြီး၊ ၂၆ ဦး ပြစ်ဒဏ်များ ချမှတ်ခံရပါသည်။  ထိုပြစ်ဒဏ်ချမှတ်ခံရသည့် ၂၆ ဦးထဲမှ၊ ၂၀ ဦးတို့သည် ထောင်ဒဏ်များ ချမှတ်ခံခဲ့ရကာ၊ ၆ ဦးသည် ဒဏ်ငွေ ၂ သောင်းကျပ်စီ ပေးဆောင်ပြီး လွတ်မြောက်ခဲ့ပါသည်။  နိုင်ငံရေးအကျဉ်းသား ၂၁ ဦး တို့သည်လည်း ၎င်းတို့၏ထောင်ဒဏ်များကို ကျခံပြီးနောက် အကျဉ်းထောင်များမှ ပြန်လည်လွတ်မြောက်ခဲ့ကြပါသည်။ ထို့အပြင် အလွတ်သတင်းထောက် တစ်ဦးသည် စက်တင်ဘာ လကုန်ပိုင်းတွင် ဖမ်းဆီးခံခဲ့ရပြီး၊ ဖမ်းဆီးခံနေရစဉ်အတွင်း အာဏာပိုင်တို့၏ သတ်ဖြတ်ခြင်းကို ခံခဲ့ရပါသည်။
အောက်တိုဘာလတွင်ပင် မွန်ပြည်နယ် အကျဉ်းစခန်းတစ်ခုအတွင်း အလွတ်သတင်းထောက် တစ်ဦးဖြစ်သူ ကိုအောင်ကျော်နိုင် (ခ) ကိုပါကြီး ဖမ်းဆီးခံနေရစဉ်၊ လုံးဝအခြေအမြစ် မရှိပါပဲ သတ်ဖြတ်ခံလိုက်ရသည့် ကိစ္စဖြစ်ပြီးနောက်၊ မြန်မာနိုင်ငံအတွင်း ဖြစ်ပျက်နေသည့် လူ့အခွင့်အရေး ချိုးဖောက်မှုများတွင် ဥပဒေမဲ့ သတ်ဖြတ်ခြင်း၊ မတရား ဖမ်းဆီးထိန်းသိမ်းခြင်းနှင့် နှိပ်စက်ညှဉ်းပန်းမှုတို့သည် ထိပ်တန်းနေရာတွင် ရှိနေကြောင်း သိရှိလာပါသည်။ ကိုပါကြီးအား စစ်သားတစ်ဦးမှ သေနတ်ဖြင့် ပစ်ခတ်သတ်ဖြတ်ပြီးနောက်၊ ဦးစွာ စစ်ဆေးခြင်း မလုပ်သလို မိသားစုအား ပြန်လည်ပေးအပ်ခြင်းလည်း မရှိပဲ၊ သူ၏ရုပ်အလောင်းအား မြှုပ်နှံခဲ့ကြပါသည်။  သူသေဆုံးသွားပြီးနောက် လေးနက်သည့် မေးခွန်းများစွာလည်း ထွက်ပေါ်လာခဲ့ပါသည်။
ထိုကိစ္စမျိုးသည် မြန်မာနိုင်ငံတွင် တစ်ခုတည်း ဖြစ်ပျက်ခဲ့သည်မဟုတ်ပဲ အဖွဲ့အစည်းပေါင်း ၁၂၀ မှ လက်မှတ်များထိုး၍ “လွတ်လပ်၍ ကြားနေဖြစ်သည့် ပါလီမာန် ကော်မရှင် တစ်ရပ်ဖွဲ့စည်းပြီး ပျောက်ဆုံးနေသည့် မဆွမ်မလွတ်ရွယ်ဂျာ ကိစ္စအား စုံစမ်းစစ်ဆေးပေးရန်” အစိုးရအား တောင်းဆိုခဲ့ကြပါသည်။ ကချင်အမျိုးသမီး တစ်ဦးဖြစ်သူ မဆွမ်မလွတ်ရွယ်ဂျာသည် အောက်တိုဘာလ ၂၈ ရက်၊ ၂၀၁၁ ခုနှစ်တွင်၊ မြန်မာစစ်တပ်၏ မတရားသဖြင့် ဖမ်းဆီးခြင်းကို ခံခဲ့ရကာ၊ ထိုအချိန်မှစပြီး ပျောက်ဆုံးနေခဲ့ပါသည်။  သူမ သေဆုံးသွားပြီဟု ယူဆကြပြီး၊ မည်သည့်အတွက်ကြောင့် ပျောက်ဆုံးသည် ဆိုခြင်းကို အာဏာပိုင်တို့ဘက်မှ ယခုအချိန်အထိ ရှင်းပြခြင်း မရှိပါ။
ယခုလတွင် မြန်မာနိုင်ငံအတွင်း သတင်းမီဒီယာ လွတ်လပ်ခွင့်အား မြန်မာအစိုးရမှ ဆက်လက်လျစ်လျူရှုနေကြောင်း ပြသလျက်ရှိပါသည်။ ဘိုင်မွန်းတည့်နေဂျာနယ်အမှုတွင် ဖမ်းဆီးခံခဲ့ရသူ ၅ ဦးတို့သည် ရာဇသတ်ကြီး ဥပဒေပုဒ်မ ၅၀၅ (ခ) ဖြင့် ထောင်ဒဏ် ၂ နှစ်စီ အသီးသီး ချမှတ်ခံခဲ့ရပြီး၊ သူတို့၏ ပထမဦးဆုံး အယူခံအားလည်း မည်သည့်အကြောင်းပြချက်မှ မရှိပဲ ငြင်းပါယ်ခံခဲ့ရပါသည်။ ထို့အပြင် ချင်းပြည်နယ်ရှိ သတင်းမီဒီယာ ၄ ခုတို့သည်လည်း ချင်းပြည်နယ်အစိုးရအား မှတ်ပုံမတင်ခြင်းကြောင့် ဟုဆိုကာ ဖိအားပေး ပိတ်သိမ်းခံလိုက်ရပါသည်။

ယခုလတွင်ပင် အစိုးရအား ပြင်းပြင်းထန်ထန်၊ ကျယ်ကျယ်ပြန့်ပြန့် ဝေဖန်သုံးသပ်ခဲ့သည့် လူ့အခွင့်အရေးနှင့် ပတ်သက်သော ဆွေးနွေးပွဲများအား ကျင်းပခဲ့ပြီး၊ အောက်တိုဘာလ ၄ ရက်နှင့် ၅ ရက်နေ့တွင် သတင်းမီဒီယာ လွတ်လပ်ခွင့်နှင့်ပတ်သက်သည့် ဆွေးနွေးပွဲ တစ်ခုအား နေပြည်တော်တွင် ကျင်းပခဲ့ပါသည်။ ပါဝင်ဆွေးနွေးသူများမှ မြန်မာနိုင်ငံရှိ တရားရုံးများ၏ လွတ်လပ်အမှီအခိုကင်းမှုအပေါ် မေးခွန်းထုတ်လိုက်ပြီး၊ ၁၉၂၃ ခုနှစ် နိုင်ငံတော် လျှို့ဝှက်အက်ဥပဒေသည် အဓိက အတားအဆီး တစ်ခုဖြစ်နေကြောင်း ပြောကြားကာ၊ အစိုးရ၏ လုပ်ငန်းများနှင့်ပတ်သက်သည့် သတင်းများ ရယူခွင့်မရှိခြင်းသည်လည်း စိုးရိမ်စရာကိစ္စရပ်ဖြစ်နေကြောင်း ပြောဆိုဆွေးနွေးခဲ့ကြပါသည်။  ဥပဒေ ပြန်လည်ပြုပြင်ရေးနှင့် လူ့အခွင့်အရေး ကဏ္ဍများအပါအဝင် အရေးကိစ္စ များစွာအား ဆွေးနွေးရန်အတွက် လူထုအခြေပြု အဖွဲ့များမှ ကိုယ်စားလှယ်များ စုစည်းကာ “မြန်မာနိုင်ငံ၏ အပြောင်းအလဲ ဖြစ်စဉ်: ၂၀၁၅ နှင့် ထိုနှစ်အလွန်ကာလအား ခန့်မှန်းခြင်း” ခေါင်းစဉ်ဖြင့် နောက်ထပ် ဆွေးနွေးပွဲ တစ်ခုအား ရန်ကုန်မြို့တွင် အောက်တိုဘာလ ၁၄ ရက်နေ့မှ ၁၆ ရက်နေ့အထိ ကျင်းပခဲ့ကြပါသည်။  တရားရေးစနစ်၊ ၂၀၀၈ ခုနှစ် ဖွဲ့စည်းပုံအခြေခံဥပဒေ၊ ဥပဒေများနှင့်ပတ်သက်လျှင် ငြိမ်းချမ်းစွာ စုဝေးခြင်းနှင့် စီတန်းလှည့်လည်ခြင်းဆိုင်ရာ ဥပဒေပုဒ်မ၊ သတင်းမီဒီယာ ဥပဒေပုဒ်မများနှင့် ယေဘူယျ ဒီမိုကရေစီ ပြုပြင်ပြောင်းလဲမှု ဖြစ်စဉ်ကြီး တစ်ခုလုံးတို့အား ဝေဖန်သုံးသပ်ခဲ့ကြပြီး ဥပဒေရေးရာ ကျွမ်းကျင်သူ ဦးကြီးမြင့်မှ “ကျနော်တုိ့လိုတာက မူဝါဒ အသစ်တွေနဲ့ ခေါင်းဆောင် အသစ်တွေပါ၊ ယူနီဖောင်းပဲ ပြောင်းထားတဲ့ လူတွေကို လိုအပ်တာ မဟုတ်ဘူး” ဟု အုပ်စုများစွာ၏ စိတ်ပျက်လက်လျော့မှုအား အကျဉ်းချုပ်ပြီး ပြောဆိုသွားပါသည်။
၂၀၁၄ ခုနှစ်၊ အောက်တိုဘာလ ၁၀ ရက်၊ မြန်မာတိုင်းမ် (အင်္ဂလိပ်)
၂၀၁၄ ခုနှစ်၊ အောက်တိုဘာလ ၁၆ ရက်၊ ဗွီအိုအေ (အင်္ဂလိပ်)
၂၀၁၄ ခုနှစ်၊ အောက်တိုဘာလ ၂၀ ရက်၊ မြန်မာတိုင်းမ် (အင်္ဂလိပ်)
၂၀၁၄ ခုနှစ်၊ အောက်တိုဘာလ ၂၁ ရက်၊ ဘားမားနက်တ် (အင်္ဂလိပ်)
၂၀၁၄ ခုနှစ်၊ အောက်တိုဘာလ ၂၄ ရက်၊ ဧရာဝတီ (အင်္ဂလိပ်)
၂၀၁၄ ခုနှစ်၊ အောက်တိုဘာလ ၂၈ ရက်၊ ဒီဗွီဘီ (အင်္ဂလိပ်)
၂၀၁၄ ခုနှစ်၊ အောက်တိုဘာလ ၃၁ ရက်၊ မြန်မာတိုင်းမ် (အင်္ဂလိပ်)

ဒေါင်းလော့ရယူနိုင်ပါသည်-October 2014, Chronology (Bur)

ဆက်သွယ်မေးမြန်းနိုင်ရန်

ကိုတိတ်နိုင်         အတွင်းရေးမှူး        +၆၆(၀)၈၁၂၈၇၈ ၇၅၁

ကိုဘိုကြည်        တွဲဘက်အတွင်းရေးမှူး  +၉၅(၀) ၉၄၂၅၃၀ ၈၈၄၀